2 Thessalonica 3;1-18
3 Ke akpatre, nditọete, ẹka iso ẹbọn̄ akam ẹban̄a nnyịn,+ ẹte ikọ Jehovah+ akpakam aka iso ndisuana usọp usọp+ nnyụn̄ nnyene ubọn̄ kpa nte edide ke otu mbufo;
2 ẹnyụn̄ ẹben̄e ẹte ẹnyan̄a nnyịn ẹsio ke ubọk mbon ibak ye mme idiọkowo,+ koro idịghe kpukpru owo ẹnyene mbuọtidem.+
3 Edi Ọbọn̄ edi anam-akpanikọ, enye oyonyụn̄ anam mbufo ẹsọn̄ọ ẹda onyụn̄ ekpeme mbufo mbak andidiọk.+
4 Akan oro, nnyịn imenyene mbuọtidem+ ke Ọbọn̄ iban̄a mbufo, ite mbufo ke ẹnanam ye nte ke ẹyenyụn̄ ẹka iso ẹnam mme n̄kpọ emi nnyịn iwụkde.+
5 Ọbọn̄ akpakam aka iso ekpeme mbufo esịt uforo uforo esịn ke ima+ Abasi ye ime+ kaban̄a Christ.
6 Nnyịn ke emi inọ mbufo uyo,+ nditọete, ke enyịn̄ Ọbọn̄ Jesus Christ, ite ẹdian̄ade+ ẹkpọn̄ eyenete ekededi oro asan̄ade etịme etịme+ mînyụn̄ isan̄ake ke item oro ẹkebọde ẹto nnyịn.+
7 Koro mbufo ẹmefiọk nte mbufo ẹkpekpebede nnyịn,+ koro nnyịn ikodụhe uwem etịme etịme ke otu mbufo+
8 nnyịn ikonyụn̄ ibọhọ owo ekededi udia idia ke mfọn.+ Utu ke oro, ikanam ọkpọsọn̄ utom inyụn̄ in̄wana idem+ okoneyo ye uwemeyo mbak ididori owo mbufo ekededi ndodobi mbiomo ke idem.+
9 Idịghe nte nnyịn inyeneke odudu+ ndikpanam ntre, edi man nnyịn ikpenịm idem nte uwụtn̄kpọ inọ mbufo ndikpebe.+
10 Ke akpanikọ, n̄ko, ke ini ikodude ye mbufo, nnyịn ima isinọ mbufo ewụhọ+ emi ite: “Edieke owo ekededi mîmaha ndinam utom, yak enye okûdia n̄kpọ.”+
11 Koro nnyịn ikop ite ndusụk owo ke otu mbufo ke ẹsan̄a etịme etịme,+ inamke utom ndomokiet edi ẹsịn idem ke se mîbeheke mmọ.+
12 Nnyịn inọ utọ mbon oro ewụhọ ye item ke Ọbọn̄ Jesus Christ ite mmọ ẹtie sụn̄sụn̄ ẹnam utom ẹnyụn̄ ẹdia udia oro mmọ ẹn̄wanade.+
13 Amaedi mbufo, nditọete, ẹkûkpa mba ke edinam se inende.+
14 Edi edieke owo ekededi mîkopke uyo emi+ nnyịn inọde ke leta emi, ẹnịm owo emi idiọn̄ọ,+ ẹtre ndidụk ndụk ye enye,+ man bụt akpanam enye.+
15 Edi ẹkûbat enye nte asua, edi ẹka iso ẹnọ enye item+ nte eyenete.
16 Ndien Ọbọn̄ emem akpakam ọnọ mbufo emem kpukpru ini ke kpukpru usụn̄.+ Ọbọn̄ akpakam odu ye kpukpru mbufo.
17 Ami Paul nda ubọk mi+ n̄wet ekọm emi, emi edide idiọn̄ọ ke kpukpru leta mi; nte nsiwetde n̄kpọ edi emi.
18 Mfọnido Ọbọn̄ nnyịn Jesus Christ oro owo mîdotke+ akpakam odu ye kpukpru mbufo.