2 Samuel 22;1-51
22 Ndien David ada ikọ ikwọ+ emi etịn̄ ọnọ Jehovah ke usen emi Jehovah akanyan̄ade enye osio ke ubọk kpukpru mme asua+ esie ye ke ubọk Saul;+
2 ndien enye ọdọhọ ete:“Jehovah edi akwa itiat+ mi ye ọkpọsọn̄ ebiet+ mi ye Andinyan̄a mi.+
3 Abasi mi edi akwa itiat+ mi. Nyanam enye edi ebiet ubọhọ mi,
Otuekọn̄+ mi ye nnụk+ edinyan̄a mi, edikon̄ ebiet ubọhọ+ mi,Ye ebiet udịbe+ mi, Andinyan̄a+ mi; afo amanyan̄a mi osio ke afai.+
4 Nyeseme n̄kot Jehovah, kpa Enye emi odotde itoro,+Ndien enye ayanyan̄a mi osio mme asua mi ke ubọk.+
5 Koro akama-n̄kpa mbufụt mmọn̄ okụk mi esịn;+Ukwọ mme obukpo owo esịn idem enyek mi.+
6 Mme urụk Udi* ẹkanade mi ẹkụk;+Mme afia n̄kpa ẹna mi ke iso.+
7 N̄kodu ke nnanenyịn mfiori n̄kot Jehovah,+Nnyụn̄ nseme n̄kot Abasi mi.+Ndien enye etie ke temple esie okop uyo mi,+Eseme oro ami nsemede nyom un̄wam odụk enye utọn̄.+
8 Isọn̄ aduat onyụn̄ enyek;+Se imụmde enyọn̄ ikama ẹnyụn̄ ẹnyek,+Ndien mmọ ẹnyek koro ẹnamde esịt ayat enye.+
9 Nsụn̄ikan̄ oto enye ke ibuo ọwọrọ ọdọk, ikan̄ eke otode enye ke inua ọdọdiọn̄ ata n̄kpọ;+Ukan̄ onyụn̄ oto enye obụbede asak.+
10 Ndien enye onụk enyọn̄ onyụn̄ asan̄a osụhọde;+Ọkpọsọn̄ ekịm onyụn̄ odu enye ke idak ikpat.+
11 Enye odoro ke cherub+ efe edi;Ẹnyụn̄ ẹkụt enye odorode ke mba edibotn̄kpọ eke spirit.*+
12 Ekem enye esịn ekịm akanade idemesie okụk nte ataya,+Nte obubịt mmọn̄ ye obubịt enyọn̄.+
13 Uyama emi odude enye ke iso anam mbubek ikan̄ ẹbụbede ẹsak.+
14 Jehovah etie ke heaven otop obuma,+Ata Edikon̄ onyụn̄ osioro uyo.+
15 Ndien enye otop idan̄, man enye asuan mmọ;+Anam emịnen̄mịnen̄ asiaha, man enye etịmede mmọ.+
16 Ndien ẹda ẹkụt isọn̄ mmọn̄,+Ẹnyụn̄ ẹkụt se imụmde isọn̄ ikama,+Ke nduari Jehovah, ọkpọsọn̄ ibifịk onyụn̄ ọwọrọde enye ke ibuo.+
17 Enye etie ke enyọn̄ anyan ubọk esie ada mi,+Enye odụri mi osio ke akamba mmọn̄.+
18 Enye anyan̄a mi osio ke ubọk ọkpọsọn̄ asua,+Anyan̄a osio ke ubọk mbon oro ẹsuade mi; koro mmọ ẹsọn̄de odudu ẹkan mi.+
19 Mmọ ẹbiọn̄ọ mi ke usen afanikọn̄,+Edi Jehovah akabade edi ibetedem mi.+
20 Enye onyụn̄ ada mi ọwọrọ edi ebiet emi atarade;+Enye anyan̄a mi koro enye amade mi.+
21 Jehovah ọnọ mi utịp nte ekemde ye edinen ido mi;+Ọnọ mi utịp nte ubọk mi asanade.+
22 Koro nsan̄ade ke usụn̄ Jehovah,+Nnyụn̄ ndian̄akede n̄kpọn̄ Abasi mi, koro emi edide idiọk edinam.+
23 Koro kpukpru ubiereikpe+ esie ẹdude mi ke iso;Ndien amaedi mme ewụhọ esie, ndiwọn̄ọkede n̄kpọn̄ mmọ.+
24 Ndien nyanana ndudue+ ke iso esie,Nyonyụn̄ n̄kpeme idem mbak ndinam ndudue.+
25 Yak Jehovah onyụn̄ ọnọ mi utịp nte ekemde ye edinen ido mi,+Ọnọ mi utịp nte nsanade ke enyịn esie.+
