Le September kple October 2019 me la, tsi gãwo dza enuenu le Spain ƒe ɣedzeƒe eye esia gblẽ nu geɖe ŋutɔ. Tsi siawo ƒe gãtɔ dza le October 23 dzi le Tarragona nuto me eye esia na Francolí Tɔsisi la ɖɔ gbagba eteƒe mekɔ o. Nublanuitɔe la, ame atɔ̃ bu woƒe agbe le tsiɖɔɖɔ sia me. Wo dometɔ eve nye mía nɔviwo. Mía nɔvi siawo kpã tso hame ƒe kpekpe heɖo ta aƒe me, eye esime wonɔ tɔdzisasrã aɖe dzi tom la, kasia tsiɖɔɖɔa kplɔ woƒe ʋua ɖe enu dzoe.

Hamemetsitsiwo le akɔ fam na hamea me tɔwo elabe woƒe dzi gbã le nɔvi siawo ƒe ku ta. Spain Alɔdzekɔmitia me tɔ aɖe hã yi vɛ srã hamea kpɔ hefa akɔ na wo eye wòde dzi ƒo na wo.

Míele gbe dom ɖa be Yehowa nayi edzi afa akɔ na mía nɔviŋutsuwo kple nɔvinyɔnuwo le xaxa sia me.—2 Korintotɔwo 1:3, 4.