Hosea 3;1-5
3 Ndien Jehovah ọdọhọ mi ete: “Tọn̄ọ ntak ka kama n̄wan oro eren en̄wen amade,+ onyụn̄ esịnde efịbe, kpa nte Jehovah amade nditọ Israel+ ke ini mmọ ẹwọn̄ọrede ẹtiene mme abasi efen+ ẹnyụn̄ ẹmade ebok edisat grape.”*+
2 Ndien ndep enye nnọ idemmi ke mbak silver+ efịt ye udomo homer barley kiet ye ubak udomo homer barley.
3 Ekem ndọhọ enye nte: “Afo oyodu nte okịm ke ediwak usen.+ Kûnam use,+ kûnyụn̄ ukabade udi eke owo en̄wen;+ ndien ami n̄ko nyedi okwo.”
4 Koro nditọ Israel ẹyetie ediwak usen inyeneke edidem,+ inyeneke ọbọn̄, iwaha uwa,+ inyụn̄ inyeneke adaha ye ephod+ ye teraphim.+
5 Ekem nditọ Israel ẹyefiak ẹdiyom Jehovah Abasi mmọ+ ye David edidem mmọ;+ ẹnyụn̄ ẹsan̄a ke nnyekidem ẹtiene Jehovah+ ye eti ido esie ke mme akpatre usen.+
Mme Ikọ Idakisọn̄
^ “Mfri vine.”
