1 Timothy 2;1-15
2 Ke akpa itie, ami nteme mbufo nte ẹsịn eben̄e, ẹbọn̄ akam,+ ẹnam n̄kpeubọk, ẹnyụn̄ ẹnọ ekọm ẹban̄a kpukpru orụk owo,+
2 ẹban̄a ndidem+ ye kpukpru mmọ emi ẹdude ke ikpọ itie;+ man nnyịn ikpaka iso idu uwem ifụre ye emem ye ọyọhọ uten̄e Abasi ye nsịnifịk.+
3 Emi ọfọn onyụn̄ odot+ ke enyịn Abasi Andinyan̄a nnyịn,+
4 emi uduak esie edide ete kpukpru orụk owo+ ẹnyene edinyan̄a+ ẹnyụn̄ ẹsịm nnennen ifiọk+ akpanikọ.+
5 Koro Abasi kiet+ odu, esịne-ufọt+ kiet onyụn̄ odu ke ufọt Abasi+ ye owo,+ kpa owo oro, Christ Jesus,+
6 emi ọkọnọde idemesie nte n̄kemn̄kem ufak ke ibuot kpukpru owo+—ẹnyene nditie ntiense mban̄a emi ke edikem ini esie.
7 Ke ntak ikọ ntiense+ emi ke ẹkemek mi nte ọkwọrọ ikọ ye apostle+—ntịn̄ akpanikọ,+ nsụhu nsu—andikpep mme idụt+ ke n̄kpọ aban̄ade mbuọtidem+ ye akpanikọ.
8 Ke ntre nyom irenowo ẹbọn̄ akam ke kpukpru ebiet, ẹmenede ndisana ubọk ke enyọn̄,+ ẹkpọn̄ iyatesịt+ ye eneni.+
9 Kpasụk ntre nyom iban ẹbana idem ke ndisịne ọfọn̄ eke etịmde odot, owụtde iso o-bụt+ ye eti ibuot, idịghe ke edidọk idet ye edisịne gold m̀mê pearl m̀mê ata ọsọn̄urua edisịnen̄kpọ,+
10 edi ke ido eke odotde iban eke ẹdọhọde ke ikpono Abasi,+ oro edi, ebe ke nti utom.+
11 Yak n̄wan ekpep n̄kpọ ke ndopuyo ye ọyọhọ nsụkibuot.+
12 Nyomke n̄wan ọnọ ukpep,+ m̀mê akara erenowo,+ edi odu ke ndopuyo.
13 Koro ẹkebem iso ẹbot Adam, ndien ẹdibot Eve.+
14 N̄ko, idịghe Adam ke ẹkebian̄a,+ edi n̄wan ke ẹkenen̄ede ẹbian̄a+ ndien enye abiat ibet.+
15 Edi, ẹyekpeme n̄wan ke ntak uman eyen,+ ama akam edi mmọ ẹka iso ẹnyene mbuọtidem ye ima ye edisana idaha ọkọrọ ye eti ibuot.+
