Harold Corkern, emi edide andin̄wam Kọmiti Oro Esede Aban̄a Usio N̄wed ọnọ utịn̄ikọ emi: “Nam Kpukpru Se Ekemede Nọ Jehovah.” Mme owo ẹsiwak ndidi Warwick ndinọ utịn̄ikọ man ẹsọn̄ọ nditọete emi ẹnamde utom do idem.

Afia ndodobi ọkpọ emi ẹfụkde mi an̄wam mbonutom ẹkeme ndinam utom ke ini etuep. Mi ke ufọk udia, itie usọbọidem, itie utem udia, ye itie uyetọfọn̄ ẹdidu.

Mme esịn ikan̄ ilektrik ẹmọn̄ ẹtọn̄ọ ndidọn̄ wire ke ufọk. Ẹduri kan̄a urụk ikan̄ emi ọniọn̄de ebe ikpat 40,000 ẹsịm ufọkidụn̄ mbinan̄. Ẹketọn̄ọ ndidọn̄ ikan̄ ke Warwick esisịt ini ke ẹma ẹkedep itie emi, ndien ẹyeka iso ndinam emi tutu esịm ini emi ẹdikụrede utom do.

Ete emi oyom ndiyet n̄kpọ emi ẹkotde polymethyl methacrylate ke etehe ufọk emi, enye idiyakke mmọn̄ m̀mê edịm odụk etehe emi. Ntre enye ebem iso ada tape adian ke ebiet emi enye mîyomke n̄kpọ emi esịm.

Ete ye eyen ke ẹsịn waya emi ẹdidade idụri ikan̄ isịn ke ufọkidụn̄ mbinan̄ oro.

Nditọete ke ẹdia udia ke itie udia. Kpukpru usen, ẹsitem udia ẹnọ se iwakde ibe owo 2,000 kpukpru uwemeyo.

Ke ẹdọn̄ ikpọ ukwak ke isọn̄ ufọk emi ẹdisidiọn̄de n̄kpọ.

N̄kpri nditọ ẹsiwet leta ẹda ẹkọm mme anamutom ke nti utom mmọ. Ediwak owo ẹsika ẹkenam utom do ke ibio ini. N̄kpọ nte mbufa owo 500 ẹsidi utom do kpukpru urua. Ke February, n̄kpọ nte owo 2,500 ẹkesinam utom ke Warwick kpukpru usen.

Ẹnam utom emi ẹbe mbahade iba idahaemi. Etisịm April 2015, ẹma ẹkụre ndusụk n̄kpọ oro ẹketọn̄ọde ke January, utọ nte ndibọp ndinyụn̄ ndori ọkọm ufọkidụn̄; ẹma ẹkụre n̄ko ndidọn̄ ukwak ke mme itieutom eken ke Ọfis/Ufọk Emi Ediwak Itieutom Ẹdidude. Ke ini oro, mbon utom ẹma ẹtọn̄ọ ndidọn̄ mme ibibene ufọk ke Ufọk Udiọn̄ N̄kpọ ẹnyụn̄ ẹnam itie emi ẹditode Ufọkidụn̄ kiet ika en̄wen. Mmọ ẹma ẹnyụn̄ ẹdiọn̄ n̄kpọ mmọn̄ emi odude ke Blue Lake.

Ẹda ke isọn̄ ẹsio ndise itie udịghiukot emi. Mbonutom oro ẹkpede okụk ẹkenam ukwak ufọk oro okụtde mi, ndien Mme Ntiense ẹkedi ẹdidọn̄ itiat emi ẹdade ẹbọp.

Mme anamutom ẹma ẹdọn̄ ukwak ke isọn̄ ufọk ke usen emi tuep ekenen̄erede odu. Snow ama odu etieti ke Warwick ọtọn̄ọde ke January tutu esịm March. Ndusụk owo ẹma ẹsikwat snow ẹsion̄o ke itieutom ndien mbonutom ẹma ẹsika ẹkedụk n̄kpri ubet emi ẹbarade ikan̄ man ẹnam idem atara mmọ.

Ẹma ẹdori tian ke ọkọm ufọk emi. Etisịm utịt April, ẹma ẹkọn̄ ata ediwak ke otu ndiye ọkọm ufọkidụn̄ ke Warwick. Anaedi ẹyekụre kpukpru n̄kpọ ke ọkọm Ufọkidụn̄ B ke ufọt ọfiọn̄ June.

Ẹdoro ke enyọn̄ crane ẹsio ndise Ufọkidụn̄ B.

Mbon emi ẹsidọn̄de esan̄ mmọn̄ ke ẹda ke Itie Ubon Moto Mbon Bethel ẹse mbuwed ufọk emi. Ama oyom se ibede mbuwed 3,400 ke utom Warwick emi.

Mme owo ẹdoro ke boom lift ẹdian n̄kpọ ke ibibene man n̄kpọ idinam ufọk oro. Ẹsinọ mme owo ediwak orụk ukpep man kpukpru owo ẹdiọn̄ọ nte ẹkpenamde utom edi owo idaha unan. Ẹsinọ mme owo ukpep ke nte ẹkpewatde nsio nsio masịn̄ emi ẹsimende owo ọdọk enyọn̄, ẹkpep se ẹkpenamde mbak owo ididuọ, se ẹkpedade ẹkot ibifịk, nsio nsio idiọn̄ọ emi odude ke itieutom, ye mme ukpep eken.

Ẹda ke edem usoputịn ẹsio mme ndise ufọkidụn̄ emi. Mbemiso ọfiọn̄ April okụre, ẹma ẹnen̄ede ẹsịn ifịk ẹnam n̄kpọ eban̄a ikan̄ ilektrik ye mme n̄kpọ eken ke Ufọkidụn̄ A, B, ye D, oro ikụtde ke ndise emi. Ẹma ẹtọn̄ọ ndinam ibibene, ẹdian tile ẹnyụn̄ ẹyọn̄ọ ndom mbakara ke Ufọkidụn̄ C (ufọkidụn̄ emi idụhe ke ndise emi).

Owo iba ẹdoro ke boom lift ẹyet n̄kpọ ke ibibene ufọk mbak n̄kpọ idinam ibibene oro. Ẹsida n̄kpọ nte ọfiọn̄ iba ẹyet n̄kpọ emi ke Ufọkidụn̄ kiet.

Mme ọbọpufọk ke ẹda granite ẹbọp ibibene. Mi ke ẹdisida ision̄o mme n̄kpọ oro odụkde edi, ẹyenyụn̄ ẹnam nsio nsio utom en̄wen n̄ko.

Ẹma ẹkpe owo emi esinịmde enịm ẹte odụk mmọn̄ Blue Lake emi ọkọdiọn̄ n̄kpọ oro ẹdisidade inam mmọn̄ oro osụhọde. Ẹkeme nditie ke ọfis ẹfịk n̄kpọ kiet ẹnam mmọn̄ osụhọde man mmọn̄ iditọ idụk ufọk ke ini oyobio adahade.