Hosea 2;1-23
2 “Ẹdọhọ nditọete mbufo iren ẹte, ‘Ikọt mi!’+ ẹnyụn̄ ẹdọhọ nditọete mbufo iban ẹte, ‘O iban emi ẹtuade mbọm!’+
2 Mbufo ẹda ke ikpe ye eka+ mbufo; ẹda ke ikpe ye enye, koro enye mîdịghe n̄wan+ mi, ami nnyụn̄ ndịghe ebe+ esie. Enye onyụn̄ enyene ndisio use ke idem esie mfep, nnyụn̄ nsion̄o mme edinam efịbe esie ke ufọt eba esie mfep,+
3 mbak ndisụk enye iferi+ ndinyụn̄ nnam enye etie iferi nte ke usen emi enye akamanade,+ nnyụn̄ nnam enye ebiet wilderness,+ nnyụn̄ nsịn enye etie nte edisat isọn̄,+ nnyụn̄ n̄wot enye ke nsatitọn̄.+
4 Ndien ndituaha nditọ esie mbọm,+ koro mmọ ẹdide nditọ use.+
5 Koro eka mmọ amanam use.+ Enye emi okoyomode mmọ amanam n̄kpọ o-bụt,+ koro enye ọdọhọde ete, ‘Nyom nditiene mme ama mi,+ mbon oro ẹnọde mi uyo ye mmọn̄ ye idet erọn̄ ye linen ye aran ye edin̄wọn̄ n̄kpọ.’+
6 “Ndien sese mmada n̄kukịm mbọp ọkọ n̄kanade usụn̄ esie; nyonyụn̄ mbọp ibibene itiat mbaha enye,+ mbak enye edikụt ọkpọusụn̄ esie asan̄a.+
7 Ndien eka mbufo ọyọwọrọ etiene mme ama esie, edi enye idisịmke mmọ;+ enye oyoyom mmọ edi idikwe. Enye oyonyụn̄ ọdọhọ ete, ‘Nyom ndifiak ntiene akpa+ ebe mi,+ koro n̄kpọ ama ọfọn ye ami ini oro akan idahaemi.’+
8 Edi enye ifiọkke+ ite ke edi ami n̄kọnọ enye wheat*+ ye edinem wine ye aran, ye nte ke ami n̄kanam silver esie awak ye gold oro mmọ ẹkedade ẹnam n̄kpọ ẹnọ Baal.+
9 “‘Mmọdo nyafiak mbọ wheat mi ke ekemini esie ye edinem wine mi ke ini esie,+ nyonyụn̄ n̄wamade enye idet erọn̄ mi ye linen mi emi enye akpadade ofụk iferi mbọ.+
10 Ndien nyofụhọde enye iferi ke iso kpukpru mbon oro ẹmade enye,+ ndien owo ndomokiet idikemeke ndinyan̄a enye nsio mi ke ubọk.+
11 Ndien nyanam kpukpru idara+ esie ye usọrọ+ esie ye obufa ọfiọn̄+ esie ye sabbath esie ye kpukpru ini usọrọ esie ẹtre.
12 Ndien nyabiat vine+ ye eto fig+ esie emi enye ọdọhọde aban̄a ete: “Mmọ ẹdi enọ oro mme ama mi ẹnọde mi”; nyanam mmọ ẹtie nte akai,+ mme unam ikọt ẹyenyụn̄ ẹbiat mmọ.
13 Ndien nyanam enye anam ibat+ aban̄a mme usen oro enye akanamde nsụn̄ikan̄ uwa+ ọwọrọ ọdọk ọnọ mbiet Baal,+ oro enye akadade n̄kpanuen ye n̄kpọmbana+ abana idem okonyụn̄ etienede mme ama esie+ onyụn̄ efrede+ mi,’ uyo Jehovah edi emi.
14 “‘Ntem ami ke n̄kpek enye, nyonyụn̄ nnam enye aka wilderness,+ nnyụn̄ ndọn̄ enye esịt.+
15 Ndien nyayak in̄wan̄ vine esie nnọ enye ọtọn̄ọde ke ini oro,+ nnyụn̄ nnọ enye unaisọn̄ itịghede Achor+ nte inuaotop idotenyịn; ndien enye ayada do ọbọrọ kpa nte ke ini uyen+ esie ye nte ke usen emi enye okotode isọn̄ Egypt ọwọrọ.+
16 Ndien ke usen oro,’ Jehovah ọdọhọ, ‘afo oyokot mi, Ebe mi, ndien udukotke mi aba Andinyene mi.’+
17 “‘Ndien nyosio enyịn̄ ndisọi mbiet Baal mfep ke inua esie,+ owo idinyụn̄ idaha aba enyịn̄ mmọ iti mmọ.+
18 Ndien ke usen oro nyanam ediomi ye ikọt mi mban̄a mme unam ikọt+ ye edibotn̄kpọ emi efede ke enyọn̄ ye se inyọnide ke isọn̄, nyonyụn̄ nsion̄o utịgha ye akan̄kan̄ ye ekọn̄ ke isọn̄ mfep,+ nyonyụn̄ nnam mmọ ẹdụn̄ ke ifụre.+
19 Ndien nyodụk ediomi ndọ ye afo ke nsinsi,+ nyonyụn̄ ndụk ediomi ndọ ye afo ke edinen ido ye ke unenikpe ye ke ima-mfọnido ye ke ediwak mbọm.+
20 Nyonyụn̄ ndụk ediomi ndọ ye afo ke akpanikọ; ndien afo ọyọfiọk Jehovah.’+
21 “‘Ndien ke usen oro nyọbọrọ,’ Jehovah ọdọhọ, ‘nyọbọrọ mme heaven, mmọ ẹyenyụn̄ ẹbọrọ isọn̄;+
22 ndien isọn̄ ọyọbọrọ n̄kpasịp+ ye edinem wine ye aran; ndien mmọ ẹyebọrọ Jezreel.*+
23 Ndien nyọtọ enye nte n̄kpasịp ke isọn̄+ nnọ idemmi, nyonyụn̄ ntua enye mbọm, kpa enye emi owo mîkatuaha mbọm,+ nyonyụn̄ ndọhọ mbon oro mîdịghe ikọt mi nte: “Mbufo ẹdi ikọt mi”;+ ndien mmọ ẹyedọhọ ẹte: “Afo edi Abasi nnyịn.”’”+