Biblia Me Biabiawo Ƒe Ŋuɖoɖowo
Aleke viwòwo awɔ asrɔ̃ ale si woalɔ̃ Mawue?
Zã nu siwo Mawu wɔ nàtsɔ akpe ɖe viwòwo ŋu woanya Mawu ahalɔ̃e
Viwòwo alɔ̃ asrɔ̃ ale si woalɔ̃ Mawue ne woka ɖe edzi be Mawu li, eye be elɔ̃ yewo. Ele be woanya Mawu hafi ate ŋu alɔ̃e. (1 Yohanes 4:8) Le kpɔɖeŋu me, ele be woakpɔ ŋuɖoɖo na biabia siawo: Nu ka tae Mawu wɔ amegbetɔwo ɖo? Nu ka tae Mawu ɖe mɔ míekpea fu? Nu kae Mawu awɔ na amegbetɔwo le etsɔme?
Ne èdi be yeakpe ɖe viwòwo ŋu woalɔ̃ Mawu la, ele be wò ŋutɔ nàɖee afia be yelɔ̃e. Ne wokpɔe dzesii be èlɔ̃ Mawu la, woate ŋu ato wò afɔtoƒe.
Aleke nàwɔ aɖo viwòwo ƒe dzi gbɔ?
Ŋusẽ le Mawu ƒe Nya la ŋu. (Hebritɔwo 4:12) Eya ta kpe ɖe viwòwo ŋu woanya gɔmedzenufiafiawo. Be Yesu naɖo eƒe nyaselawo ƒe dzi gbɔ la, ebiaa nya wo eye wòɖea Ŋɔŋlɔawo me na wo. Eya ta be nàɖo viwòwo ƒe dzi gbɔ la, ele be nàfia nu wo ale si Yesu wɔe.
Tsɔ kpe ɖe eŋu la, Biblia me ŋutinya siwo ɖe ale si Mawu wɔa nu kple amewoe fia la akpe ɖe ɖeviwo ŋu woanya Mawu ahalɔ̃e. Wotrɔ asi le agbalẽ si akpe ɖe ɖeviwo ŋu woaɖo taɖodzinu sia gbɔ hedae ɖe www.pr418.com/ee.
Ɖewohĩ Esia Hã Adzɔ Dzi Na Wò
ÐEVIWO
Nye Yehowa Xɔlɔ̃
Videowo, hawo kple dɔdeasi siawo ate ŋu akpe ɖe ɖeviwo ŋu woasrɔ̃ nu veviwo ku ɖe ale si woawɔ adze Mawu ŋu la ŋu.
NYE AGBALẼ SI NYE BIBLIA ŊUTINYAWO
Nye Agbalẽ si Nye Biblia Ŋutinyawo—Ŋgɔdonya
Nu siwo dzɔ ŋutɔŋutɔ ƒe ŋutinya siwo tso agbalẽ nyuitɔ kekeake, si nye Biblia, me la na míekpɔ nu siwo dzɔ tso xexemewɔwɔ dzi va de asi na fifia.
AGBALẼWO KPLE AGBALẼ GBADZAWO
