Genesis 10;1-32
10 Emi edi mbụk emi aban̄ade nditọiren Noah,+ Shem ye Ham ye Japheth.
Ekem mmọ ẹtọn̄ọ ndibon nditọ ke ukwọ ama ekebe.+
2 Nditọiren Japheth ẹkedi Gomer+ ye Magog+ ye Madai+ ye Javan+ ye Tubal+ ye Meshech+ ye Tiras.+
3 Ndien nditọiren Gomer ẹkedi Ashkenaz+ ye Riphath+ ye Togarmah.+
4 Ndien nditọiren Javan ẹkedi Elishah+ ye Tarshish+ ye Kittim+ ye Dodanim.+
5 Mme andidụn̄ isuo mme idụt ẹkewọn̄ọ ẹto mmọ ẹnyụn̄ ẹsuana ẹyọhọ isọn̄ mmọ, mmọ kiet kiet nte usem ye mme ubon ye mme idụt mmọ ẹdide.
6 Ndien nditọiren Ham ẹkedi Cush+ ye Mizraim+ ye Put+ ye Canaan.+
7 Ndien nditọiren Cush ẹkedi Seba+ ye Havilah ye Sabtah ye Raamah+ ye Sabteca.
Ndien nditọiren Raamah ẹkedi Sheba ye Dedan.+
8 Cush onyụn̄ obon Nimrod.+ Enye ekedi akpa owo ndikabade ndi ọkpọsọn̄ owo ke isọn̄.
9 Enye ekedi atautop emi okopde odudu onyụn̄ ọbiọn̄ọde Jehovah. Ntak edi oro ẹsidọhọde: “Ukem nte Nimrod atautop emi okopde odudu onyụn̄ ọbiọn̄ọde Jehovah.”+
10 Ndien ntọn̄ọ obio ukara esie ekedi Babel+ ye Erech+ ye Accad ye Calneh ke isọn̄ Shinar.+
11 Enye oto idụt oro ọwọrọ aka Assyria,+ onyụn̄ ọtọn̄ọ ndibọp Nineveh+ ye Rehoboth-Ir ye Calah
12 onyụn̄ ọbọp Resen ke ufọt Nineveh ye Calah: emi edi akwa obio.
13 Ndien Mizraim+ obon Ludim+ ye Anamim ye Lehabim ye Naphtuhim+
14 ye Pathrusim+ ye Casluhim+ (emi mbon Philistia+ ẹketode ẹwọn̄ọ) ye Caphtorim.+
15 Ndien Canaan obon Sidon+ akpan esie ye Heth+
16 ye mbon Jebus+ ye mme Amorite+ ye mme Girgashite
17 ye mme Hivite+ ye mme Arkite ye mme Sinite
18 ye mbon Arvad+ ye mme Zemarite ye mme Hamathite;+ ndien ekem mme ubon mbon Canaan ẹtara ẹsuana.
19 Ndien adan̄a mbon Canaan ọtọn̄ọ ke Sidon esịm Gerar,+ emi ekperede Gaza,+ onyụn̄ ada esịm Sodom ye Gomorrah+ ye Admah+ ye Zeboiim,+ ekpere Lasha.
20 Mmọ emi ẹkedi nditọ Ham nte mme ubon ye usem ye isọn̄ ye idụt mmọ ẹdide.
21 Ndien nditọiren ẹmana ẹnọ Shem emi edide ete ete kpukpru nditọ Eber,+ akpaneka esie onyụn̄ edi Japheth.
22 Nditọiren Shem ẹkedi Elam+ ye Asshur+ ye Arpachshad+ ye Lud ye Aram.
23 Ndien nditọiren Aram ẹkedi Uz ye Hul ye Gether ye Mash.+
24 Ndien Arpachshad obon Shelah,+ Shelah onyụn̄ obon Eber.
25 Ndien nditọiren iba ẹkemana ẹnọ Eber. Kiet ekere Peleg,+ koro ke eyo esie ke isọn̄* akabahade;+ ndien eyeneka esie ekere Joktan.+
26 Ekem Joktan obon Almodad ye Sheleph ye Hazarmaveth ye Jerah+
27 ye Hadoram ye Uzal ye Diklah+
28 ye Obal ye Abimael ye Sheba+
29 ye Ophir+ ye Havilah+ ye Jobab;+ kpukpru emi ẹkedi nditọiren Joktan.
30 Ndien ebietidụn̄ mmọ ọkọtọn̄ọ ke Mesha tutu esịm Sephar, kpa obot obot ikpehe Edem Usiahautịn.
31 Mmọ emi ẹkedi nditọ Shem nte mme ubon mmọ ye usem ye isọn̄ ye idụt mmọ ẹdide.+
32 Mmọ emi ẹkedi mme ubon nditọ Noah nte mme ubon mmọ ye idụt mmọ ẹdide, ndien mme idụt ẹketo mmọ ẹsuana ẹyọhọ ke isọn̄ ke ukwọ ama ekebe.+
Mme Ikọ Idakisọn̄
^ M̀mê, “mme andidụn̄ isọn̄.”
