Ðe wò ɖeka nèɖe ɖe aga eye nèle sesem le ɖokuiwò me be yetsi akogoa? Ne nenemae la, ke ɖewohĩ èle sesem le ɖokuiwò me abe hakpalaa ene esi wògblɔ be: “Mele abe xevi tsiakogo le xɔ ta ene.” (Psalmo 102:7) Biblia ƒe aɖaŋuɖoɖowo ate ŋu akpe ɖe ŋuwò nànɔ te ɖe akogotsitsi nu ne èɖe ɖe aga.

•  Na wò kple Mawu dome nanɔ kplikplikpli

•  Xlẽ Biblia me nya fakɔnamewo

•  Nya nu si tae nuwo le gbegblẽm ɖe edzi le xexea me

•  Ƒo asa na dzimaɖitsitsi dzodzro

•  Dze xɔlɔ̃ nyuiwo

•  Nɔ kame dem edziedzi

Ne èɖe ɖe aga gɔ̃ hã la, àte ŋu akpɔ dzidzɔ ne èɖoa ŋku edzi be yehiã na Mawu, eye nèdzea agbagba be yeadze sii. (Mateo 5:3, 6) Nu siawo siwo gbɔna siwo nàte ŋu akpɔ le míaƒe nyatakakadzraɖoƒea femaxee la ate ŋu akpe ɖe ŋuwò.

• Biblia si me nyawo de pɛpɛpɛ eye exexlẽ le bɔbɔe

• Biblia-sɔsrɔ̃ Le Internet Dzi ƒe ɖoɖo si ana nàkpɔ ŋuɖoɖo na agbemebiabia vevitɔwo dometɔ aɖewo

• Video kpui siwo ku ɖe Biblia me nufiafia vevi aɖewo ŋu

• “Biblia Me Biabiawo Ƒe Ŋuɖoɖowo”—Nya siwo ame geɖe biana la ƒe ŋuɖoɖo siwo le tẽe

• “Srɔ̃ Woƒe Xɔse”—Nyati siawo akpe ɖe ŋuwò nàkpɔ nu siwo dzɔ le Bibliameme wɔnuteƒe aɖewo ƒe agbe me la le susu me nyuie

• “Ðe Wowɔea?”—Nyati siawo he susu yi ale si gbegbe dzɔdzɔmenuwo nya kpɔ hewɔ nukui la dzi

Ŋɔŋlɔ siawo kpe ɖe ame geɖe ŋu wokpɔ akɔfafa. Le esi nàxlẽ mawunyakpukpui gbogbo aɖewo le ɣeyiɣi ɖeka me teƒe la, dze agbagba nàwɔ ɣeyiɣi si me nèɖe ɖe aga la ŋu dɔ nàtsɔ ade ŋugble le mawunyakpukpui ɖe sia ɖe ŋu eye nàdo gbe ɖa tso wo ŋu.—Marko 1:35.

• Psalmo 23:1-6

• Psalmo 34:1-22

• Psalmo 46:1-11

• Psalmo 63:6-8

• Psalmo 91:1-6

• Mateo 6:25-34

• 2 Korintotɔwo 1:3, 4

• Filipitɔwo 4:6, 7

• 1 Petro 5:6, 7

Àte ŋu anɔ te ɖe nɔnɔme sesẽ ɖe sia ɖe nu ne ènya nu si gbɔ wotso kple ale si Mawu ava ɖe wo ɖae.—Yesaya 65:17.

• Nu ka tae Mawu ɖe mɔ fukpekpe li?

• Nya kae Biblia gblɔ tso dɔléle kple lãmesẽnyawo ŋu?

• Nu kae nye ŋkeke mamlɛawo ƒe dzesi?

• Ame kawoe nye sɔdola ene siwo ŋu woƒo nu tsoe le Nyaɖeɖefia ƒe agbalẽa me?

• Nu kae Mawu Fiaɖuƒea awɔ na mí?

Nyati siwo ku ɖe nya siwo gbɔna ŋu la ate ŋu akpe ɖe ŋuwò nànɔ te ɖe akogotsitsi nu eye ‘nàdzudzɔ dzimaɖitsitsi.’—Mateo 6:25.

• Ale si nàwɔ anɔ te ɖe nuteɖeamedzi nu

• Nɔnɔme nyuitɔ si ana nàyi edzi anɔ dzidzɔ kpɔm

• Dzimaɖitsitsi le afɔkuwo ta

• Dzimaɖitsitsi le gakuxiwo ta

• Nu siwo nana sɔhɛwo tsia dzimaɖi

Xɔlɔ̃ nyuiwo ana wò susu nadze akɔ anyi eye wò dzi nadze eme, eye esia gale vevie wu ne mètea ŋu doa go amewo ŋkume kple ŋkume o. Ne èɖe ɖe aga le aƒe me la, àte ŋu ato videokadodo alo telefon dzi ana kadodo nanɔ wò kple xɔ̃wòwo dome eye nàdze xɔlɔ̃ yeyewo hã. Nyati siwo gbɔna ate ŋu akpe ɖe ŋuwò nàdze xɔlɔ̃ nyuiwo eye wò ŋutɔ hã nànye “xɔlɔ̃ vavã.”—Lododowo 17:17.

• Ame kae nye xɔlɔ̃ nyui?

• Ðe wòhiã be magadze xɔlɔ̃ geɖe wua?

• Nu ka tae xɔlɔ̃wo mele asinye o?

• Nye xɔlɔ̃ nyui na amewo to domenyowɔwɔ me

• Ðee fia be yenye xɔlɔ̃ nyui to akpedada me

Biblia na míenya be “kamedede nyo.” (1 Timoteo 4:8, etenuŋɔŋlɔ) Kamedede ate ŋu ana wò susu nadze akɔ anyi, vevietɔ ne èɖe ɖe aga tso ame bubuwo gbɔ. Ne manya wɔ be nàdo go le wò aƒe me o gɔ̃ hã la, anɔ be eme nanewo li nàte ŋu awɔ atsɔ anɔ kame dem.

• Nɔ nu siwo awɔe be nànɔ wò ametia ʋãm la wɔm

• Wɔ nu siwo ana nànɔ lãmesẽ me eye nàsrɔ̃ ale si nànɔ te ɖe nu nu