Mme N̄ke 11;1-31
11 Jehovah ese abian̄a abian̄a udomon̄kpọ ke mbubiam,+ edi n̄kemn̄kem itiat udomo enem enye esịt.
2 Nte iseri edi? Do esuene eyedi;+ edi ọniọn̄ odu ye mbon nsụkidem.+
3 Nsọn̄ọnda ndinen owo ada mmọ usụn̄,+ edi mfian̄ade mbon abian̄a oyosobo mmọ.+
4 Mme ọsọn̄urua n̄kpọ idinyeneke ufọn ke usen ifụtesịt,+ edi edinen ido ayanyan̄a owo osio ke n̄kpa.+
5 Edinen ido owo emi mînyeneke nduduọhọ ayanam usụn̄ esie enen,+ edi idiọkowo ọyọduọ ke idiọkido esie.+
6 Edinen ido ndinen owo ayanyan̄a mmọ,+ edi ẹyeda se idọn̄de mbon abian̄a itọn̄ ẹmụm mmọ.+
7 Ke ini idiọkowo akpade, idotenyịn esie atak;+ ndien idotenyịn oro enye enyenede ke odudu esie amatak.+
8 Ẹyenyan̄a edinen owo ẹsio ke nnanenyịn,+ edi idiọkowo odụk ke itie esie.+
9 Owo mfiakedem ada inua esie osobo ekemmọ owo,+ edi ẹda ifiọk ẹnyan̄a edinen owo.+
10 Eti ido ndinen owo anam obio adara,+ ndien ẹsio n̄kpo idara ke ini mme idiọkowo ẹtakde.+
11 Ke ini ndinen owo ẹdiọn̄de obio, obio oforo,+ edi inua mme idiọkowo anam obio owụre.+
12 Anana-ibuot owo esịn ekemmọ owo ke ndek,+ edi owo akwa mbufiọk isioroke uyo.+
13 Owo eke asan̄ade ọdọk edidọk+ ayarade ikọ idịbi,+ edi owo akpanikọ edịp ikọ.+
14 Ke ini eti ndausụn̄ mîdụhe, mme owo ẹduọn̄ọ;+ edi edinyan̄a odu ke ini mme ọnọitem ẹwakde.+
15 Idifọnke-fọn ye owo emi etiede ubiọn̄ ọnọ esenowo,+ edi owo emi asuade ndinọ owo ubọk enyene ifụre.
16 N̄wan emi eyede omụm ubọn̄ akama;+ edi mbon ufịk ẹmụm inyene ẹkama.
17 Owo ima-mfọnido anam se ifọnde ye ukpọn̄ esiemmọ,+ edi owo ibak ada afanikọn̄ ọsọk obụkidem+ esie.
18 Idiọkowo adia idiọk udori,+ edi owo eke ọtọde edinen ido adia eti udori.+
19 Owo emi ọsọn̄ọde ada ọnọ edinen ido eyenyene uwem,+ edi owo emi ebịnede se idiọkde oyokụt n̄kpa.+
20 Jehovah ese mbon oro esịt mmọ akwan̄ade ke mbubiam,+ edi mbon oro usụn̄ mmọ mînyeneke nduduọhọ ẹnem enye esịt.+
21 Ubọk akpadiana ye ubọk, idiọkowo idibọhọke ufen;+ edi nditọ ndinen owo ẹyebọhọ.+
22 Ediye an̄wan emi ọwọn̄ọrede ọkpọn̄ eti ibuot etie nte n̄kpanuen gold ke ibuo edi.+
23 Ndinen owo ẹyom se ifọnde;+ idotenyịn mme idiọkowo edi ifụtesịt.+
24 Odu owo emi asuande, edi ọdọdiọn̄ enyene;+ onyụn̄ odu owo eke afamde ubọk ke se inende, edi oro osụn̄ọ ke unana.+
25 Ukpọn̄ eke atatde ubọk eyesehe,+ ndien owo eke atatde ubọk ọnọ mbon en̄wen mmọn̄, ẹyetat ubọk n̄ko ẹnọ enye mmọn̄.+
26 Owo emi omụmde n̄kpasịp akama—mbio obio ẹyesụn̄i enye, edi edidiọn̄ oyodoro ke ibuot owo emi ayakde ẹdep enye.+
27 Owo eke oyomde eti n̄kpọ oyom mfọn;+ edi amaedi owo emi oyomde idiọk, idiọk eyesịm enye.+
28 Owo eke ọbuọtde idem ke inyene esie ọyọduọ;+ edi ndinen owo ẹyesehe nte ikọn̄.+
29 Owo ekededi emi adade afanikọn̄ ọsọk ufọk esie,+ edinyene ofụm;+ ndisịme owo oyonyụn̄ edi asan̄autom owo emi enyenede esịt ọniọn̄.
30 Mbun̄wụm edinen owo edi eto uwem,+ ndien owo emi ọkọde ukpọn̄ edi ọniọn̄.+
31 Sese! Edinen owo ọyọbọ utịp ke isọn̄.+ N̄wan̄wadise ndien idiọkowo ye anamidiọk!+
