1 Chronicle 27;1-34
27 Ndien ibat nditọ Israel, oro edi, mme etubom ke mme ufọk mme ete+ mmọ ye mme etubom+ mme tọsịn ye eke ikie+ ye ikpọ owo mmọ emi ẹkesan̄ade utom+ ẹnọ edidem ke kpukpru n̄kpọ emi ẹban̄ade mme otu emi ẹkesidụkde ẹnyụn̄ ẹwọrọde ke ọfiọn̄ ke ọfiọn̄ ke kpukpru ọfiọn̄ ke isua, otu kiet kiet ekedi owo tọsịn edịp ye inan̄.
2 Jashobeam+ eyen Zabdiel ekese aban̄a akpa otu ke akpa ọfiọn̄, ndien owo tọsịn edịp ye inan̄ ẹkedu ke otu esie.
3 Ndusụk ke otu nditọ Perez+ ẹkedi ibuot ẹnọ kpukpru mme etubom otu mme anamutom ke akpa ọfiọn̄ oro.
4 Dodai+ owo ubon Ahohi+ ekese aban̄a otu oro ẹkenamde utom ke ọyọhọ ọfiọn̄ iba ye otu esie, ndien Mikloth ekedi adausụn̄, owo tọsịn edịp ye inan̄ ẹkenyụn̄ ẹdu ke otu esie.
5 Etubom mme anamutom ọyọhọ otu ita ke ọyọhọ ọfiọn̄ ita ekedi Benaiah+ eyen Jehoiada+ ọbọn̄ oku, ndien owo tọsịn edịp ye inan̄ ẹkedu ke otu esie.
6 Benaiah+ emi ekedi ọkpọsọn̄ owo ke otu owo edịp ye duop+ emi, enye okonyụn̄ edi etubom ọnọ owo edịp ye duop emi; ndien Ammizabad eyen esie ekese aban̄a otu esie.
7 Etubom ọyọhọ otu inan̄ ke ọyọhọ ọfiọn̄ inan̄ ekedi Asahel,+ eyeneka Joab,+ ndien Zebadiah eyen esie eketiene enye edem, owo tọsịn edịp ye inan̄ ẹkedu ke otu esie.
8 Ọyọhọ etubom ition ke ọyọhọ ọfiọn̄ ition ekedi Shamhuth+ eyen Izrahiah, ndien owo tọsịn edịp ye inan̄ ẹkedu ke otu esie.
9 Ọyọhọ itiokiet ke ọyọhọ ọfiọn̄ itiokiet ekedi Ira+ eyen Ikkesh+ owo Tekoa,+ ndien owo tọsịn edịp ye inan̄ ẹkedu ke otu esie.
10 Ọyọhọ itiaba ke ọyọhọ ọfiọn̄ itiaba ekedi Helez+ owo Pelonite+ eke nditọ Ephraim, ndien owo tọsịn edịp ye inan̄ ẹkedu ke otu esie.
11 Ọyọhọ itiaita ke ọyọhọ ọfiọn̄ itiaita ekedi Sibbecai+ eyen Zerah,+ owo Hushah, ndien owo tọsịn edịp ye inan̄ ẹkedu ke otu esie.
12 Ọyọhọ usụkkiet ke ọyọhọ ọfiọn̄ usụkkiet ekedi Abi-ezer+ owo Anathoth+ eke mbon Benjamin, ndien owo tọsịn edịp ye inan̄ ẹkedu ke otu esie.
13 Ọyọhọ duop ke ọyọhọ ọfiọn̄ duop ekedi Maharai+ owo Netophah eke nditọ Zerah,+ ndien owo tọsịn edịp ye inan̄ ẹkedu ke otu esie.
14 Ọyọhọ duopekiet ke ọyọhọ ọfiọn̄ duopekiet ekedi Benaiah+ owo Pirathon eke nditọ Ephraim,+ ndien owo tọsịn edịp ye inan̄ ẹkedu ke otu esie.
