Ezekiel 13;1-23
13 Ndien uyo Jehovah esịm mi, ete:
2 “Eyen owo, tịn̄ ntịn̄nnịm ikọ ban̄a mme prọfet Israel emi ẹtịn̄de ntịn̄nnịm ikọ,+ nyụn̄ dọhọ mmọ eke ẹtịn̄de ntịn̄nnịm ikọ eke otode mmọ esịt,+ ete, ‘Ẹkop uyo Jehovah.+
3 Ntem ke Jehovah Akakan Ọbọn̄ Andikara ọdọhọ ete: “Mbọm mme ndisịme+ prọfet, emi ẹsan̄ade ke spirit idemmọ,+ ke ini mmọ mîkwe n̄kpọ ndomokiet!+
4 O Israel, mme prọfet fo ẹmekabade ẹtie nte mme ebuaikọt ke mme n̄wụre ebiet.+
5 Mbufo ididọkke ikodụk mme ufan̄ ibibene,+ mbufo idinyụn̄ ibọpke ibibene itiat+ inọ ufọk Israel, man ẹda ke ekọn̄ ke usen Jehovah.”+
6 “Mmọ ẹmekụt nsunsu n̄kukụt, idiọn̄ mmọ onyụn̄ edi nsu,+ mmọ oro ẹdọhọde ẹte, ‘Uyo Jehovah edi emi,’ ke ini Jehovah mîdọn̄ke mmọ, ndien mmọ ẹmenyụn̄ ẹbet man ẹnam ikọ osu.+
7 Nte idịghe nsunsu n̄kukụt ke mbufo ẹkụt, nte inyụn̄ idịghe nsunsu idiọn̄ ke mbufo ẹbre, ke ini ẹdọhọde ẹte, ‘Uyo Jehovah edi emi,’ ke ini ami mmentịn̄ke n̄kpọ ndomokiet?”’+
8 “‘Mmọdo ntem ke Jehovah Akakan Ọbọn̄ Andikara ọdọhọ ete: “‘Ke ntak emi mbufo ẹtịn̄de se mîdịghe akpanikọ ẹnyụn̄ ẹkụtde nsunsu n̄kukụt, mmọdo sese ami mmọn̄ nnam ikọ ye mbufo,’+ uyo Jehovah Akakan Ọbọn̄ Andikara edi emi.”
9 Ubọk mi omodoro ke idem mme prọfet oro ẹkụtde n̄kukụt eke mîdịghe akpanikọ ẹnyụn̄ ẹbrede idiọn̄ nsu.+ Mmọ idikaha iso idu ke otu+ ikọt mi, owo idinyụn̄ iwetke enyịn̄ mmọ isịn ke n̄wed enyịn̄ ufọk Israel,+ mmọ idinyụn̄ idụkke isọn̄ Israel;+ ndien mbufo ẹyefiọk ẹte ke ami ndi Jehovah Akakan Ọbọn̄ Andikara,+
10 ke ntak oro, ih ke ntak oro mmọ ẹtụnde ikọt mi usụn̄, ẹdọhọ ẹte, “Emem odu!” ke ini emem+ mîdụhe, ndien odu enye emi ọbọpde ibibene, edi odu mmọ eke ẹdade ndom+ ẹyọn̄ọ enye ke ikpîkpu.’+
11 “Dọhọ mbon oro ẹdade ndom ẹyọn̄ọ ete ke enye ọyọduọ. Ọkpọsọn̄ edịm eyedep, ndien mbufo, O edịm itiat, ẹyedep, ọkpọsọn̄ ofụm oyonyụn̄ asiak ibibene.+
12 Ndien, sese! ibibene ọyọduọ. Nte owo ididọhọke mbufo ite, ‘Enye ediyọn̄ọ emi mbufo ẹkeyọn̄ọde?’+
13 “Mmọdo ntem ke Jehovah Akakan Ọbọn̄ Andikara ọdọhọ ete, ‘Ami n̄ko nyanam ọkpọsọn̄ ofụm abara ọwọrọ ke ifụtesịt mi, ọkpọsọn̄ edịm oyonyụn̄ edep ke iyatesịt mi, ndien edịm itiat eyedep ke ifụtesịt mi man esịn nsobo.+
14 Ndien ami nyowụri ibibene emi mbufo ẹkedade ndom ẹyọn̄ọ nnịm ke isọn̄, ẹyenyụn̄ ẹnịm itiat idakisọn̄ esie iferi.+ Ndien enye ọyọduọ, mbufo ẹyenyụn̄ ẹsịm utịt ke esịt esie; ndien mbufo ẹyefiọk ẹte ke ami ndi Jehovah.’+
15 “‘Ndien ami nyada ifụtesịt mi nsịm utịt ke ibibene ye ke idem mbon oro ẹdade ndom ẹyọn̄ọ enye, nyonyụn̄ ndọhọ mbufo nte: “Ibibene idụhe aba, mmọ eke ẹyọn̄ọde enye inyụn̄ idụhe aba,+
16 kpa mme prọfet Israel oro ẹtịn̄de ntịn̄nnịm ikọ ẹnọ Jerusalem ẹnyụn̄ ẹkụtde n̄kukụt emem ẹban̄a enye,+ ke ini emem mîdụhe,”’ uyo Jehovah Akakan Ọbọn̄ Andikara edi emi.+
17 “Ndien amaedi afo, O eyen owo, wụk iso+ fo se nditọiban ikọt fo emi ẹnamde nte idi mme prọfet+ nte otode mmọ esịt,+ nyụn̄ tịn̄ ntịn̄nnịm ikọ ban̄a mmọ.
