N̄wed Emi Etịn̄de Se Idude ke Bible Ibio Ibio
Bible edi n̄wed emi mme owo ẹnyenede ẹkan ke ofụri ererimbot, ndien ata ediwak owo ẹma enye etieti. Edi afo emekeme ndikere, ‘Nso isesịne ke n̄wed emi mme owo ẹmade etieti mi?’
Ediye ekpri n̄wed Nso Idi Etop Bible? etịn̄ se idude ke Bible ibio ibio, onyụn̄ ekeme ndin̄wam fi ọfiọk ibuotikọ Bible. Ediye ekpri n̄wed emi etịn̄ se idude ke Bible ibio ibio, ọtọn̄ọde ke mbụk edibotn̄kpọ ke Genesis tutu esịm nti n̄kpọ emi Abasi aduakde ndinam nnọ mme owo, emi ẹtịn̄de ke n̄wed Ediyarade. Ediye ekpri n̄wed emi owụt mme ini emi mme akpan n̄kpọ ẹketịbede ke Bible. Enye enyene ata ndiye ndise ye mme mbụme oro ẹnamde owo ekere n̄kpọ, emi anamde emem utom ndineme se idude ke enye.
Mbọk ka jw.org kokot Nso Idi Etop Bible?
Ekeme Ndidi Ayama Mmọ Emi N̄ko
SE AKPADADE EKPEP BIBLE
Itie N̄wed Abasi Eke Usen ke Usen
Ẹdụn̄ọde N̄wed Abasi ke Usen ke Usen onyụn̄ etie nte mme n̄wed ufọkabasi oro ẹsikotde kpukpru usenubọk, enye enyene itien̄wed Abasi emi oyomde ẹneme kpukpru usen ye se ẹtịn̄de ẹban̄a itien̄wed Abasi oro.
SE AKPADADE EKPEP BIBLE
N̄wed Emi Etịn̄de N̄kpọ Aban̄a Bible
N̄wed Insight on the Scriptures anam ata ediwak n̄kpọ ke Bible enen̄ede an̄wan̄a. Enye etịn̄ n̄kpọ aban̄a mme owo, mme itie, mme eto ye mbiet, mme unam, mme akpan n̄kpọ oro ẹketịbede, ye mme ikọ oro ẹdude ke Bible. Enye oro afo ekemede ndisio ke jw.org esịne ndise obio, nsio nsio ndise, nsio nsio ibuotikọ ye mme itien̄wed Bible oro ẹwetde ke adiana ke adiana.
SE AKPADADE EKPEP BIBLE
N̄wed Ndise Bible
‘Kụt Eti Isọn̄’ enyene mme ndise obio ye mme chart oro ẹwụtde nsio nsio ebiet oro ẹtịn̄de ẹban̄a ke Bible, akpan akpan Isọn̄ Un̄wọn̄ọ ke nsio nsio ini.