15 Ọyọhọ duopeba ke ọyọhọ ọfiọn̄ duopeba ekedi Heldai+ eyen Othniel, owo Netophah, ndien owo tọsịn edịp ye inan̄ ẹkedu ke otu esie.
16 Ndien mme etubom mme esien Israel,+ eke nditọ Reuben, Eliezer eyen Zichri ekedi adausụn̄; eke nditọ Simeon ekedi Shephatiah eyen Maacah;
17 eke Levi, Hashabiah eyen Kemuel; eke Aaron, Zadok;+
18 eke Judah, Elihu,+ kiet ke otu nditọete David;+ eke Issachar, Omri eyen Michael;
19 eke Zebulun, Ishmaiah eyen Obadiah; eke Naphtali, Jerimoth eyen Azriel;
20 eke nditọ Ephraim, Hoshea eyen Azaziah; eke ubak esien Manasseh, Joel eyen Pedaiah;
21 eke ubak esien Manasseh ke Gilead, Iddo eyen Zechariah; eke Benjamin, Jaasiel eyen Abner;+
22 eke Dan, Azarel eyen Jeroham. Mmọ emi ẹkedi mbọn̄+ ke mme esien Israel.
23 Ndien David ikabatke mbon oro ẹkedide isua edịp ye mmọ eke mîsịmke oro, koro Jehovah ọkọn̄wọn̄ọde ndinam Israel ẹwak nte ntantaọfiọn̄ ke ikpaenyọn̄.+
24 Joab+ eyen Zeruiah ama ọtọn̄ọ ndibat owo, edi ikabatke ima;+ ndien iyatesịt+ Abasi odoro Israel ke idem, ndien ibat oro ikesịneke ke mbụk n̄kpọntịbe eyo Edidem David.
25 Ndien Azmaveth eyen Adiel ekese aban̄a n̄kpọuto edidem.+ Jonathan eyen Uzziah ese aban̄a n̄kpọuto ke in̄wan̄,+ ke mme obio+ ye ke mme obio-in̄wan̄ ye ke mme tọwa.
26 Ezri eyen Chelub onyụn̄ ese aban̄a mme anamutom ke in̄wan̄,+ emi ẹkefụn̄de isọn̄.
27 Ndien Shimei owo Ramah ese aban̄a in̄wan̄ vine;+ ndien Zabdi owo Siphmoth ese aban̄a se idude ke in̄wan̄ vine ke ebiet unịm wine.
28 Baal-hanan owo Geder ese aban̄a in̄wan̄ olive ye mme eto sycamore+ emi ẹkedude ke Shephelah;+ ndien Joash ese aban̄a itie unịm aran.+
29 Shitrai owo Sharon ese aban̄a otu ufene emi ẹtade mbiet ke Sharon;+ Shaphat eyen Adlai onyụn̄ ese aban̄a mme otu ufene emi ẹdude ke unaisọn̄ itịghede.
30 Obil owo Ishmael+ ese aban̄a mme camel;+ ndien Jehdeiah owo Meronoth ese aban̄a mme uman ass.
31 Jaziz owo Hagrite ese aban̄a mme otuerọn̄. Kpukpru mmọ emi ẹkedi mme etubom emi ẹsede ẹban̄a inyene Edidem David.
32 Ndien Jonathan,+ eyen eyeneka David, owo emi enyenede ifiọk+ ekedi ọnọitem, kpa enye ekedi ewetn̄wed; Jehiel eyen Hachmoni+ onyụn̄ odu ye nditọ edidem.+
33 Ahithophel+ ekedi ọnọitem+ edidem; Hushai+ owo Archite+ onyụn̄ edi ufan+ edidem.
34 Ndien Jehoiada eyen Benaiah,+ ye Abiathar+ ẹketiene Ahithophel; Joab+ okonyụn̄ edi etubom udịmekọn̄ edidem.
