Jesus iketiehe nte eti owo ekededi. Enye edi akakan owo oro akanam odude uwem ke isọn̄. Se se mme ọwọrọetop ewet mbụkeset ẹwetde ẹban̄a enye mi:

 “Jesus eyen Nazareth . . . edi akakan owo ke mbụk.”—H. G. Wells, eyen England emi edide ewet mbụkeset etịn̄ ikọ emi.

 “Idụhe owo ndomokiet ke ererimbot oro uwem esie otụkde mme owo nte eke Jesus, ndien uwem [Jesus] ke osụk ototụk mme owo.”—Kenneth Scott Latourette, eyen America emi esiwetde n̄wed ye mbụkeset etịn̄ ikọ emi.

 Bible etịn̄ se inamde Jesus edi akakan owo oro akanam odude uwem. Ke ini Jesus okobụpde mme mbet esie m̀mê mmọ ẹkere ke imọ idi anie, kiet ke otu mmọ ama ọbọrọ nnennen nnennen ete: “Afo edi Christ, Eyen odu-uwem Abasi.”—Matthew 16:16.