1 Chronicle 29;1-30
29 Ekem Edidem David ọdọhọ ofụri esop+ ete: “Solomon eyen mi, emi Abasi emekde,+ edi eyenọwọn̄+ inyụn̄ isọn̄ke idem ikem, edi utom emi okpon; koro akwa ufọk ubọn̄* emi mîdịghe eke owo,+ edi enyene Jehovah Abasi.
2 Ndien mmada ofụri odudu+ mi ntịm+ n̄kpọ mbon nnọ ufọk Abasi mi, ntịm gold+ nnọ utom gold, nnyụn̄ ntịm silver nnọ utom silver, ntịm okpoho nnọ utom okpoho, ntịm ukwak+ nnọ utom ukwak, eto+ kaban̄a utom eto; itiat onyx,+ ye mme itiat emi ẹdade mbat emi ọsọpde asat ẹkọk, ye n̄kwaitiat emi enyenede mbuwed, ye kpukpru ọsọn̄urua itiat, ye itiat alabaster, ata ediwak.
3 Ndien sia ufọk Abasi mi enemde mi esịt,+ mmenyene akpan inyene emi edide okịm+ kpa gold ye silver; mmayak enye nnọ ufọk Abasi mi ọkọrọ ye kpukpru se ntịmde mbon nnọ edisana ufọk emi:+
4 talent gold tọsịn ita ke gold Ophir,+ ye talent silver tọsịn itiaba eke ẹnamde asana, ndida mfụk mme ibibene ufọk emi;
5 gold ndida nnam utom gold, ye silver ndida nnam utom silver ye kpukpru utom mme anamusọ. Ndien anie odu emi oyomde ndida enọ nyọhọ ubọk esie nnọ Jehovah mfịn emi?”+
6 Ndien mbọn̄+ ke ufọk mme ete+ mmọ ye mbọn̄+ ke mme esien Israel ye mme etubom mme tọsịn+ ye eke mme ikie+ ye mme etubom mbubehe+ edidem ẹnyịme ndinọ enọ.
7 Ntem mmọ ẹnọ n̄kpọ ndida nnam utom ufọk ata Abasi, gold emi esịmde talent tọsịn ition ye daric* tọsịn duop ye silver emi akpade talent tọsịn duop ye okpoho emi akpade talent tọsịn efịteta ye ukwak emi akpade talent tọsịn ikie.+
8 Ndien mmọ ẹda kpukpru itiat oro ẹkedude ye owo ekededi ẹkenọ ke itie ubon n̄kpọuto ufọk Jehovah emi Jehiel+ eyen Gershon+ ekesede aban̄a.
9 Ndien kpukpru owo ẹkop idatesịt ke ndinọ enọ unyịmesịt, koro mmọ ẹkedade ofụri esịt mmọ ẹnọ Jehovah enọ unyịmesịt;+ Edidem David onyụn̄ enen̄ede okop idatesịt.+
10 Ndien David otoro+ Jehovah ke iso ofụri esop,+ David onyụn̄ ọdọhọ ete: “O Jehovah Abasi Israel+ ete nnyịn, yak itoro enyene fi+ ke nsinsi nsinsi.
11 O Jehovah, ubom+ ye odudu+ ye uyai+ ye ubọn̄ ye uku+ ẹdi okwo; koro kpukpru n̄kpọ ke enyọn̄ ye ke isọn̄ ẹdide okwommọ.+ O Jehovah, Enye emi edide andikon̄ n̄kan kpukpru,+ obio ubọn̄+ onyụn̄ edi okwo.
12 Inyene+ ye ubọn̄+ ẹto fi, afo onyụn̄ akara+ kpukpru n̄kpọ; ndien odudu+ ye ukeme+ ẹdu fi ke ubọk, afo omonyụn̄ enyene ukeme ndinam owo okpon+ nnyụn̄ nnọ kpukpru owo odudu.+
13 Ndien, ke emi, O Abasi nnyịn, nnyịn imọkọm fi+ inyụn̄ itoro+ ediye+ enyịn̄ fo.
14 “Ndien ami ndi anie,+ ikọt mi ẹnyụn̄ ẹdi mmanie, eke nnyịn inyenede odudu ndinọ utọ enọ unyịmesịt emi?+ Koro kpukpru n̄kpọ ẹtode fi,+ nnyịn inyụn̄ ida se itode ubọk fo inọ fi.
15 Koro nnyịn idi isenowo ke iso fo inyụn̄ idi mme odudụn̄+ kpa nte kpukpru mme ete ete nnyịn ẹkedide. Mme usen nnyịn ẹbiet mbukpọn̄ ke isọn̄,+ idotenyịn inyụn̄ idụhe.
