2 Chronicle 30;1-27
30 Ndien Hezekiah ọdọn̄ utom ke ofụri Israel+ ye Judah, enye onyụn̄ ewet mme leta ọnọ ẹsọk Ephraim+ ye Manasseh+ ete mmọ ẹdi ufọk Jehovah+ ke Jerusalem man ẹnịm passover+ ẹnọ Jehovah Abasi Israel.
2 Ndien edidem ye mbọn̄+ esie ye ofụri esop+ ke Jerusalem ẹbiere ndinịm passover ke ọyọhọ ọfiọn̄ iba;+
3 sia mmọ mîkekemeke ndinịm enye ini oro,+ koro ke n̄kan̄ kiet, mme oku+ emi ẹkenamde idemmọ asana ikawakke ikem, ndien ke n̄kan̄ eken, mme owo ikosopke idem ke Jerusalem.
4 Ndien n̄kpọ emi enen ke enyịn edidem ye ke enyịn ofụri esop.+
5 Ntre mmọ ẹbiere ndinọ etop+ ke ofụri Israel, ọtọn̄ọde ke Beer-sheba+ tutu esịm Dan,+ ẹte ẹdi ẹdinịm passover ẹnọ Jehovah Abasi Israel ke Jerusalem; koro mmọ mîkenịmke passover emi ke otu+ nte ẹwetde.+
6 Ndien mbonitọk+ emi ẹkamade mme leta emi ẹtode ubọk edidem ye mbọn̄+ esie ẹsan̄a ke ofụri Israel ye Judah, nte ekemde ye ewụhọ edidem, ẹdọhọ ẹte: “Mbufo nditọ Israel, ẹfiak ẹtiene+ Jehovah Abasi+ Abraham, Isaac ye Israel, man enye akpafiak etiene nsụhọ ke otu mbufo emi ẹkefehede ẹbọhọ+ ubọk ndidem Assyria.+
7 Ndien mbufo ẹkûbiet mme ete ete+ mbufo, ẹkûnyụn̄ ẹbiet nditọete mbufo emi mîkanamke akpanikọ inọ Jehovah Abasi mme ete ete mmọ, tutu enye anam mmọ ẹdi n̄kpọ n̄kpaidem,+ kpa nte mbufo ẹkụtde.
8 Ke emi, mbufo ẹkûsọn̄ obotitọn̄+ mbufo nte mme ete ete mbufo ẹkesọn̄de. Mbufo ẹnọ Jehovah ufan̄+ ẹnyụn̄ ẹdụk ke edisana ebiet+ esie emi enye anamde asana+ ke nsinsi, ẹnyụn̄ ẹnam n̄kpọ ẹnọ+ Jehovah Abasi mbufo, man ikan̄-ikan̄ iyatesịt+ esie ọkpọwọn̄ọde ọkpọn̄ mbufo.
9 Koro mbufo ẹma ẹfiak ẹtiene+ Jehovah, mbọm+ nditọete mbufo ye nditọ mbufo ayanam mme andimụm mmọ nte mbuotekọn̄, ẹyenyụn̄ ẹyak mmọ ẹfiak ẹnyọn̄ọ ẹdi isọn̄ emi;+ koro Jehovah Abasi mbufo ọfọnde ido+ onyụn̄ atuade owo mbọm,+ enye idinyụn̄ iwọn̄ọkede iso esie ikpọn̄ mbufo edieke mbufo ẹfiakde ẹtiene enye.”+
10 Ntre mbonitọk+ emi ẹka iso ẹfehe, to ke obio kiet sịm eken ke ofụri isọn̄ Ephraim+ ye Manasseh, idem tutu esịm Zebulun; edi mmọ ẹka iso ndisasak mmọ nnyụn̄ nsuene mmọ.+
