Ɛ̃. Míexɔ Yesu, ame si gblɔ be, “Nyee nye mɔ la kple nyateƒe la kpakple agbe la. Ame aɖeke mevaa Fofo la gbɔ o, negbe to dzinye ko” la dzi se. (Yohanes 14:6) Míexɔe se be Yesu tso dziƒo va anyigba dzi, eye wòtsɔ eƒe amegbetɔ ƒe agbe deblibo tsɔ na abe tafevɔsa ene ɖe mía ta. (Mateo 20:​28) Eƒe ku kple eƒe tsitretsitsi ʋu mɔ na ame siwo xɔa edzi sena la be woakpɔ agbe mavɔ. (Yohanes 3:​16) Míexɔe se hã be Yesu le fia ɖum le dziƒo fifia abe Mawu ƒe Dziƒofiaɖuƒe ƒe Fia ene. Eteƒe madidi o, Fiaɖuƒe sia ahe ŋutifafa ava anyigba blibo la katã dzi. (Nyaɖeɖefia 11:​15) Ke hã míexɔ nya si Yesu ŋutɔ gblɔ be “Fofo la lolo wum” la dzi se. (Yohanes 14:​28) Eya ta míedea ta agu na Yesu o, elabena míebunɛ be eyae nye Mawu Ŋusẽkatãtɔ la o.