1 Chronicle 24;1-31
24 Ndien nditọ Aaron ẹma ẹnyene mme otu mmọ. Nditọ Aaron ẹkedi Nadab+ ye Abihu,+ Eleazar+ ye Ithamar.+
2 Ndien Nadab ye Abihu+ ẹbem ete mmọ iso ẹkpan̄a,+ mmọ ikonyụn̄ inyeneke nditọiren, edi Eleazar+ ye Ithamar ẹsụk ẹnam utom nte mme oku.
3 Ndien David, ye Zadok+ ke otu nditọ Eleazar, ye Ahimelech+ ke otu nditọ Ithamar ẹbahade mmọ ẹdọn̄ ke itieutom mmọ man mmọ ẹnam utom.+
4 Edi ẹkụt ke mme etubom ke otu nditọ Eleazar ẹwak ẹkan eke nditọ Ithamar. Ntre mmọ ẹdeme mme etubom ufọk mme ete mmọ, owo efịtekiet, ẹnọ nditọ Eleazar, ẹnyụn̄ ẹdeme mme etubom ufọk mme ete mmọ, owo itiaita, ẹnọ nditọ Ithamar.
5 Ekem mmọ ẹsịn afia+ ẹdeme mmọ, mbon emi ye mbon eken, koro ẹkenyenede ndisio mme etubom emi ẹsede ẹban̄a edisana ebiet+ ye mme etubom emi ẹnamde n̄kpọ ata Abasi ke otu nditọ Eleazar ye ke otu nditọ Ithamar.
6 Ndien Shemaiah eyen Nethanel, eyen Levi emi ekedide ewetn̄wed+ ewet enyịn̄ mmọ esịn ke n̄wed ke iso edidem ye ke iso mbọn̄ ye Zadok+ oku ye Ahimelech+ eyen Abiathar+ ye mbon emi ẹdide mme etubom ẹnọ mme ete mme oku ye nditọ Levi,+ ẹsio ufọk kiet ẹnọ Eleazar+ ẹnyụn̄ ẹsio kiet ẹnọ Ithamar.+
7 Ndien nte afia oro akasan̄ade edi emi: akpa afia ọduọ ọnọ Jehoiarib;+ ọyọhọ iba ọduọ ọnọ Jedaiah,
8 ọyọhọ ita Harim, ọyọhọ inan̄ Seorim,
9 ọyọhọ ition Malchijah, ọyọhọ itiokiet Mijamin,
10 ọyọhọ itiaba Hakkoz, ọyọhọ itiaita Abijah,+
11 ọyọhọ usụkkiet Jeshua, ọyọhọ duop Shecaniah,
12 ọyọhọ duopekiet Eliashib, ọyọhọ duopeba Jakim,
13 ọyọhọ duopeta Huppah, ọyọhọ duopenan̄ Jeshebeab,
14 ọyọhọ efịt Bilgah, ọyọhọ efịtekiet Immer,
15 ọyọhọ efịteba Hezir, ọyọhọ efịteta Happizzez,
16 ọyọhọ efịtenan̄ Pethahiah, ọyọhọ edịp Jehezkel,
17 ọyọhọ edịp ye kiet Jachin, ọyọhọ edịp ye iba Gamul,
18 ọyọhọ edịp ye ita Delaiah, ọyọhọ edịp ye inan̄ Maaziah.
19 Itieutom+ emi mmọ ẹkekamade edi emi ke utom+ mmọ, ndidụk ufọk Jehovah nte ekemde ye unen+ emi ẹkenọde mmọ ke ubọk Aaron ete ete mmọ, kpa nte Jehovah Abasi Israel okowụkde enye.
20 Ndien ke otu nditọ Levi emi ẹkesụhọde, eke nditọ Amram+ ẹkedi Shubael;+ eke nditọ Shubael, Jehdeiah;
21 eke Rehabiah:+ ke otu nditọ Rehabiah, Isshiah ekedi etubom;
22 eke Izhar,+ Shelomoth;+ ke otu nditọ Shelomoth, Jahath;
23 ndien eke nditọ Hebron,+ Jeriah+ ekedi etubom mmọ, Amariah ọyọhọ iba, Jahaziel ọyọhọ ita, Jekameam ọyọhọ inan̄.
24 Eke nditọ Uzziel ẹkedi Micah; eke nditọ Micah,+ Shamir.
25 Micah ekedi eyenete Isshiah; eke nditọ Isshiah, Zechariah.
26 Nditọ Merari+ ẹkedi Mahli+ ye Mushi;+ nditọ Jaaziah, Beno.
27 Nditọ Merari: Eke Jaaziah, Beno ye Shoham ye Zaccur ye Ibri.
28 Eke Mahli ekedi Eleazar, emi mîkenyeneke eyeneren ndomokiet.+
29 Eke Kish: nditọiren Kish ẹkedi Jerahmeel.
30 Ndien nditọ Mushi ẹkedi Mahli+ ye Eder ye Jerimoth.+
Mmọ emi ẹkedi nditọ Levi ke mme ufọk mme ete+ mmọ.
31 Ndien mmọ n̄ko ẹsịn afia+ ukem nte nditọete mmọ kpa nditọ Aaron ẹkesịnde ke iso Edidem David ye Zadok ye Ahimelech ye mme etubom ke mme ufọk mme ete mme oku ye eke nditọ Levi. Ndien amaedi mme ufọk mme ete mmọ,+ etubom ekedi ukem ye ekpri eyenete esie.