11 Edi sụk mbon+ emi ẹtode Asher ye Manasseh ye Zebulun ẹkesụhọde idem+ ẹdi Jerusalem.
12 Ubọk ata Abasi onyụn̄ odu ke Judah man anam mmọ ẹnyene esịt kiet+ ndinam ewụhọ+ edidem ye eke mbọn̄ ke se iban̄ade utuakibuot Jehovah.+
13 Ndien mmọ ẹtọn̄ọ ndisop idem ke Jerusalem,+ ata ediwak owo, kpa ata akamba esop, man ẹnịm usọrọ+ uyo eke leaven mîdụhe ke ọyọhọ ọfiọn̄ iba.+
14 Ndien mmọ ẹdaha ẹda ẹsion̄o mme itieuwa+ emi ẹdude ke Jerusalem, ẹnyụn̄ ẹsion̄o kpukpru mme itieuwa ufọp incense+ ẹkeduọn̄ọ ke itịghede mmọn̄ Kidron.+
15 Ekem mmọ ẹwot unam passover+ ke ọyọhọ usen duopenan̄ ke ọyọhọ ọfiọn̄ iba; ndien ẹsuene mme oku ye nditọ Levi, tutu mmọ ẹnam idemmọ asana+ ẹnyụn̄ ẹda mme edifọp uwa ẹdi ke ufọk Jehovah.
16 Ndien mmọ ẹda+ ke itie mmọ kpa nte ẹwetde ke ibet Moses owo ata Abasi, mme oku+ ẹnyụn̄ ẹsịme iyịp oro mmọ ẹkebọde nditọ Levi ke ubọk.
17 Koro ediwak owo ẹma ẹdu ke esop oro mîkanamke idemmọ asana; ndien nditọ Levi+ ẹkese ẹban̄a ediwot mme unam+ passover kaban̄a kpukpru se mîkasanake, man ẹnam mmọ ẹsana ẹnọ Jehovah.
18 Koro ata ediwak owo ẹma ẹdu, kpa ediwak owo emi ẹtode Ephraim+ ye Manasseh,+ Issachar ye Zebulun,+ oro mîkanamke idemmọ asana,+ koro mmọ mîkadiaha passover nte ekemde ye se ẹkewetde;+ edi Hezekiah ọbọn̄ akam ke ibuot mmọ,+ ete: “Jehovah emi ọfọnde+ akpakam efen ọnọ
19 kpukpru owo emi ẹtịmde esịt+ mmọ ndiyom ata Abasi, Jehovah, kpa Abasi mme ete ete mmọ, okposụkedi mmọ mîkanamke idemmọ asana inọ se idide edisana.”+
20 Ntem Jehovah okop uyo Hezekiah onyụn̄ ọkọk mmọ.+
21 Ntre nditọ Israel emi ẹdude ke Jerusalem ẹnịm usọrọ+ uyo eke leaven mîdụhe usen itiaba ye akwa idatesịt;+ ndien nditọ Levi+ ye mme oku+ ẹda mme n̄kpọmbre ẹtoro Jehovah ke ọkpọsọn̄ uyo ke usen ke usen, ẹtoro kpa Jehovah.+
22 Akan oro, Hezekiah etịn̄ ikọ emi otụkde esịt+ kpukpru nditọ Levi emi ẹkedade mbufiọk ẹnam n̄kpọ ẹnọ Jehovah.+ Ndien mmọ ẹdia usọrọ ke edikem ini ke usen itiaba,+ ẹwa mme uwa ebuana+ ẹnyụn̄ ẹyarade mme idiọkn̄kpọ ẹnọ+ Jehovah Abasi mme ete ete mmọ.
23 Ndien ofụri esop ẹbiere+ ndinịm usọrọ emi ke usen itiaba efen,+ ntre mmọ ẹnịm enye ke usen itiaba ye idatesịt.
24 Koro Hezekiah edidem Judah ọkọnọde+ esop oro nyara enan̄ tọsịn kiet ye erọn̄ tọsịn itiaba, ndien mbọn̄+ ẹnọ esop oro nyara enan̄ tọsịn kiet ye erọn̄ tọsịn duop; ndien ata ediwak oku+ ẹnam idemmọ asana.
25 Ndien ofụri esop Judah+ ye mme oku ye nditọ Levi+ ye ofụri esop oro ẹketode Israel+ ẹdi ye mme odudụn̄+ emi ẹketode isọn̄ Israel+ ẹdi ye mbon oro ẹdụn̄de ke Judah ẹka iso ẹdat esịt.+
26 Ndien akwa idatesịt odu ke Jerusalem, koro orụk idatesịt emi mîkodụhe ke Jerusalem+ toto ke eyo Solomon+ eyen David edidem Israel.
27 Ekem, mme oku ye nditọ Levi ẹdaha ẹdada ẹnyụn̄ ẹdiọn̄+ kpukpru owo; ndien ẹkop uyo mmọ, akam mmọ onyụn̄ ọdọk ekesịm edisana ebietidụn̄ esie ke heaven.+