Galatia 2;1-21
2 Ekem ke isua duopenan̄ ẹma ẹkebe, nsan̄a ye Barnabas+ mfiak ndọk n̄ka Jerusalem,+ nda Titus n̄ko n̄ka.
2 Edi n̄kọdọk n̄ka ke ntak n̄kpọ emi ẹkeyararede ẹnọ mi.+ Mma nnyụn̄ mmen eti mbụk emi n̄kwọrọde ke otu mme idụt nnịm mmọ ke iso,+ sụk ami ye mme ọwọrọiso owo, mbak ke usụn̄ ekededi itọk oro mfehede+ m̀mê oro n̄kefehede ediwọrọ ikpîkpu.+
3 Edi, owo ikenyịkke kpa Titus+ emi okodude ye ami ndina mbobi,+ okposụkedi enye ekedide eyen Greek.
4 Edi ke ntak nditọete abian̄a+ emi ẹkedade ẹdụk ẹdi ndịbe ndịbe,+ kpa mmọ emi ẹken̄wọnde ẹdụk ẹdi ndiyep ifụre+ nnyịn emi inyenede ke Christ Jesus, man mmọ ẹkpesịn nnyịn ke ufụn+ ofụri ofụri—
5 nnyịn ikenyịmeke ndisụk ibuot+ nnọ mmọ, ọkpọkọm ke esisịt ini, man akpanikọ+ eti mbụk akpaka iso odu ye mbufo.
6 Edi amaedi mbon oro ẹtiede nte ẹdi n̄kpọ+—se ededi oro mmọ ẹkedide ke mbemiso idịghe mi n̄kpọ ndomokiet+—Abasi isehe nte owo etiede ke enyọn̄ idem+—ke akpanikọ, ke ekikere mi, mme ọwọrọetop owo oro itịn̄ke n̄kpọ ndomokiet emi edide obufa.
7 Edi, ke ini mmọ ẹkụtde ẹte ẹkeyak+ eti mbụk ẹnọ mi ẹte n̄kwọrọ nnọ mbon oro mînaha mbobi,+ kpa nte ẹkenọde Peter ẹte ọkwọrọ ọnọ mbon oro ẹnade mbobi+—
8 koro Enye emi ọkọnọde Peter odudu ndidi apostle nnọ mbon oro ẹnade mbobi ọkọnọ mi odudu+ n̄ko ndidi apostle nnọ mbon idụt;
9 ih, ke ini mmọ ẹdide ẹdifiọk mfọnido oro owo mîdotke+ oro ẹkenọde mi,+ James+ ye Cephas ye John, kpa mbon oro ẹketiede nte mme adaha,+ ẹma ẹnọ mi ye Barnabas+ ubọk nnasia ndiwụt ke idi nsan̄a,+ man nnyịn ikpaka ibịne mme idụt, edi mmọ ẹka ẹbịne mbon oro ẹnade mbobi.
10 Mmọ ẹteme nnyịn ẹte iti mme ubuene.+ Ami n̄ko mma nnen̄ede nsịn ifịk ndinam n̄kpọ emi.+
11 Nte ededi, ke ini Cephas+ edide Antioch,+ mma mbiọn̄ọ enye iso ye iso, koro enye akanamde se ibiomde enye.+
12 Koro ke ini ndusụk owo mîkotoho ke ọtọ James idisịm,+ enye ama esidia n̄kpọ+ ye mbon idụt; edi ke ini mmọ ẹdide ẹdisịm, enye odụri idem osio onyụn̄ adian̄ade ọkpọn̄ mmọ, koro enye efehede+ mbon emi ẹnade mbobi.+
13 Mme Jew eken ẹdiana ye enye n̄ko ke mbubịk ido emi,+ tutu ẹnam Barnabas+ adiana ye mmọ ke mbubịk ido mmọ.
14 Edi ke ini n̄kụtde nte ke mmọ inen̄ekede isan̄a ekekem ye akpanikọ eti mbụk,+ ndọhọ Cephas ke iso kpukpru mmọ nte:+ “Edieke afo, okposụkedi edide Jew, odude uwem nte mbon idụt ẹdude, mûnyụn̄ udụhe nte mme Jew, nso inam afo enyịkde mbon idụt ndidu uwem ekekem ye ido mme Jew?”+
15 Nnyịn emi idide mme Jew ke emana,+ mîdịghe mme anamidiọk+ emi itode ke otu mme idụt,
16 emi ifiọkde ite ke ẹbat owo ke edinen,+ itoho ke mme utom ibet, edi oto ke ndibuọt idem+ ke Christ Jesus ikpọn̄-ikpọn̄, nnyịn ima ikam ibuọt idem ke Christ Jesus, man ẹkpebat nnyịn ke edinen ke ntak mbuọtidem nnyịn ke Christ,+ inyụn̄ idịghe ke ntak mme utom ibet, koro owo idibatke baba owo kiet ke edinen oto ke mme utom ibet.+
17 Edi, edieke edide ke adan̄aemi iyomde ẹbat nnyịn ke edinen ebe ke Christ,+ ẹkabade ẹkụt nnyịn nte mme anamidiọk,+ ndi Christ edi asan̄autom idiọkn̄kpọ?+ N̄wan̄ansa-o!
18 Koro edieke mfiakde mbọp mme n̄kpọ oro mma n̄kowụri,+ mmowụt nte ndi abiatibet.+
19 Amaedi ami, n̄kpa ke ntak ibet,+ ndien emi anam ndu uwem nnọ Abasi.+
20 Ẹkọn̄ mi ke eto ẹdian ye Christ.+ Idịghe aba ami ke idemmi ndu uwem,+ edi edi Christ odu uwem ke ami.+ Ke akpanikọ, uwem oro ndude+ idahaemi ke obụkidem ndu ke mbuọtidem eke nnyenede ke Eyen Abasi, emi akamade mi okonyụn̄ ayakde idemesie ọnọ kaban̄a mi.+
21 Mfụmike mfọnido Abasi oro owo mîdotke;+ koro edieke ẹnyenede edinen ido ebe ke ibet,+ ke akpanikọ Christ akakpa ke ikpîkpu.+
