1 Peter 2;1-25
2 Mmọdo, ẹduọn̄ọ kpukpru idiọkn̄kpọ+ ye kpukpru abian̄a ye mbubịk ye isịnenyịn ye kpukpru orụk idiọk iban̄a,+
2 ndien, nte nseknditọ,+ ẹnen̄ede ẹyom ata mmọn̄eba+ emi otode ikọ Abasi, man enye anam mbufo ẹkọri ẹsịm edinyan̄a,+
3 ama akam edi mbufo ẹmetabi ẹfiọk ẹte Ọbọn̄ ọfọn ido.+
4 Mbufo ẹdi ẹbịne enye nte odu-uwem itiat,+ emi mme owo+ ẹkesịnde,+ edi emi Abasi+ emekde onyụn̄ abatde ke ọsọn̄urua,
5 ẹbọp mbufo n̄ko, nte mme odu-uwem itiat, ẹte ẹdi ufọk+ eke spirit man mbufo ẹdi ndisana oku, emi ẹwade uwa+ eke spirit oro enemde Abasi esịt oto ke Jesus Christ.+
6 Koro N̄wed Abasi ọdọhọ ntem ete: “Sese! Mmọn̄ nnịm itiat ke Zion, edimek itiat, itiat idakisọn̄ emi edide itiat inụk, eke ọsọn̄de urua; baba owo kiet eke ọbuọtde idem ye enye idikwe edikpu tutu amama.”+
7 Ke ntre, enye ọsọn̄ urua ke enyịn mbufo, sia mbufo ẹdide mme andinịm ke akpanikọ; edi ye mbon oro mînịmke ke akpanikọ, “kpa itiat emi mme ọbọpufọk ẹkesịnde+ amakabade edi etubom inụk,”+
8 ye “itiat iduọ ye akwa itiat utuaha ukot.”+ Mmọ emi ẹtuak ukot ẹduọn̄ọ koro mmọ mîsụkke ibuot inọ ikọ. Emi n̄ko edi utịt oro anade ebet mmọ.+
9 Edi mbufo ẹdi “orụk eke ẹmekde, ẹdi mme oku emi ẹdide ndidem, ẹdi edisana idụt,+ mbon emi ẹdide akpan inyene,+ man ke kpukpru ebiet mbufo ẹkpetan̄a nti ido”+ enye emi okokotde mbufo osio ke ekịm esịn ke utịbe un̄wana esie.+
10 Koro mbufo mîkedịghe ikọt owo baba kiet ini kiet ko, edi idahaemi mbufo ẹdi ikọt Abasi;+ mbufo ẹkedi mbon oro owo mîkatuaha mbọm, edi idahaemi ẹdi mbon oro ẹtuade mbọm.+
11 Ndima, ami nteme mbufo nte isenowo ye mme odudụn̄+ nte ẹka iso ẹtre ndinam mme udọn̄ obụkidem,+ kpa mme n̄kpọ emi ẹn̄wanade ekọn̄ ye ukpọn̄.+
12 Edi ẹka iso ẹnyene eti edu uwem ke otu mme idụt,+ man ke nde emi mmọ ẹtịn̄de n̄kpọ ẹbiat mbufo ẹte ẹdi mme anamidiọk, mmọ ẹkpeda nti utom+ mbufo emi mmọ ẹkụtde ẹnọ Abasi ubọn̄ ke usen eke enye edidide ndinam ndụn̄ọde.+
13 Ke ntak Ọbọn̄ ẹsụk ibuot+ ẹnọ kpukpru se owo osiode edi:+ edide edidem+ nte enye emi okponde akan
14 m̀mê mme andikara nte mmọ emi enye osiode ọdọn̄ ndinọ mme anamidiọk ufen nnyụn̄ ntoro mme anam nti n̄kpọ.+
15 Koro Abasi aduak ntem ete mbufo ẹda nti edinam mbufo ẹkịbi mme anana-ibuot owo inua man mmọ ẹtre nditịn̄ ikọ unana ifiọk.+
16 Ẹtie nte mbon emi ẹbọhọde ufụn,+ edi ẹkûkama ifụre mbufo ẹda ẹfụk idiọkn̄kpọ,+ edi ẹkama nte ifịn Abasi.+
17 Ẹkpono kpukpru orụk owo,+ ẹnyene ima ẹnọ ofụri otu nditọete,+ ẹbak Abasi,+ ẹkpono edidem.+
18 Ẹyak nditọ ufọk ẹsụk ibuot+ ẹnọ mme andinyene mmọ ye ọyọhọ ndịk oro odotde,+ idịghe ndisụk nnọ mbon oro ẹfọnde ido ẹnyụn̄ ẹnyenede eti ibuot kpọt, edi ẹsụk n̄ko ẹnọ mbon oro ọsọn̄de owo ndinem mmọ esịt.
19 Koro edieke owo ọyọde mme n̄kpọ mfụhọ onyụn̄ okụtde ukụt nte mîdotke ke ntak ubieresịt esie ke iso Abasi, emi edi se inemde Enye esịt.+
20 Koro nso ufọn idu do edieke mbufo ẹyọde ke ini ẹmiade mbufo ufia ke ntak emi ẹnamde idiọkn̄kpọ?+ Edi edieke mbufo ẹyọde ke ini ẹkụtde ukụt ke edinam eti n̄kpọ,+ emi edi se inemde Abasi esịt.+
21 Ẹkekot mbufo kaban̄a emi, koro Christ ama okụt ukụt ke ntak mbufo,+ onyụn̄ ọkpọn̄ uwụtn̄kpọ ọnọ mbufo man mbufo ẹkpetiene nde ikpat esie ketket.+
22 Enye ikanamke idiọkn̄kpọ,+ owo ikonyụn̄ ikwe enye abian̄a ke inua.+
23 Ke ini ẹsụn̄ide+ enye, enye isụn̄ike owo usiene.+ Ke ini enye okụtde ukụt,+ enye ikesịnke owo ndịk ke idem, edi aka iso ayak idemesie ọnọ enye+ emi ekpede edinen ikpe.
24 Enye ama obiom mme idiọkn̄kpọ+ nnyịn ke ikpọkidem esie ke ini ọkọn̄ọde ke eto,+ man nnyịn ikpọbọhọ idiọkn̄kpọ+ inyụn̄ idu uwem edinen ido. Ndien “ẹma ẹkọk mbufo udọn̄ọ oto ke mme nde unan esie.”+
25 Koro mbufo ẹketie nte mme erọn̄ eke ẹsopde usụn̄;+ edi idahaemi mbufo ẹmenyọn̄ ẹtiene andikpeme+ ye andise mban̄a ukpọn̄ mbufo.
