Madián ye Marcela an̄wan esie ẹma ẹsinyene kpukpru se mmọ ẹyomde ke Medellín ke Colombia. Madián ekesidụn̄ ke ata ediye ufọk ye n̄wan esie sia enye akanam utom emi ẹkesikpede enye ediwak okụk. Edi n̄kpọ ama anam mmọ efiak ẹse m̀mê mmimọ imada n̄kpọ Jehovah nte akpan. Mmọ ẹkedọhọ ete: “Ke 2006 ima idụk mbono usen kiet emi ibuotikọ ekedide ‘Nam Enyịn Fo Enen̄ede Ese.’ Ediwak ikọ Abasi ke mbono oro akaban̄a nte ikpetrede ndiyom ikpọ n̄kpọ man ikeme ndisịn idem ke n̄kpọ Jehovah.” Mmọ ẹma ẹdian do ẹte: “Ke mbono oro ama akasuana, ima ikụt ke nnyịn ikanamke se ẹtịn̄de ke mbono oro. Ekesidi ikụt emi nnyịn idep, ikụt oko nnyịn idep. Ima idụk akamba isọn.”

 Ikọ Abasi mbono oro ama anam Madián ye Marcela an̄wan esie ẹtọn̄ọ nditre ndiyom ikpọ n̄kpọ. Mmọ ẹdọhọ ete: “Ima itọn̄ọ itre ndidep ediwak n̄kpọ nte ikesidepde, inyụn̄ iwọrọ ikodụn̄ ke ekpri ufọk, inyam moto nnyịn, inyụn̄ idep masịn.” Ekem mmọ ẹma ẹtre ndisika ikpọ ufọkurua man mmọ idikedep se mmọ mîkpedepke. Mmọ ẹma ẹnyụn̄ ẹtọn̄ọ ndisida ediwak ini nneme n̄kpọ ke Bible ye mme mbọhọidụn̄ mmọ. Ẹnyụn̄ ẹdian idem ye mme akpan asiakusụn̄ a emi ẹkesịnde ifịk ke utom Jehovah Abasi.

 Ikebịghike, Madián ye Marcela ẹma ẹwọrọ ẹka ekpri obio kiet ẹkedu do ẹn̄wam esop kiet ẹkwọrọ ikọ. Madián ama ọkpọn̄ utom oro enye ekesinamde man mmọ ẹkeme ndiwọrọ n̄ka do. Mma kiet emi ekedide akamba owo itieutom mmọ ekekere ke ibuot ebe enye. Edi enye ama obụp mma oro: “Mmọdiọn̄ọ ke emenyene okụk, edi ndi omokop inemesịt?” Mma oro ama osio ọdọhọ enye ke imọ ikopke inemesịt ke ntak ediwak mfịna imọ. Madián ama ọdọhọ enye ete: “Omokụt do ke idịghe ndinyene okụk edi akpan n̄kpọ. Ndinam se inọde owo inemesịt edi akpan n̄kpọ. Ndikpep mme owo Ikọ Abasi esinọ mi ye n̄wan mi inemesịt; iyom ndinen̄ede nsịn idem nnam oro man inen̄ede ikop inemesịt.”

 Madián ye Marcela an̄wan esie ẹnen̄ede ẹkop inemesịt idahaemi ke ntak emi mmọ ẹsịnde idem ke n̄kpọ Abasi utu ke ndiyom ikpọ n̄kpọ. Ke ufan̄ isua 13 emi ebede, mmọ ẹka nsio nsio itie emi ẹyomde mme ọkwọrọikọ, ke northwest Colombia, ẹkedu ye nsio nsio esop do ẹn̄wam ẹkwọrọ ikọ. Idahaemi mmọ mbiba ẹdi akpan asiakusụn̄.