Ezra 9;1-15
9 Ndien ke ndondo oro ẹkụrede mme n̄kpọ emi, mbọn̄+ ẹdisobo ye ami ẹnyụn̄ ẹdọhọ ẹte: “Mbon Israel ye mme oku ye nditọ Levi idian̄akede+ idem ikpọn̄ mbon idụt emi ye mme mbubiam n̄kpọ+ mmọ, oro edi, mbon Canaan,+ mme Hittite,+ mme Perizzite,+ mbon Jebus,+ mbon Ammon,+ mbon Moab,+ nditọ Egypt+ ye mme Amorite.+
2 Koro mmọ ẹdọde nditọiban mmọ ke idemmọ ẹnyụn̄ ẹdọde ẹnọ nditọiren mmọ;+ ndien mmọ emi ẹdide ndisana mfri+ ẹmebuaha+ ye mbon idụt, ndien mbọn̄ ye mme udiana andikara ẹda iso+ ke unana edinam akpanikọ emi.”
3 Ndien ke ndondo oro n̄kopde n̄kpọ emi, ami n̄wak ọfọn̄idem+ mi ye anana-ubọk kod mi, nnyụn̄ n̄wụbede ndusụk idet ke ibuot+ mi ye ke ntan̄ebek mi, nnyụn̄ nsụhọde ntie ye akwa n̄kpaidem.+
4 Ndien kpukpru owo eke idem enyekde+ ke ikọ emi Abasi Israel etịn̄de aban̄a unana edinam akpanikọ mbon ntan̄mfep emi ẹnyụn̄ ẹdi ẹdisop idem ke ọtọ mi, ke adan̄aemi ami ntiede ye akwa n̄kpaidem tutu esịm ini uwa n̄kpasịp mbubreyo.+
5 Ndien ke ini uwa n̄kpasịp+ mbubreyo, ami ndaha nda ke itie esuene mi, ye ọfọn̄idem ye anana-ubọk kod mi emi n̄kawakde, nnyụn̄ ntọn̄ọ edọn̄+ ntat ekaubọk mmenede ke enyọn̄ nnọ Jehovah Abasi mi.+
6 Ndien ami ndọhọ nte:+ “O Abasi mi, mmokop bụt+ ye esuene+ ndimenede iso nse fi, O Abasi mi, koro mme ndudue+ nnyịn ẹwakde tutu ẹkon̄ ẹbe nnyịn ibuot, ndien ubiomikpe nnyịn omokon̄ tutu esịm enyọn̄.+
7 Toto ke eyo mme ete ete nnyịn,+ nnyịn imenyene akwa ubiomikpe tutu esịm mfịn emi;+ ndien ke ntak mme ndudue nnyịn ẹmeyak nnyịn, ndidem+ nnyịn ye mme oku+ nnyịn, ẹsịn ke ubọk ndidem mme idụt emi ẹkamade akan̄kan̄,+ emi ẹdade nnyịn ẹka ntan̄mfep+ ẹnyụn̄ ẹbụmede+ nnyịn, ẹnyụn̄ ẹnamde nnyịn ikop bụt,+ kpa nte edide mfịn emi.
8 Ndien, ke emi, Jehovah ọmọfọn nnyịn mfọn+ ke ekpri ini ke ndiyak mbon oro ẹbọhọde+ nnọ nnyịn ye ke ndinọ nnyịn ntok ke edisana ebiet, man anam enyịn nnyịn ayama,+ O Abasi nnyịn, onyụn̄ anam nnyịn ibọhọ ufụn esisịt.+
9 Koro nnyịn idide mme asan̄autom;+ ndien Abasi nnyịn ikpọn̄ke nnyịn+ ke itie ufụn nnyịn, edi enye omowụt nnyịn ima-mfọnido ke iso ndidem Persia,+ man anam nnyịn ibọhọ man otodo ibọp ufọk Abasi+ nnyịn inyụn̄ ifiak idiọn̄ mme n̄wụre ebiet+ esie, man onyụn̄ ọnọ nnyịn ibibene itiat+ ke Judah ye ke Jerusalem.
10 “Ndien, ke emi, nso ke nnyịn ididọhọ, O Abasi nnyịn, ke mme n̄kpọ emi ẹma ẹkeda itie? Koro nnyịn imọkpọn̄ mme ewụhọ fo,+
11 emi afo okowụkde nnyịn ebe ke mme asan̄autom fo kpa mme prọfet, ete, ‘Isọn̄ emi mbufo ẹkade ndida nnyene edi ndedehe isọn̄ ke ntak ndek mbon isọn̄ oro,+ ke ntak emi mmọ ẹdade mbubiam n̄kpọ+ mmọ ẹyọhọ ke esịt to ke utịt kiet sịm utịt eken,+ koro mmọ ẹdehede.+
12 Ndien, ke emi, mbufo ẹkûyak nditọiban mbufo ẹnọ nditọiren mmọ,+ ẹkûnyụn̄ ẹda nditọiban mmọ ẹnọ nditọiren mbufo; ẹkûnyụn̄ ẹnam n̄kpọ ẹyom emem+ mmọ ye uforo mmọ ke nsinsi, man mbufo ẹkop odudu+ ẹnyụn̄ ẹdia ufọn isọn̄ ẹnyụn̄ ẹda enye ẹnọ nditọ mbufo ke nsinsi.’+
13 Ndien ke kpukpru oro ẹma ẹkesịm nnyịn ke ntak ndiọi edinam+ nnyịn ye akwa ubiomikpe nnyịn—koro afo, O Abasi nnyịn, abatde ndudue+ nnyịn ke ekpri n̄kpọ, onyụn̄ ayakde mbon oro ẹbọhọde ọnọ nnyịn nte mmọ emi+—
14 nte nnyịn idifiak ibiat mme ewụhọ fo inyụn̄ inam ediomi+ ndọ ye mbon mbubiam n̄kpọ emi?+ Nte afo udûyatke esịt ye nnyịn tutu esịm udomo+ emi baba owo kiet mîsụhọke+ mînyụn̄ ibọhọke?
15 O Jehovah Abasi Israel, afo edi edinen,+ koro nnyịn isụhọde mfịn emi nte mbon emi ẹbọhọde. Sese nnyịn mi ke iso fo ye ubiomikpe nnyịn,+ koro nnyịn mîkemeke ndida ke iso fo ke ntak n̄kpọ emi.”+
