Míele Kpewòm Na Dutoƒonuƒo Tɔxɛ Aɖe Sese

Àte Ŋu Avo Le Susu Me Le Xexe Tɔzi Sia Me!

Woaƒo nuƒo sia si wotu ɖe Biblia dzi la le xexea me godoo le dukɔ siwo wu 230 me. Le teƒe geɖewo la, woaƒo nuƒo sia le Kwasiɖa, April 15, 2007 dzi. Nu kawo ŋue wòaku ɖo? Le kpɔɖeŋu me, bu nya siawo ŋu kpɔ:

Nu ka gbɔe wòtso be ame biliɔn geɖe sena le wo ɖokui me le xexea me godoo be yewomele dedie o?

Tso ɣekaɣi koŋue amewo va le sesem le wo ɖokui me be yewomele dedie o?

Afi kae míate ŋu akpɔ dedienɔnɔ vavãtɔ le, eye aleke míawɔ wòasu mía si?

Ne èva se nuƒo vevi sia si wotu ɖe Biblia dzi, si woaƒo le teƒe akpe geɖe dometɔ ɖeka la, àkpɔ ŋuɖoɖo na biabia mawo. Le nuto akpa gãtɔ me la, woaƒo nuƒo sia le Yehowa Ðasefowo ƒe Fiaɖuƒe Akpata me. Adzɔ dzi na Ðasefo siwo le miaƒe nutoa me be yewoagblɔ afi si woaƒo nuƒo sia le kple gamea na wò. Míedi vevie be nàva se nuƒo dedziƒoname sia si sɔ ɖe ɣeyiɣia dzi, si wotu ɖe Biblia dzi la.