Mme N̄ke 16;1-33
16 Uduakesịt edi eke owo,+ edi ibọrọ inua oto Jehovah.+
2 Kpukpru usụn̄ owo ẹdi edisana ke enyịn esie,+ edi Jehovah odomo uduakesịt owo.+
3 Kpat utom fo nọ Jehovah+ ndien uduak fo ọyọsọn̄ọ ada.+
4 Jehovah anam kpukpru n̄kpọ kaban̄a uduak esie,+ ih, anam idiọkowo ọnọ usen idiọk.+
5 Jehovah ese kpukpru mbon esịt iseri ke mbubiam.+ Ubọk akpadiana ye ubọk, owo idibọhọke ufen.+
6 Ẹda ima-mfọnido ye akpanikọ ẹsio isop ndudue,+ ndibak Jehovah anam owo ọwọn̄ọde ọkpọn̄ idiọk.+
7 Ke ini usụn̄ owo enemde Jehovah esịt,+ enye anam mme asua esie ẹtie ke emem ye enye.+
8 Ọfọn ndinyene esisịt ke edinen ido+ akan ndinyene akpakịp ke ukwan̄ido.+
9 Owo ekeme ndidiomi usụn̄ esie ke esịt esie,+ edi Jehovah enen̄ede ikpatisan̄ esie.+
10 N̄kpọkinua edidem ekpenyene nditịn̄ ubiere Abasi;+ inua esie ikpenyeneke ndibiere ukwan̄ikpe.+
11 Nnennen udomo ye udomon̄kpọ ẹnyene Jehovah;+ kpukpru itiat udomo ke ekpat ẹdi utom ubọk esie.+
12 Ndidem ẹse ndinam idiọkn̄kpọ ke mbubiam,+ koro ẹsọn̄ọde ẹwụk ebekpo ke edinen ido.+
13 N̄kpọkinua edinen ido edi n̄kpọ inemesịt ọnọ akwa edidem;+ ndien enye ama owo eke etịn̄de se inende.+
14 Ifụtesịt edidem edi isụn̄utom n̄kpa,+ edi owo ọniọn̄ efep enye.+
15 Uwem odu ke un̄wana iso edidem,+ mfọnido esie onyụn̄ etie nte idiọk enyọn̄ edịm ini utọ.+
16 Edinyene ọniọn̄ ọfọn didie ntem akan gold!+ Ndien ọfọn ndimek ndinyene asian akan ndinyene silver.+
17 Ọkpọusụn̄ ndinen owo edi ndiwọn̄ọde n̄kpọn̄ idiọk.+ Owo eke ekpemede usụn̄ esie enịm ukpọn̄ esie uwem.+
18 Ntan̄idem ebem nsobo iso,+ edu iseri onyụn̄ ebem iduọ iso.+
19 Ọfọn ndinyene sụn̄sụn̄ edu ye mbon nsụkidem+ akan ndideme mbụme ye mbon ntan̄idem.+
20 Owo eke enyenede ikike ke n̄kpọ oyokụt se ifọnde,+ ndien owo eke ọbuọtde idem ye Jehovah okop inemesịt.+
21 Ẹyekot owo eke enyenede esịt ọniọn̄ asian,+ ndien owo eke enemde inua ikọ adian mbukpek.+
22 Ikike edi idịm uwem ọnọ mme andinyene enye;+ ndien ntụnọ mbon ndisịme edi ebiọ.+
23 Esịt owo ọniọn̄ anam inua esie osion̄o ikike,+ enye onyụn̄ adian mbukpek+ ke n̄kpọkinua esie.
24 Ndinem ikọ ẹdi obukpa ọkwọk,+ ẹnịn̄e ukpọn̄ ẹnyụn̄ ẹkọk ubiak ọkpọ.+
25 Enyene usụn̄ eke enende owo ke enyịn,+ edi utịt esie edi usụn̄ n̄kpa.+
26 Ukpọn̄ owo emi anamde utom ọkpọsọn̄ anam utom ọkpọsọn̄ ọnọ idemesie,+ koro inua esie esịn enye anam.+
27 Obukpo owo etịbi se idiọkde+ nte n̄kpọ eke ufiop ikan̄ odude enye ke n̄kpọkinua.+
28 Mbuka owo etịbi utọk,+ owo edidọk onyụn̄ adian̄ade mme n̄kpet n̄kpet ufan.+
29 Owo afai ayatap ekemmọ owo,+ onyụn̄ anam enye odụk idiọk usụn̄.+
30 Enye ekep enyịn aduak ndinam mbuka.+ Afat n̄kpọkinua esie, abak ibak esie ama.
31 Iwat edi anyanya uyai+ ke ini ẹkụtde enye ke usụn̄ edinen ido.+
32 Owo eke mîsọpke iyatesịt ọfọn akan ọkpọsọn̄ owo,+ owo eke akarade spirit esie onyụn̄ ọfọn akan owo emi akande obio.+
33 Ẹsịn afia ke ifụhi,+ edi kpukpru se ẹdade enye ẹbiere oto Jehovah.+
