MAY 18, 2015
SOUTH KOREA
Ʋɔnudrɔ̃la Aɖe Ðe Asi Le Ame Siwo Gbe Be Yewomaxɔ Asrafo Ƒe Hehe O Ŋu Le South Korea (Corée du Sud)
Le May 12, 2015 dzi la, Gwangju Nutome Ʋɔnudrɔ̃ƒea tso nya me be Yehowa Ðasefo etɔ̃ siwo gbe be yewomaxɔ asrafo ƒe hehe le dzitsinya ta o la medze agɔ o. Ʋɔnudrɔ̃lagã Choi, Chang-seok gblɔ le nyametsotsoa me be: “Ele vevie be ale si woɖea dzitsinya ƒe ablɔɖe si ŋu Dukplɔsea ɖe mɔ ɖo kple ale si woɖea dukɔa ƒe dedienɔnɔ nyawo me la nawɔ ɖeka.” Egblɔ kpee be: “Ne amegbetɔ ƒe gomenɔamesise vevi aɖe mewɔ ɖeka kple dukplɔsea ƒe se bubu aɖe, abe dɔ siwo kpɔ dukɔmeviwo ŋkume wɔwɔ ene o la, esɔ be woaɖe sea me le mɔ aɖe nu be wòade amegbetɔ ƒe gomenɔamesisewo kple dukɔa ƒe dedienɔnɔ nyawo siaa dzi ale si wòanya wɔe.” Ðasefoawo le lalam be ʋɔnudrɔ̃la amesamala nabia be woagbugbɔ nya adrɔ̃ na ye le ŋkeke adre me.
Ɖewohĩ Esia Hã Adzɔ Dzi Na Wò
NYADZƆDZƆWO
Ʋɔnudrɔ̃lawo Ƒe Dzitsinya Le Fu Ðem Na Wo Esi Wobia Tso Wo Si Be Woado Toku Ame Bubuwo Ƒe Dzitsinya
South Korea ƒe ʋɔnudrɔ̃lawo ƒe dzitsinya le fu ɖem na wo esi wokpɔe be yewole ame siwo gbe asrafo ƒe hehexɔxɔ le dzitsinya ta lém de ga madzemadzee be wonye nu vlo wɔlawo le esi woade bubu woƒe gomenɔamesiwo ŋu teƒe la ta.
NYADZƆDZƆWO
Dukplɔsetakpɔʋɔnudrɔ̃ƒea Le Ale Si Anyiehe Korea Wɔa Nu Ðe Ame Siwo Gbea Asrafo Ƒe Hehexɔxɔ Le Dzitsinya Ta Ŋu La Me Dzrom
Ʋɔnudrɔ̃ƒea gli nya la da ɖe ŋkeke bubu dzi, eye ava dzro eme kpɔ be ɖe wòsɔ ɖe dukplɔsea nu be woahe to na ame siwo gbe asrafo ƒe hehexɔxɔ le dzitsinya ta la mahã.