2 Chronicle 14;1-15
14 Ke akpatre Abijah osụhọde ana ye mme ete ete+ esie, mmọ ẹnyụn̄ ẹbụk enye ke Obio David;+ ndien Asa+ eyen esie akara ke itie esie. Ndien isọn̄ ana sụn̄+ ke isua duop ke eyo esie.
2 Ndien Asa anam se ifọnde ye se inende ke enyịn Jehovah Abasi esie.
3 Ntre enye osion̄o mme esen itieuwa+ ye mme edikon̄ ebiet+ efep onyụn̄ obom mme adaha utuakibuot+ onyụn̄ okpok mme eto utuakibuot+ ọduọn̄ọ.
4 Ekem enye ọdọhọ Judah ete mmọ ẹyom+ Jehovah Abasi mme ete ete mmọ ẹnyụn̄ ẹnịm ibet+ ye mme ewụhọ+ esie.
5 Ndien enye osion̄o mme edikon̄ ebiet ye mme n̄kpọ udori incense+ efep ke kpukpru mme obio Judah; ndien obio ubọn̄ oro aka iso ana sụn̄+ ke idak esie.
6 Enye onyụn̄ ọbọp mme obio ibibene ke Judah,+ koro isọn̄ oro akanade sụn̄; owo inyụn̄ in̄wanake ekọn̄ ye enye ke mme isua oro, koro Jehovah ọkọnọde enye nduọkodudu.+
7 Ntre enye ọdọhọ Judah ete: “Ẹyak nnyịn ibọp mme obio emi inyụn̄ ibọp mme ibibene+ ikanade inyụn̄ ibọp mme tọwa,+ idọn̄ mme adiana-iba usụn̄ ye mme eto usịnusụn̄.+ Sese nnyịn ke isụk inyenyene isọn̄, koro nnyịn iyomde Jehovah Abasi nnyịn.+ Nnyịn imoyom enye, ndien enye ọmọnọ nnyịn nduọkodudu akanade okụk.”+ Ntem mmọ ẹbọp ẹnyụn̄ ẹkụt unen.+
8 Ndien Asa enyene udịmekọn̄ emi esịnede owo tọsịn ikie ita ke Judah,+ emi ẹkamade akwa otuekọn̄+ ye eduat.+ Enye onyụn̄ enyene owo tọsịn ikie iba+ ye anan̄ ke Benjamin emi ẹkamade n̄kpri otuekọn̄ ẹnyụn̄ ẹfiọkde nditop utịgha.+ Kpukpru mmọ ẹkedi n̄kpọsọn̄ iren uko.
9 Ekem Zerah owo Ethiopia+ ada udịmekọn̄ emi esịnede owo miliọn kiet+ ye chariot ikie ita ọwọrọ aka ndin̄wana ye mmọ, onyụn̄ edi edisịm Mareshah.+
10 Ndien Asa ọwọrọ aka ndisobo ye enye, mmọ ẹnyụn̄ ẹtịm udịmekọn̄ ke itịghede Zephathah ke Mareshah.
11 Ndien Asa eseme okot Jehovah Abasi+ esie onyụn̄ ọdọhọ ete: “O Jehovah, amaedi ke ndin̄wam, afo usehe m̀mê mme owo ẹwak m̀mê ẹnyụn̄ ẹdi mbon eke mînyeneke odudu.+ N̄wam nnyịn, O Jehovah Abasi nnyịn, koro nnyịn iberide edem+ ke afo, inyụn̄ idade enyịn̄+ fo idi ndin̄wana ye otuowo emi. O Jehovah, afo edi Abasi nnyịn.+ Kûyak owo ọsọn̄ odudu akan fi.”+
12 Ntem Jehovah akan+ mbon Ethiopia ke iso Asa ye ke iso Judah, ndien mbon Ethiopia ẹfen̄e.
13 Ndien Asa ye mbon oro ẹdude ye enye ẹbịne mmọ tutu ẹsịm Gerar,+ mbon Ethiopia ẹnyụn̄ ẹduọn̄ọ tutu owo mmọ ndomokiet isụhọke eke odude uwem; koro ẹkekpokde mmọ n̄ken̄e n̄ken̄e ke iso Jehovah+ ye ke iso udịmekọn̄ esie.+ Ekem mmọ ẹtan̄ ata ediwak mbụme+ ẹnyọn̄ọ.
14 Mmọ ẹnyụn̄ ẹsobo kpukpru obio emi ẹdude ẹkanade Gerar, koro ndịk+ Jehovah akanamde mmọ; ndien mmọ ẹbụme kpukpru mme obio oro, koro ekese mbụme ẹkedude mmọ ke esịt.+
15 Ntem mmọ ẹwụri mme tent+ ufene ẹnyụn̄ ẹtan̄+ ata ediwak ufene ye mme camel,+ ekem mmọ ẹfiak ẹnyọn̄ọ Jerusalem.
