Mme Ntiense Jehovah ẹkeme ndin̄wam fi ọdiọn̄ọ se Bible ekpepde. Se isikpepde mme owo ke Bible ekeme ndin̄wam fi:

•   Okop inem uwem

•   Edi ufan Abasi

•   Ọdiọn̄ọ mme n̄kpọ oro Abasi ọn̄wọn̄ọde ndinam ke ini iso

Ke page emi

•  Isikpep owo Bible didie?

•  Ukpepn̄kpọ Bible emi esikpa okụk ifan̄?

•  Ukpepn̄kpọ oro esibịghi adan̄a didie?

•  Nditọn̄ọ didie?

•  Ndi mmekeme ndinam ndomonse?

•  Edieke ndọhọde ẹdikpep mi Bible, ndi ana n̄kabade ndi Ntiense Jehovah?

•  Ndi mmekeme ndikama Bible mi?

•  Ndi mmekeme ndikot mbon en̄wen ẹditiene ẹkpep?

•  Ekpedi mma nsikpekpep Bible ye Mme Ntiense Jehovah akpa, ndi mmekeme ndifiak n̄kpep?

•  Ndi ẹmekeme ndikpep owo Bible edi mbufo idọn̄ke-dọn̄ owo aka ufọk esie?

 Owo emi edisikpepde fi Bible ayan̄wam fi ọdiọn̄ọ se idude ke Bible. Enye eyeneme ukpepn̄kpọ kiet kiet ke n̄wed Du Ata Uwem ke Nsinsi! ye afo. Nte ẹnemede ẹka, eyedidiọn̄ọ se idide akpan etop Bible, ye nte Bible ekemede ndin̄wam fi. Edieke oyomde ndikpep n̄kpọ en̄wen, se vidio emi.

 Edi ke mfọn. Mme Ntiense Jehovah ẹsinam se Jesus ọkọdọhọde mme mbet esie: “Mbufo ẹkebọ ke mfọn, ẹnọ ke mfọn.” (Matthew 10:8) N̄kpọ en̄wen edi, nnyịn isinyamke-nyam mme n̄wed oro isidade ikpep mme owo Bible, utọ nte Bible ye n̄wed Du Ata Uwem ke Nsinsi!

 N̄wed oro enyene ukpepn̄kpọ 60. Afo edimek nte oyomde ẹkpep, edi ndusụk owo ẹsimek ndikụre ukpepn̄kpọ kiet m̀mê akande oro ke urua kiet.

1.  1. Wet n̄kpọ yọhọ fọm emi odude ke Intanet. Nnyịn iyada se ewetde aban̄a idemfo inam owo Ntiense Jehovah edisobo ye afo.

2.  2. Owo emi edisikpepde fi Bible eyedisobo ye afo. Owo emi edisikpepde fi Bible ayanam fi ọdiọn̄ọ nte ukpepn̄kpọ oro editiede, oyonyụn̄ ọbọrọ mbụme ekededi oro enyenede.

3.  3. Afo ye owo emi edisikpepde fi Bible ẹyeneme nte ẹdisinamde. Ẹmekeme ndikpep iso ye iso m̀mê ke fon. Ẹmenyụn̄ ẹkeme ndida vidio call ye email mîdịghe ẹnọ etop ke fon. Isida hour kiet ikpep owo Bible, edi emekeme ndisụhọde ini oro m̀mê ẹnam ọniọn̄ akan oro, etiene nte ini fo etiede.

 Ih. Man ekeme ndinam oro, wet n̄kpọ yọhọ fọm emi odude ke Intanet. Ke ini owo emi edisikpepde fi Bible edide ebịne fi m̀mê okotde, nam enye ọdiọn̄ọ ke akpama ndidomo nse, man ese m̀mê ayama ukpepn̄kpọ oro. Enye ayade ediye ekpri n̄wed Du Ata Uwem ke Nsinsi! eneme n̄kpọ ye afo man ese m̀mê ayama ukpepn̄kpọ oro. N̄wed oro enyene ukpepn̄kpọ ita.

 IhIh. Mme Ntiense Jehovah ẹsimama ndineme Bible ye mme owo, edi nnyịn isinyekke owo ndomokiet edi Ntiense Jehovah. Utu ke oro, imesinam mme owo ẹdiọn̄ọ se Bible etịn̄de ukpono ukpono, imonyụn̄ idiọn̄ọ ke owo kiet kiet edimek se enye edinịmde.​—1 Peter 3:15.

 Ih, emekeme ndikama Bible ekededi emi amade. Kpa ye oro isimade ndikama Bible Edisana N̄wed Abasi​—Edikabade Eke Obufa Ererimbot emi enende onyụn̄ ọsọpde an̄wan̄a owo, imesikụt ke ediwak owo ẹsima ndikama Bible emi mmọ ẹmehede.

 Ih. Emekeme ndikot ofụri mbon ubon fo m̀mê ufan fo ekededi oro amade.

 Ih. Obufa n̄wed emi idade ikpep mme owo Bible idahaemi ọfọn akan akpa sia nte ẹnamde enye emi okpụhọde ye eke akpa oro. N̄wed enye emi asan̄a ye ediwak vidio ndien isinyụn̄ inam enye nneme nneme.

 Ih. Kpa ye oro ediwak owo ẹsimade owo edikpep mmọ Bible, ndusụk owo ẹsima ndikpep ke idemmọ kan̄a. Ikpehe emi ẹkotde Se Akpadade Ekpep Bible ọdọn̄ọ nsio nsio n̄kpọ emi ẹkemede ndin̄wam fi ekpep Bible. Ndusụk ẹdi emi:

•   Vidio Ikọ Abasi. N̄kpri vidio emi esinam mme akpan n̄kpọ oro Bible ekpepde an̄wan̄a nnyịn

•   Bible Ekeme Ndibọrọ Mbụme Fo. Ibuotikọ emi esibọrọ ediwak mbụme ke Bible.

•   Itie Bible Ẹnamde An̄wan̄a. Esinam idiọn̄ọ se mme ufanikọ Bible ye se ndusụk ikọ ke Bible ẹwọrọde.