16 O Jehovah Abasi nnyịn, kpukpru akpakịp n̄kpọ emi nnyịn itịmde mi ibon ndida mbọp ufọk nnọ edisana enyịn̄ fo ẹto ubọk fo, kpukpru mmọ ẹnyụn̄ ẹnyene fi.+
17 Ndien, O Abasi mi, ami mmetịm mfiọk ke afo edi andidụn̄ọde esịt,+ ye nte ke se inende enem fi esịt.+ Ami ke edinen ido mi mmọnọ kpukpru n̄kpọ emi ke edinyịme esịt, ndien ke emi, enem mi ndikụt ikọt fo emi ẹdude mi nte ẹnọde fi enọ ke edinyịme esịt.
18 O Jehovah Abasi Abraham, Isaac ye Israel, mme ete ete nnyịn,+ mbọk nịm n̄kpọ emi ke nsinsi nte uduakesịt ikọt fo,+ nyụn̄ nam esịt mmọ etiene fi.+
19 Ndien nam Solomon eyen mi enịm ibet+ fo ye ikọ ntiense+ fo ye mme ewụhọ+ fo ke ofụri esịt,+ onyụn̄ anam kpukpru n̄kpọ, onyụn̄ ọbọp akwa ufọk ubọn̄+ emi ntịmde n̄kpọ mben̄e.”+
20 Ndien David ọdọhọ ofụri esop+ ete: “Ke emi, mbufo ẹtoro+ Jehovah Abasi mbufo.” Ndien ofụri esop ẹtoro Jehovah Abasi mme ete ete mmọ ẹnyụn̄ ẹnụhọ+ ẹtuak ibuot+ ẹnọ Jehovah ẹnyụn̄ ẹnụhọ ẹnọ edidem.
21 Ndien mmọ ẹka iso ẹwa+ uwa ẹnọ Jehovah ẹnyụn̄ ẹfọp edifọp uwa+ ẹnọ Jehovah ke edem usen, abak nyara enan̄ tọsịn kiet, okukịm erọn̄ tọsịn kiet, nyara nditọerọn̄ tọsịn kiet, ye edin̄wọn̄ uwa+ mmọ, ẹnyụn̄ ẹwa ediwak uwa ke ibuot ofụri Israel.+
22 Ndien mmọ ẹdia ẹnyụn̄ ẹn̄wọn̄ n̄kpọ ye akwa idatesịt ke iso Jehovah ke usen oro;+ mmọ ẹnyụn̄ ẹtọn̄ọ ntak ẹnịm Solomon eyen David ke edidem+ ẹnyụn̄ ẹyet enye aran ẹnọ Jehovah nte adausụn̄,+ ẹnyụn̄ ẹyet Zadok+ aran nte oku.
23 Ndien Solomon etie ke ebekpo+ Jehovah nte edidem ke itie David ete esie onyụn̄ okụt unen,+ ndien ofụri nditọ Israel ẹkop uyo esie.
24 Amaedi kpukpru mbọn̄+ ye n̄kpọsọn̄ owo+ ọkọrọ ye kpukpru nditọ Edidem David,+ mmọ ẹkesụk ibuot ẹnọ Edidem Solomon.
25 Ndien Jehovah anam Solomon enen̄ede okpon+ ke iso ofụri Israel onyụn̄ ọnọ enye orụk ubọn̄ oro akanam baba edidem kiet mînyeneke ke Israel.+
26 Ndien David eyen Jesse akara ofụri Israel;+
27 Ndien enye akakara Israel isua aba.+ Enye akara isua itiaba+ ke Hebron, onyụn̄ akara isua edịp ye duopeta+ ke Jerusalem.
28 Ekem enye akpa ke ama ekenen̄ede ọsọn̄+ onyụn̄ oyụhọ usen ye inyene+ ye ubọn̄;+ ndien Solomon eyen esie ọtọn̄ọ ndikara ke itie esie.+
29 Amaedi mme n̄kpọ emi ẹban̄ade Edidem David, akpa ye akpatre, ẹwet mmọ ẹsịn ke n̄wed ikọ Samuel okụt-n̄kukụt+ ye eke ikọ prọfet Nathan+ ye eke ikọ Gad+ okụt-n̄kukụt,
30 ọkọrọ ye ofụri itie edidem esie ye n̄kpọsọn̄ edinam esie ye mme n̄kpọ emi ẹketịbede ke ini+ esie ye ke Israel ye ke kpukpru obio ubọn̄ mme idụt.+
