Biblia Me Biabiawo Ƒe Ŋuɖoɖowo
Nu ka tae wòle be míado gbe ɖa be Mawu Fiaɖuƒea nava?
Àdi be yeanya nu geɖe tso Mawu Fiaɖuƒea kple nu siwo wòava wɔ la ŋua?
Dziɖuɖu si le dziƒoe Mawu Fiaɖuƒea nye. Nu si tae Yesu gblɔ na eyomedzelawo be woado gbe ɖa be Mawu Fiaɖuƒea navae nye be Fiaɖuƒea ahe dzɔdzɔenyenye kple ŋutifafa ava anyigbaa dzi. Amegbetɔ ƒe dziɖuɖu aɖeke mate ŋu aɖe ŋutasesẽ, nu madzɔmadzɔ wɔwɔ alo dɔléle ɖa o, gake Mawu Fiaɖuƒea ya ate ŋui eye ele ewɔ ge hã. Mawu tia Via, Yesu, be wòanye Fiaɖuƒea ƒe Fia. Yehowa tia Yesu yomedzela aɖewo hã be woaɖu fia kple Yesu le Fiaɖuƒea me.
Eteƒe madidi o, Mawu Fiaɖuƒea aɖe ame siwo katã tsia tsitre ɖe Mawu ƒe dziɖuɖu ŋu la ɖa. Eya ta ne míele gbe dom ɖa be Mawu Fiaɖuƒea nava la, efia be míele biabiam be Mawu ƒe dziɖuɖua nava xɔ ɖe amegbetɔwo ƒe dziɖuɖuwo katã teƒe.
Vi kae Mawu Fiaɖuƒea aɖe na amewo?
Yesue nye Fia si sɔ nyuie, elabena esea veve ɖe ame nu. Esi wònye Mawu ƒe Vi ta la, ŋusẽ le esi hã be wòakpe ɖe ame siwo katã le ɣli dom be Mawu nakpe ɖe yewo ŋu la ŋu.
Mawu Fiaɖuƒea aɖe vi na anukwaretɔ siwo le Mawu ƒe lɔlɔ̃nu wɔm hele gbe dom ɖa be eƒe Fiaɖuƒea nava. Ne èsrɔ̃ nu si Biblia fia tso Mawu Fiaɖuƒea ŋu la, aɖe vi na wò godoo.
Ɖewohĩ Esia Hã Adzɔ Dzi Na Wò
BIBLIA ME BIABIAWO ƑE ŊUÐOÐOWO
Nu Kae Mawu Fiaɖuƒea Awɔ Na Mí?
Xlẽ nu tso nu siwo nàte ŋu akpɔ mɔ na be Mawu Fiaɖuƒea ava wɔ ne ele dzi ɖum ɖe anyigba dzi la ŋu.
GBETAKPƆXƆ
Mawu Fiaɖuƒe La
Ne Mawu Fiaɖuƒea aɖe vi na wò la, wò ŋutɔ gbɔwòe wòatso.
