Amos 2;1-16
2 “Ntem ke Jehovah ọdọhọ ete, ‘“Ke ntak emi Moab+ ọsọn̄de ibuot utịm ikata, ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi enye ọfọpde mme ọkpọ edidem Edom anam ndom.+
2 Ndien nyekịm ikan̄ ke Moab, enye oyonyụn̄ ata mme tọwa ufọkidụn̄ ke Kerioth;+ ndien Moab ayakpa ke uyom, ye ke n̄kpo, ye ke uyom nnụk.+
3 Ndien nyesịbe ebiereikpe mfep ke ufọt esie, nyonyụn̄ n̄wot kpukpru mbọn̄ esie n̄kọrọ ye enye,”+ Jehovah ọdọhọ.’
4 “Ntem ke Jehovah ọdọhọ ete, ‘Ke ntak emi Judah ọsọn̄de ibuot utịm ikata,+ ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi mmọ ẹsịnde ibet Jehovah,+ ye ke ntak emi mmọ mînịmke mme ewụhọ esie; edi nsu+ mmọ, emi mme ete ete mmọ ẹkesan̄ade ke esịt, ẹnam mmọ ẹyo.+
5 Ndien nyekịm ikan̄ ke Judah, enye oyonyụn̄ ata mme tọwa ufọkidụn̄ ke Jerusalem.’+
6 “Ntem ke Jehovah ọdọhọ ete, ‘Ke ntak emi Israel ọsọn̄de ibuot utịm ikata,+ ye ke ntak emi enye ọsọn̄de ibuot utịm ikanan̄, ndiwọn̄ọkede enye mfep, ke ntak emi mmọ ẹnyamde edinen owo ke silver, ẹnyụn̄ ẹnyamde ubuene ke ekọmurua ikpaukot.+
7 Ọdọn̄ mmọ ndikụt ntọn̄ ke ibuot mme usụhọde owo;+ mmọ inyụn̄ inamke n̄kpọ ye mbon nsụkidem nte enende;+ owo ye ete esie ẹtiene eyenan̄wan kiet,+ man ẹsabade edisana enyịn̄ mi.+
8 Ndien mmọ ẹnyanade ẹna ke ọfọn̄ emi mmọ ẹkebọde ke ubiọn̄+ ke kpukpru itieuwa;+ mmọ ẹnyụn̄ ẹtie ke ufọk mme abasi mmọ ẹn̄wọn̄ wine mbon oro mmọ ẹdiade isop.’+
9 “‘Edi ke ntak mmọ ke ami n̄kosobo mme Amorite,+ emi ẹkekon̄de ke idaha nte mme cedar, ẹnyụn̄ ẹsọn̄de idem nte ikpọ eto;+ ndien nsobo mfri esie ke enyọn̄ ye mme orụn̄ esie ke idak.+
10 Ndien ami mma nsio mbufo ke isọn̄ Egypt ndọk ndi,+ nnyụn̄ nnam mbufo ẹsan̄a ke wilderness ke isua aba,+ man ẹda isọn̄ mme Amorite ẹnyene.+
11 Ndien nnam ndusụk nditọiren mbufo ẹdi mme prọfet+ nnyụn̄ nnam ndusụk n̄kparawa mbufo ẹdi mme Nazirite.+ Nte n̄kpakanamke ntre, O nditọ Israel?’ uyo Jehovah edi emi.
12 “‘Edi mbufo ẹma ẹnọ mme Nazirite wine ẹn̄wọn̄,+ ẹnyụn̄ ẹwụk mme prọfet ẹte: “Mbufo ẹkûtịn̄ ntịn̄nnịm ikọ.”+
13 Sese mmọn̄ nnyen̄e se idude mbufo ke idak, kpa nte ukpatn̄kpọ emi ọyọhọde ye wheat* emi ẹkpen̄ede obufa, enyen̄ede.
14 Ndien owo eke ọsọpde itọk idinyeneke ebiet eke efehede aka,+ owo oro okopde odudu idisọn̄ọke odudu esie, ọkpọsọn̄ owo idinyụn̄ inyan̄ake ukpọn̄ esiemmọ.+
15 Ndien baba otop-utịgha kiet idisọn̄ọke ida, owo eke ọsọpde itọk idibọhọke, awat enan̄-mbakara idinyụn̄ inyan̄ake ukpọn̄ esie.+
16 Ndien owo uko ke otu n̄kpọsọn̄ owo eyefehe iferi ke usen oro,’+ uyo Jehovah edi emi.”
Mme Ikọ Idakisọn̄
^ Mîdịghe, emi ekeme ndidi “barley.”
