2 Corinth 11;1-33
11 Mbufo ẹkpekam ẹyọ mi ke ekpri unana ibuot+ mi. Ke akpanikọ, mbufo ke ẹyọ mi!
2 Koro mmefịbe ufụp Abasi mban̄a mbufo,+ sia n̄kọn̄wọn̄ọde ndida mbufo nnọ ebe+ kiet ke ndọ+ man n̄kpayak mbufo nnọ Christ+ nte edisana+ eyenan̄wan emi mîfiọkke erenowo.
3 Edi mmefehe ndịk, mbak ndusụk nte urụkikọt akabian̄ade Eve+ ke n̄kari esie, ẹdibiat mbufo ekikere+ ẹwọn̄ọde ẹkpọn̄ ido akpanikọ ye edisana ido eke ekemde ye Christ.+
4 Koro, ke owo edide edikwọrọ Jesus en̄wen akan enye emi nnyịn ikọkwọrọde,+ mîdịghe ke mbufo ẹbọde spirit en̄wen akan se ẹkebọde,+ m̀mê eti mbụk+ en̄wen akan se mbufo ẹkebọde, mbufo ẹsọsọp ẹnyịme enye.+
5 Koro mbatke nte mmekpri+ ke ndomo n̄kpọ kiet n̄kan mme akakan+ apostle mbufo.
6 Edi ekpedi ami ndi ọkọi ke nditịn̄ ikọ,+ ke akpanikọ ndịghe ọkọi ke ifiọk;+ edi ke kpukpru usụn̄ nnyịn imayarade enye iwụt mbufo ke kpukpru n̄kpọ.+
7 Mîdịghe nte mma nnam idiọk ke ndisụhọde idem+ man ẹkpemenede mbufo ke enyọn̄, koro mma ntan̄a eti mbụk Abasi nnọ mbufo ke ima esịt ye unana ekọmurua?+
8 Mma ntụk mme esop en̄wen ke ndinyịme ndibọ mmọ n̄kpọ man n̄kpada nsan̄a utom nnọ mbufo;+
9 edi ke ini n̄kodude ye mbufo nnyụn̄ ndude ke unana, n̄kedịghe mbiomo nnọ owo ndomokiet,+ koro nditọete oro ẹketode Macedonia+ ẹdi ẹma ẹnọ se ikananade mi uwak uwak. Ih, ke kpukpru usụn̄ mma ntre ndidi mbiomo nnọ mbufo ndien nyosụk nnam ntre.+
10 Nda akpanikọ+ Christ emi odude mi ke esịt n̄n̄wọn̄ọ nte ke baba owo kiet idibiọn̄ọke mi ndibụre mbụre+ mban̄a n̄kpọ emi ke mme ikpehe Achaia.
11 Ke nso ntak? Ndi koro mmemmaha mbufo? Abasi ọfiọk ete mmama mbufo.+
12 Edi nyosụk nnam se nnamde,+ man n̄kpabiat ntak mbon oro ẹyomde ntak ndidi ukem ye nnyịn ke itieutom emi mmọ ẹbụrede mbụre ẹban̄a.
13 Koro mme utọ owo oro ẹdi mme apostle nsu, mme anamutom abian̄a,+ emi ẹforode mme apostle Christ.+
14 Inyụn̄ idịghe utịben̄kpọ, koro Satan ke idemesie ke oforo angel un̄wana.+
15 Ntre idịghe akwa n̄kpọ edieke mme asan̄autom+ esie n̄ko ẹforode mme asan̄autom edinen ido. Edi utịt mmọ eyekem ye mme utom mmọ.+
16 Mmọtọn̄ọ ntak ndọhọ nte, Yak owo ndomokiet okûkere ke ami ndi anana-ibuot owo. Edi, edieke mbufo ẹnen̄erede ẹkere ntre, ẹda mi nte anana-ibuot owo, man ami n̄ko n̄kpobụre mbụre esisịt.+
17 Ntịn̄ke se ntịn̄de emi ntiene uwụtn̄kpọ Ọbọn̄, edi ntịn̄ nte owo emi ananade ibuot, ke ndibuọt idem ke idem n̄kaha emi edide edu mbụre.+
