Ih. Se mme n̄kpọ emi ẹnamde nnyịn idi mi:

•   Nnyịn imesidomo ndinam se Jesus Christ ekekpepde nnyụn̄ ndu uwem nte enye.​—1 Peter 2:21.

•   Nnyịn imenịm ke akpanikọ ite ke Jesus edi Andinyan̄a, ke “enyịn̄ baba kiet efen idụhe ke idak enyọn̄ eke ẹnọde owo, emi ẹkpedade ẹnyan̄a nnyịn.”​—Utom 4:12.

•   Ke ini mme owo ẹkabarede ẹdi Mme Ntiense Jehovah, ẹsinịm mmọ baptism ke enyịn̄ Jesus.​—Matthew 28:18, 19.

•   Nnyịn isibọn̄ akam ke enyịn̄ Jesus.​—John 15:16.

•   Nnyịn imenịm ke Jesus edi Ibuot ọnọ kpukpru irenowo.​—1 Corinth 11:3.

 Edi odu mme n̄kpọ emi ẹnamde nnyịn ikpụhọde ye mme Christian eken. Ke uwụtn̄kpọ, nnyịn imenịm ke Bible ekpep nte ke Jesus edi Eyen Abasi, idịghe ubak Abasi-ita-ke-kiet. (Mark 12:29) Nnyịn inịm ke ukpọn̄ esikpa, inịm ke Bible idọhọke ite ke Abasi esitụhọde mme owo ke nsinsi ke ikan̄ nsobo. Nnyịn inịmke ke ekpenyene ndinọ mbon oro ẹdade iso ke ufọkabasi udorienyịn̄ oro anamde mmọ ẹkon̄ ẹkan mbon en̄wen.​—Ecclesiastes 9:5; Ezekiel 18:4; Matthew 23:8-10.