26 Afo ọyọsọn̄ọ ada ye owo emi ọsọn̄ọde ada;+Oyonyụn̄ ọfọn ama ye owo eke ọfọnde ama;+
27 Afo eyenịm idemfo ke edisana ye owo eke asanade,+Oyonyụn̄ anam n̄kpọ nte edi nditen̄ ye owo eke akwan̄ade.+
28 Ndien afo ayanyan̄a mbon nsụhọdeidem;+Edi enyịn fo asasua ndikụt mbon iseri, afo oyonyụn̄ osụhọde mmọ enịm.+
29 Koro afo edide utuenikan̄ mi, O Jehovah,+Ndien edi Jehovah anam ekịm mi an̄wan̄a.+
30 Koro afo ayan̄wam mi n̄n̄wana n̄kan otu mbon n̄wo;+Abasi mi ayan̄wam mi ndọk ibibene.+
31 Ata Abasi, usụn̄ esie ọfọn ama;+Ikọ Jehovah edi edisana.+Abasi edi otuekọn̄ ọnọ kpukpru mbon oro ẹdade enye ke ebiet ubọhọ mmọ.+
32 Koro anie edi Abasi ke mîbọhọke Jehovah,+Anie onyụn̄ edi akwa itiat ke mîbọhọke Abasi nnyịn?+
33 Ata Abasi edi ọkpọsọn̄ ebiet ubọhọ mi,+Ndien enye ayanam usụn̄ mi ọfọn ama,+
34 Anam ukot mi ebiet eke uman edop;+Onyụn̄ anam mi ndọk nda ke edikọn̄ ebiet.+
35 Enye ekpep ubọk mi ndin̄wana ekọn̄;+Ubọk mi onyụn̄ efịk utịgha okpoho.+
36 Afo ọyọnọ mi otuekọn̄ edinyan̄a fo,+Nsụhọdeidem fo onyụn̄ anam mi n̄kpon.+
37 Afo ayanam ufan̄ okpon ekem ikpat mi;+Ndien itọn̄ukot mi idifebekede.+
38 Nyebịne mme asua mi man nsọhi mmọ mfep,Ndinyụn̄ mfiakke edem tutu nsobo mmọ.+
39 Ndien nyosobo mmọ nnyụn̄ n̄kpok mmọ n̄ken̄e n̄ken̄e,+ mbak mmọ ẹdidaha ẹda;+Mmọ ẹyenyụn̄ ẹduọn̄ọ ke idak ikpat mi.+
40 Ndien afo ayada odudu ekọn̄ ọbọbọ mi ke idem;+Afo ayanam mbon oro ẹdahade ẹda ẹn̄wana ye ami ẹduọn̄ọ mi ke idak.+
41 Amaedi mme asua mi, afo ọyọnọ mi obotitọn̄ mmọ;+Ndien nyosobo mbon oro ẹnen̄erede ẹsua mi.+
42 Mmọ ẹseme ẹyom un̄wam, edi andinyan̄a idụhe;+Ẹkot Jehovah, edi enye iyereke mmọ.+
43 Ndien nyọkọk mmọ ẹdọrọ nte obu ke isọn̄;Nnyụn̄ nnuak mmọ nte mbat ke efak;+Nyonyụn̄ ndịghi mmọ.
44 Ndien afo ayanyan̄a mi osio ke ubọk ikọt mi, emi ẹdide mme okụt ndudue.+Afo eyekpeme mi man ndi etubom mme idụt;+Mbon emi mmemfiọkke ẹyenam n̄kpọ ẹnọ mi.+
45 Mbon esenidụt ẹyedi ẹdinụhọ ẹnọ mi;+Mmọ ẹyesụk ibuot ẹkop uyo mi.+
46 Mbon esenidụt ẹyeyemede,Mmọ ẹyenyụn̄ ẹnyek idem ẹto ke mme ibibene ukpeme mmọ ẹwọn̄ọ ẹdi.+
47 Jehovah ododu uwem;+ itoro enyene Akwa Itiat mi;+Ndien yak ẹtoro Abasi kpa akwa itiat edinyan̄a mi.+
48 Ata Abasi edi Andisio usiene nnọ mi+Enye emi osụhọrede mme idụt esịn mi ke idak,+
49 Enye emi osiode mi ke ubọk mme asua mi.+Afo oyonyụn̄ emenede mi n̄kon̄ n̄kan mbon oro ẹdahade ẹda ẹn̄wana ye ami;+Afo ayanyan̄a mi osio owo afai ke ubọk.+
50 Ntak edi oro ndikọmde fi ke otu mme idụt, O Jehovah;+Ndien nyọkwọ edinem ikwọ nnọ enyịn̄ fo:+
51 Enye emi anamde ikpọ n̄kpọ edinyan̄a ọnọ edidem esie+Onyụn̄ owụtde owo esie emi ẹyetde aran ima-mfọnido,+Kpa David ye mfri esie ke nsinsi.”+
