Tso July 4, 2019 dzi la, anyigbaʋuʋu sẽŋuwo kple anyigbaʋuʋu suesuesue siwo va ɖe eyome la gblẽ nu le California ƒe anyiehe le Mojave Dzogbe ƒe nutoa me. Le anyigbaʋuʋu mawo me la, wo dometɔ ɖeka ƒe dzidzee nye 7.1, eye woka nya ta be eyae nye anyigbaʋuʋu sesẽtɔ kekeakewo dometɔ ɖeka si dzɔ le ƒe blaeve siwo va yi me le nuto sia me.

Nuto si me anyigbaa ʋuʋu le la te ɖe du si nye Ridgecrest ŋu, eye gbeƒãɖela 215 sɔŋ ye le nuto ma me. Gake dzidzɔtɔe la, wo dometɔ aɖeke medze afɔku vevie o. Ke hã, nu vevi wɔ gbeƒãɖela etɔ̃ aɖewo ya vie, eye nyatakaka siwo míexɔ va se ɖe fifia ɖee fia be gbeƒãɖela adre zu aƒemanɔsitɔwo. Azɔ hã, nu gblẽ le mía nɔviwo ƒe aƒe 7 ŋu vevie ŋutɔ eye nu gblẽ le aƒe 35 bubuwo hã ŋu vie. Tsɔ kpe ɖe eŋu la, nu gblẽ le Fiaɖuƒe Akpata eve hã ŋu vie.

Nutome sue dzikpɔla eve le ɖoɖo si wowɔ ɖe kpekpeɖeŋunana mía nɔvi siwo ŋu anyigbaʋuʋuawo gblẽ nu le la dzi kpɔm. Nutome sue dzikpɔlaawo kple nutoa me hamemetsitsiwo le dzi dem ƒom na nɔvi siwo ŋu anyigbaʋuʋuawo gblẽ nu le hele akɔ fam na wo.

Míele gbe dom ɖa be Yehowa ayi edzi ana nunya si mía nɔviawo hiã be woatsɔ anɔ te ɖe dzɔdzɔmefɔku siawo tɔgbi nu la wo.—Lododowo 2:6-8.