Exodus 13;1-22
13 Ndien Jehovah ọdọhọ Moses ete:
2 “Dian̄ade kpukpru akpan eke ẹsịrerede itie eyen ke otu nditọ Israel nịm nọ mi nte edisana, ke owo ye ke unam. Mmọ ẹdidi okịm.”+
3 Ndien Moses ọdọhọ mbon oro ete: “Mbufo ẹti usen emi mbufo ẹkewọn̄ọde ke Egypt,+ ke ufọk ufụn, koro Jehovah akadade ọkpọsọn̄ ubọk osio mbufo ke ebiet emi.+ Ntre mbufo ẹkûdia baba n̄kpọ kiet eke leaven odude ke esịt.+
4 Mfịn emi ke ọfiọn̄ Abib+ ke mbufo ẹdiwọn̄ọ.
5 Ndien ama ekem ke ini Jehovah edidade fi odụk ke isọn̄ mbon Canaan ye mme Hittite ye mme Amorite ye mme Hivite ye mbon Jebus,+ emi enye ọkọn̄wọn̄ọde ọnọ mme ete ete fo ndida nnọ fi,+ isọn̄ emi ọfiọrọde mmọn̄eba ye aranọkwọk,+ do afo enyene ndinam edinam emi ke ọfiọn̄ emi.
6 Afo edita uyo eke leaven mîdụhe+ ke usen itiaba, ndien ọyọhọ usen itiaba oro edidi usọrọ ọnọ Jehovah.+
7 Afo enyene ndita uyo eke leaven mîdụhe ke usen itiaba;+ n̄kpọ eke leaven odude inyeneke ndidu ye afo,+ ndomuyo eke leaven odude inyeneke ndidu ye afo ke ofụri obio fo.+
8 Ndien afo enyene ndidọhọ eyen fo ke usen oro ete, ‘Edi ke ntak se Jehovah akanamde ọnọ mi ke ini n̄kọwọrọde ke Egypt.’+
9 Ndien enye eyetie nte idiọn̄ọ ke ubọk fo ye nte n̄kpọ editi ke ọkpọiso fo,+ man ibet Jehovah odu fi ke inua;+ koro Jehovah akadade ọkpọsọn̄ ubọk osio fi ke Egypt.+
10 Afo onyụn̄ enyene ndinịm ewụhọ emi ke edikem ini esie kpukpru isua.+
11 “Ndien ama ekem ke ini Jehovah adade fi edisịm isọn̄ mbon Canaan,+ kpa nte enye ọkọn̄wọn̄ọde ọnọ fi ye mme ete ete fo,+ enye ama onyụn̄ ada isọn̄ oro ọnọ fi,
12 ndien afo enyene ndidian̄ade kpukpru se isịrerede itie eyen nnọ Jehovah,+ ye kpukpru akpa nditọ, kpa nditọ ufene,+ emi afo edinyenede. Akpan ye akpa nyara unam ẹdinyene Jehovah.+
13 Ndien afo enyene ndida erọn̄ mfak kpukpru akpa nditọ ass, ndien edieke afo mûdufakke, afo ndien enyene ndibụn̄ enye itọn̄ n̄wot.+ Afo onyụn̄ enyene ndifak kpukpru akpan ke otu nditọiren fo.+
14 “Ndien ama ekem edieke eyen fo edibụpde fi ke ini iso,+ ete, ‘Emi ọwọrọ nso?’ afo ndien enyene ndidọhọ enye ete, ‘Jehovah akada ọkpọsọn̄ ubọk osio nnyịn ke Egypt,+ ke ufọk ufụn.+
15 Edikem Pharaoh ọsọn̄ esịt inyụn̄ iyakke nnyịn inyọn̄ọ,+ ndien Jehovah owot kpukpru akpan ke isọn̄ Egypt,+ ọtọn̄ọde ke akpan ke otu nditọ owo tutu esịm akpa ke otu nditọ ufene.+ Ntak edi oro n̄wade kpukpru nyara eke ẹsịrerede itie eyen nnọ Jehovah,+ nnyụn̄ mfakde kpukpru akpan ke otu nditọiren mi.’+
16 Ndien enye eyetie nte idiọn̄ọ ke ubọk fo ye idiọn̄ọ ke ọkpọiso fo,+ koro Jehovah akadade ọkpọsọn̄ ubọk osio nnyịn ke Egypt.”+
17 Edikem ke ini Pharaoh ayakde mbon oro ẹnyọn̄ọ, Abasi idaha mmọ isan̄a ke isọn̄ mbon Philistia ibe okposụkedi ekperede usụn̄, koro Abasi ọdọhọde ete: “Mbon emi ẹkeme nditua n̄kpọfiọk ke ini mmọ ẹkụtde ekọn̄ ẹnyụn̄ ẹfiak ẹnyọn̄ọ Egypt.”+
18 Ntem Abasi anam mmọ ẹsan̄a ẹkanade ke wilderness ke usụn̄ Ididuot Inyan̄.+ Edi nditọ Israel ẹkesan̄a ke udịm ẹwọn̄ọ ke isọn̄ Egypt.+
19 Ndien Moses atan̄ ọkpọ Joseph, koro enye akanamde nditọiren Israel ẹsọn̄ọ ẹn̄wọn̄ọ ẹte: “Abasi iditreke ndiwọn̄ọde ntịn̄enyịn esie nnọ mbufo,+ ndien mbufo ẹnyene nditan̄ ọkpọ mi ke ebiet emi mfep.”+
20 Ndien mmọ ẹkpọn̄ Succoth ẹnyụn̄ ẹkenam nna ke Etham ke mben wilderness.+
21 Ndien Jehovah ebem mmọ iso ke uwemeyo ke adaha obubịt enyọn̄ ndida mmọ usụn̄,+ ndien ke okoneyo ke adaha ikan̄ ndinọ mmọ un̄wana, ndisan̄a ke uwemeyo ye ke okoneyo.+
22 Adaha obubịt enyọn̄ ikadahake ikpọn̄ mmọ ke uwemeyo, adaha ikan̄ ikonyụn̄ idahake ke okoneyo.+
