AUGUST 15, 2019
UNITED STATES
Phoenix, United States—Ƒe 2019 “Lɔlɔ̃ Nu Metsina Gbeɖe O”! Dukɔwo Dome Takpekpe
Ŋkeke Siwo Dzi Wowɔe Le: August 9-11, 2019
Teƒe Si Wowɔe Le: Chase Field le Phoenix, Arizona, United States
Gbe Si Me Wowɔe Le: Eŋlisigbe
Vavalawo Ƒe Agbɔsɔsɔ Gbogbotɔ: 40,237
Nyɔnyrɔxɔlawo Ƒe Xexlẽme: 352
Ame Siwo Tso Duta Ƒe Xexlẽme: 5,000
Alɔdzedɔwɔƒe Siwo Wokpe: Australasia, Britain, Canada, Central Europe, Chile, France, Greece, India, Italy, Korea, Micronesia, Scandinavia, Sri Lanka, Tahiti, Thailand, Trinidad and Tobago, Turkey
Nuteƒekpɔkpɔ: Steve Moore, si nye tatɔ kple amegã le dɔwɔƒe si woyɔna be Visit Phoenix, si wɔa ɖoɖo ɖe dzeƒewo ŋu na ame siwo adze amedzrodzeƒewo, modzakaɖeƒewo kple ame siwo ade takpekpewo ŋu le Phoenix ƒe nutoa me la gblɔ be: “Mewɔ dɔ sia ƒe geɖe, gake takpekpe sia ye nye esi ŋu wowɔ ɖoɖo ɖo nyuie wu ɖe sia ɖe si teƒe mekpɔ kpɔ. Dzi dzɔm ŋutɔ be mewɔ dɔ kpli mi. Tsɔ kpe ɖe eŋu la, miedo ŋugbe be yewoadzra bɔlƒoƒea ɖo hafi adzo—ame bubuwo mewɔa esia o.”
Wole wòezɔ dom na vavala siwo tso duta la vividoɖeameŋutɔe le Sky Harbor International Airport le Phoenix
Phoenix nɔvi aɖewo le tsitre ɖe amedzrodzeƒe siwo vavalawo adze la dometɔ ɖeka ŋkume be yewoado wòezɔ na wo
Nɔviŋutsu kple nɔvinyɔnu alafa geɖewo tsɔ dzidzɔ gã aɖe le wòezɔ dom na vavala siwo va takpekpewɔƒea le Chase Field le Fiɖagbe ŋdi
Vavalawo le to ɖom esime takpekpea le edzi yim, wo dometɔ aɖewo dzra ɖo abe ale si wo detɔwo doa awui ene
Nɔviŋutsu kple nɔvinyɔnu 352 siwo xɔ nyɔnyrɔ la dometɔ eve
Nɔviŋutsu Samuel Herd, si nye Dɔdzikpɔha me tɔ, le nuƒo mamlɛa ƒom le Memleɖagbe
Vavala aɖewo le foto ɖem esime wole modzakaɖetsaɖiƒe aɖe
Mía nɔvi aɖewo le tasiaɖam dom, esia nye ale si nuwo yia edzii le du aɖe me le Amerika ƒe ɣetoɖoƒenutowo me le ƒe alafa 19-awo me la ƒe wɔwɔfia
Ɣeyiɣiawo katã ƒe subɔla siwo tso duta la va tɔ ɖe bɔlƒoƒea ƒe sɔgbea dzi le Kwasiɖagbe wɔnaa ƒe nuwuwu
Ɖewohĩ Esia Hã Adzɔ Dzi Na Wò
MÍA ŊU NYAWO
De Ƒe 2024 Takpekpe Gãa—‘Gblɔ Nya Nyui La!’
Míetsɔ dzidzɔ le wò kpem be nàde ŋkeke etɔ̃ takpekpe si Yehowa Ðasefowo awɔ le ƒe sia me.