18 Sia ediwak owo ẹbụrede mbụre nte ekemde ye obụkidem,+ ami n̄ko nyobụre mbụre.
19 Koro mbufo ẹma ẹyọ mbon unana ibuot ke idatesịt, sia mbufo ẹdide mme enyene-ibuot owo.
20 Ke akpanikọ, mbufo ẹyọ owo ekededi eke esịnde mbufo ẹdụk ufụn,+ owo ekededi eke adiade se mbufo ẹnyenede, owo ekededi eke ọbọde se mbufo ẹnyenede, owo ekededi eke emenerede idem ke enyọn̄, owo ekededi eke eyịbide mbufo ke mban̄.+
21 Ntịn̄ emi man bụt anam nnyịn, nte n̄kpọ eke itie nnyịn ekememde.
Edi edieke owo ekededi anamde n̄kpọ uko uko—ntịn̄ ye unana ibuot+—ami n̄ko nnam n̄kpọ uko uko.
22 Nte mmọ ẹdi mme Hebrew? Ami mmetiene ndi n̄ko.+ Nte mmọ ẹdi nditọ Israel? Ami mmetiene ndi n̄ko. Nte mmọ ẹdi mfri Abraham? Ami mmetiene ndi n̄ko.+
23 Nte mmọ ẹdi mme asan̄autom Christ? Ntịn̄ nte idat, ami n̄kam ndi n̄kan:+ mmanam ọkpọsọn̄ utom n̄kan mmọ,+ mmodu ke ufọk-n̄kpọkọbi n̄kan mmọ,+ mmọbọ ita mbe nde, mmekpere ndikpa ediwak ini.+
24 Mma mbọ ubọkikpa edịp ye efịtenan̄ utịm ikotion ke ubọk mme Jew,
25 ẹda eto ẹmia mi utịm ikata,+ ẹtọn̄ọ mi ke itiat ini kiet,+ nsụn̄ikan̄ emi nsịnede esịp utịm ikata,+ mmodu ke udem okoneyo kiet ye uwemeyo kiet;
26 mmasan̄a isan̄ ediwak ini, mmokụt n̄kpọndịk ke akpa, mmokụt n̄kpọndịk ke ubọk mbon n̄wo,+ mmokụt n̄kpọndịk ke otu mbon orụk mi,+ mmokụt n̄kpọndịk ke otu mme idụt,+ mmokụt n̄kpọndịk ke obio,+ mmokụt n̄kpọndịk ke wilderness, mmokụt n̄kpọndịk ke inyan̄, mmokụt n̄kpọndịk ke otu nditọete abian̄a,
27 mmodu ke utom ye en̄wan, ke ataba idap+ ediwak ini, ke biọn̄ ye nsatitọn̄,+ ke unana udia+ ediwak ini, ke tuep ye iferi.
28 Ke adianade ye mme n̄kpọ oro ẹtode-to ẹsịm mi, n̄kpọ en̄wen ẹdu emi ẹfịghede mi ke usen ke usen, kpa ọkpọsọn̄ ekikere oro nnyenede mban̄a kpukpru mme esop.+
29 Anie okop mmemidem,+ ndien ami ntre nditiene n̄kop mmemidem? Anie ke ẹnam atuak ukot ọduọ, ndien esịt etre ndiyat mi?
30 Edieke anade mbụre mbụre,+ ndibụre ke se iban̄ade mmemidem mi.
31 Abasi ye Ete Ọbọn̄ Jesus, kpa Enye emi ẹnyenede nditoro ke nsinsi, ọfiọk ete ke nsụhu nsu.
32 Ke Damascus andikara emi odude ke idak Edidem Aretas ekekpeme obio mbon Damascus man omụm mi,+
33 edi ẹsịn mi ke akpasa ẹsio ke window emi odude ke ibibene+ ẹsụk ndien ami mbọhọ enye.
