Esi Ahom si woyɔna be Odile tu le Baja California Sur ƒe ƒuta le Dzoɖa, September 15, 2014 dzi megbe la, Yehowa Ðasefo siwo le nuto siwo ƒo xlã nuto sia me la tsɔ nuɖuɖu, tsi kple atikewo yi ɖana woƒe haxɔsetɔ siwo ŋu ahom la gblẽ nu le. Nu vevi mewɔ Ðasefo aɖeke o, eye ɖeke hã meku le ahom sesẽtɔ kekeake si tu kpɔ le ƒukpo sia dzi tso keke ƒe 1967 me la me o. Ke hã, ahom la gbã Ðasefowo ƒe aƒe 82 eye wògblẽ nu le aƒe 85 bubuwo ŋu. Ena hã be ƒome 125 ʋu le woƒe aƒewo me. Ame siwo ʋu le woƒe aƒewo me la yi ɖatsi woƒe haxɔsetɔwo gbɔ. Ŋkeke ene do ŋgɔ na ahom la, Ðasefowo ƒe lɔlɔ̃nu faa dɔwɔlawo ŋlɔ lɛta na hame siwo le nutoa me gblɔ nu siwo woawɔ atsɔ adzra ɖo ɖe ahom la ŋu na wo. Ðasefowo ƒe hamemetsitsiwo na woƒe hametɔ siwo ƒe aƒewo dome gblẽ la yi ɖatsi wo nɔvi Ðasefo bubuwo gbɔ. Yehowa Ðasefowo ƒe alɔdzedɔwɔƒe si le Mexico ɖo kpekpeɖeŋunanu tɔn 20 ɖe nuto si me ahom la gblẽ nu le.

Woƒe Kadodowo:

Xexea Me Godoo: J. R. Brown, Office of Public Information, tel. +1 718 560 5000

Mexico: Gamaliel Camarillo, tel. +52 555 133 3048