Ih, Mme Ntiense Jehovah ẹsida ibọk ẹnyụn̄ ẹbọ usọbọ. Okposụkedi emi isisede iban̄a idem nnyịn inyụn̄ idomode ndikop nsọn̄idem, ndusụk ini ‘imesiyom abiausọbọ.’ (Luke 5:31, Easy-to-Read Version) Ndusụk Mme Ntiense Jehovah ẹdi mbiausọbọ kpa nte Luke emi ekedide Christian ke eyo mme apostle ekedide abiausọbọ.—Colossae 4:14.

 Edi ndusụk usọbọ ikemke ye se Bible ẹkpepde, ndien nnyịn isibọhọ utọ usọbọ oro. Ke uwụtn̄kpọ, nnyịn isisịnke iyịp ke idem koro Bible akpan owo ndisịn iyịp man odu uwem. (Utom 15:20) Bible akpan n̄ko usọbọ m̀mê usụn̄ usọbọidem emi enyenede n̄kpọ ndinam ye ubụpekpo.—Galatia 5:19-21.

 Ediwak usọbọ ẹdu emi mîtuahake ye se Bible ẹkpepde, ndien owo ekeme ndimek usọbọ emi enye amade. Enyene ibọk emi Ntiense kiet edimade m̀mê usọbọ emi enye edinyịmede ẹnọ imọ, edi Ntiense efen esịn ibọk oro m̀mê ukem usọbọ oro.—Galatia 6:5.