18 Afo onyụn̄ enyene ndidọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Mbọm iban emi ẹkịmde ubọpn̄kpọ ẹdian ke kpukpru ekụn̄ubọk, ẹnyụn̄ ẹnamde ufụhọn̄kpọ ẹfụk ke ibuot mme owo eke kpukpru idaha man ẹbịn ikọt ẹyom mme ukpọn̄!+ Ndi mme ukpọn̄ oro mbufo iban ẹbịnde ikọt ẹmụm ẹdi mmọ oro ẹnyenede ikọt mi, ndi mme ukpọn̄ oro ẹnyenede mbufo ẹdi mmọ oro mbufo ẹnịmde uwem?
19 Ndien nte mbufo ẹyesabade mi ẹnọ ikọt mi ke ntak esisịt barley ye ke ntak ubak uyo,+ man ẹwot mme ukpọn̄ oro mîkpanaha ẹkpan̄a+ man ẹnyụn̄ ẹnịm mme ukpọn̄ oro mîkpanaha ẹdu uwem, uwem, ke nsu oro mbufo ẹsude ẹnọ ikọt mi, mme andikop nsu?”’+
20 “Mmọdo ntem ke Jehovah Akakan Ọbọn̄ Andikara ọdọhọ ete, ‘Sese ami mmọn̄ nnam ikọ ye mme ubọpn̄kpọ emi mbufo iban ẹnamde, emi mbufo ẹdade ẹmụm mme ukpọn̄ nte n̄kpọ eke mmọ ẹdide mme n̄kpọ eke ẹfede, ndien ami nyekịbi mmọ mfep ke ubọk mbufo nnyụn̄ nyak mme ukpọn̄ oro mbufo ẹmụmde ẹnyọn̄ọ, kpa mme ukpọn̄ oro mbufo ẹmụmde nte n̄kpọ eke mmọ ẹdide mme n̄kpọ eke ẹfede.+
21 Ndien ami nyawai mme ufụhọn̄kpọ mbufo nnyụn̄ nnyan̄a ikọt mi nsio mbufo ke ubọk, ndien mmọ ididụhe aba ke ubọk mbufo nte n̄kpọ eke ẹkebịnde ikọt ẹmụm; ndien mbufo ẹyefiọk ẹte ke ami ndi Jehovah.+
22 Koro mbufo ẹdade nsu ẹnam esịt edinen owo okop mfụhọ,+ ke ini ami mmenamke enye okop ubiak, ẹnyụn̄ ẹsọn̄ọde+ idiọkowo ubọk mbak enye ediwọn̄ọde ọkpọn̄ idiọk usụn̄ esie man ẹnịm enye uwem,+
23 mmọdo mbufo iban emi idikaha iso ikụt n̄kukụt eke mîdịghe akpanikọ,+ mbufo idinyụn̄ ibreke+ aba idiọn̄;+ ami nyonyụn̄ nnyan̄a ikọt mi nsio mbufo ke ubọk,+ ndien mbufo ẹyefiọk ẹte ke ami ndi Jehovah.’”+
