JW Library nye Yehowa Ðasefowo ƒe dɔwɔnu. Biblia vovovowo, agbalẽwo kple agbalẽ gbadzawo hã le edzi hena nusɔsrɔ̃.

January 2023 (Version 13.4)

• Wowɔ tɔtrɔwo le Ezazã Ŋuti Ðoɖo kpakple Ameŋunyatakaka Ŋuti Ðoɖo la ŋu.

• Ameŋunyatakaka Ƒe Tiatiawɔƒe la aɖe mɔ na wò nàtia wò mɔ̃a ŋuti nyatakaka siwo ŋu nàɖe mɔ ɖo be woazã.

October 2022 (Version 13.3)

• Wowɔ asitɔtrɔ yeyewo le odio kple video ƒonuwo ŋu siwo ƒe ɖee nye esi nana video si le ƒoƒom la dzena sue, alo ƒona kabakaba alo blewu, kple esi nana nya si gblɔm wolea ŋuti nuŋɔŋlɔwo dzena.

• Àte ŋu atrɔ asi le odio alo videoa ƒoƒo ŋu le mɔ vovovowo nu. Tsɔ asibidɛ eve tɔ mɔ̃a ŋkume be odio alo videoa ƒoƒo natɔ alo ayi edzi, li asi mɔ̃a ŋkume yi ɖusi alo miame be wòaƒo esi le ŋgɔ alo megbe, li asi eŋkume yi dzi alo anyime be wòaƒo kabakaba alo blewu, tɔ asi miakpa dzi alo ɖusikpa dzi zi eve tri ɖe nu be wòaƒo ayi megbe alo ŋgɔgbe.

July 2022 (Version 13.2)

• Etenuŋɔŋlɔwo kple dzesidenyawo va dzena le nyatiwo ƒe nuwuwu, tsɔ kpe ɖe esi dzena le ɖusikpa dzi xoxo la ŋu.