Ẹkpep Ata Ediwak Owo Ndikot N̄wed
Ke 2011, Mme Ntiense Jehovah ẹma ẹkpep n̄kpọ nte owo 5,700 ndikot n̄wed nnyụn̄ n̄wet n̄kpọ.
Ghana:
Mme Ntiense Jehovah ẹkpep n̄kpọ nte owo 9,000 ndikot n̄wed nnyụn̄ n̄wet n̄kpọ ke isua 25 emi ẹbede.
Zambia:
Tọn̄ọ ke 2001, Mme Ntiense Jehovah ẹkpep n̄kpọ nte owo 12,000 n̄wed. Agnes emi edide isua 82 ọdọhọ ete: “Ke ini Mme Ntiense Jehovah ẹkedọhọde ke ẹmọn̄ ẹtọn̄ọ ndikpep mbon oro mîdiọn̄ọke n̄wed nte ẹkpewetde ẹnyụn̄ ẹkotde n̄wed, mma nsịn enyịn̄. Akpa n̄kpọ oro n̄kekpepde ekedi ndiwet enyịn̄ mi.”
Peru:
Mma kiet emi edide isua 55 ọdọhọ ete: “N̄kekereke ke n̄kpekeme ndikot n̄wed nnyụn̄ n̄wet n̄kpọ tutu amama sia ete mi mîkọdọn̄ke mi n̄wed.”
Mozambique:
N̄kpọ nte owo 19,000 ẹkpep ndikot n̄wed ke isua 15 emi ẹbede. Felizarda emi eketienede aka n̄wed emi ọdọhọ ete: “Esịt enen̄ede enem mi idahaemi ndikeme ndikụbọde Bible n̄kot nnọ mme owo. N̄kekemeke ndinam emi akpa.”
Solomon Islands:
Ọfis Mme Ntiense Jehovah ke Solomon Islands ekewet ete: “Ediwak mbon oro ẹdụn̄de ke ebiet emi ufọkn̄wed mîkodụhe ikesikaha n̄wed ke eset. Owo ikesinyụn̄ iwakke ndidọn̄ iban n̄wed. Ntre, ikpọ owo ẹsidụk ufọkn̄wed Mme Ntiense Jehovah emi. Ke ẹma ẹkekụre, ediwak mmọ ẹsikeme ndinam se mmọ mîkekemeke ndinam.”
Ekeme Ndidi Ayama Mmọ Emi N̄ko
OTO ITIEUTOM UBON N̄KANI N̄KPỌ NNYỊN
Ke Ẹn̄wam Mme Owo ke Nsio Nsio Itie ke Ererimbot Ẹdiọn̄ọ Ndikot N̄wed Nnyụn̄ N̄wet N̄kpọ
Ikpọ owo ukara ke nsio nsio idụt ẹtoro Mme Ntiense Jehovah nte mmọ ẹkpepde mme owo ndikot n̄wed nnyụn̄ n̄wet n̄kpọ.