Dutoƒonuƒo Tɔxɛ

Ame Kae Dze Aɖu Ameƒomea Dzi?

• Dziɖula kae ate ŋu akpɔ gakuxiwo gbɔ, akpɔ egbɔ be nuɖuɖu li fũu, eye aƒe nyui nanɔ ame sia ame si?

• Dziɖula kae ate ŋu atsi dzɔdzɔmefɔkuwo nu, si ate ŋu akpɔ amegbetɔwo ta tso tsunamiwo, ahomyawo, alo anyigbaʋuʋuwo ƒe nugbegblẽ me?

• Dziɖula kae ate ŋu aɖe dɔlélewo katã ɖa, si ate ŋu ana ŋusẽ yeye nagaɖo lãme na amegãɖeɖiwo?

• Dziɖula kae ate ŋu atsi aʋawɔwɔwo katã nu ahana eteviwo nanɔ ŋutifafa kple dziɖeɖi me?

• Dziɖula kae ate ŋu aɖɔ nu siwo gblẽ le anyigbaa dzi nu gbagbewo kple wo nɔƒewo ŋu la ɖo be woada asɔ pɛpɛpɛ ahatrɔ anyigbaa wòazu paradiso?

Dziɖula ɖeka pɛ koe li, si ate ŋu ahe yayra siawo katã vae. Ame kae nye Dziɖula sia? Woaɖo biabia sia ŋu le dutoƒonuƒo si nye “Ame Kae Dze Aɖu Ameƒomea Dzi?” la me. Woaƒo nuƒo sia si wotu ɖe Biblia dzi la le dukɔ siwo wu 230 me le xexea me godoo. Le teƒe akpa gãtɔ la, woaƒo nuƒo sia le Yehowa Ðasefowo ƒe Fiaɖuƒe Akpata si le nutoa me la me, le Kwasiɖagbe, April 6, 2008, dzi. Adzɔ dzi na Yehowa Ðasefo siwo le miaƒe nutoa me be yewoagblɔ teƒe si woaƒo nuƒo sia le kple gamea na wò. Míele kpewòm vividoɖeameŋutɔe be nàyi aɖase nuƒo sia.