Jeremiah 14;1-22
14 Uyo Jehovah emi aban̄ade unana edịm ekesịm Jeremiah:+
2 Judah odu ke mfụhọ,+ mme inuaotop esie ẹmenyụn̄ ẹwụre.+ Mmọ ẹmesụhọde ẹtie ke isọn̄ ẹfụhọ,+ mfiori Jerusalem omonyụn̄ ọdọk.+
3 Ndien ikpọ owo mmọ ẹmedọn̄ mme usụhọde owo mmọ mmọn̄.+ Mmọ ẹdisịm mme udiọn̄ mmọn̄. Mmọ ikwe mmọn̄ ndomokiet.+ Mmọ ẹmefiak ẹnyọn̄ọ ye mme ukpọk aban̄ mmọ. Ẹmenam mmọ ẹdia bụt+ ẹnyụn̄ ẹkụt edikpu, mmọ ẹmenyụn̄ ẹfụk ibuot mmọ.+
4 Ke ntak oro ẹbiatde isọn̄ koro edịm ndomokiet mîdepke ke isọn̄,+ bụt anam mme ọtọin̄wan̄; mmọ ẹfụk ibuot mmọ.+
5 Koro uman edop ke in̄wan̄ amaman eyen, edi ọkpọn̄ enye do, sia baba nsehe mbiet kiet mîdụhe.
6 Mme zebra+ ẹmetuak ẹda ke enyọn̄ obot; mmọ ẹmen̄wek ẹyom ofụm nte mme jackal; enyịn mmọ ẹkịm koro baba ikọn̄ kiet mîdụhe.+
7 Idem ọkpọkọm mme ndudue nnyịn ẹtie ntiense ẹban̄a nnyịn, O Jehovah, nam n̄kpọ ke ntak enyịn̄+ fo; koro mme n̄kpọ oro nnyịn mînamke akpanikọ ẹmewak;+ edi afo ke nnyịn inam idiọkn̄kpọ idue.+
8 O afo emi edide idotenyịn Israel,+ Andinyan̄a enye+ ke ini nnanenyịn,+ ntak emi afo akabarede etie nte esenowo ke isọn̄, ye nte akaisan̄ oro awahade man adan̄ ke okoneyo?+
9 Ntak emi afo akabarede etie nte owo emi odude ke n̄kpaidem, nte ọkpọsọn̄ owo emi mîkemeke ndida baba edinyan̄a kiet ndi?+ Edi afo odu ke otu nnyịn,+ O Jehovah, ndien ẹkot nnyịn ẹdian enyịn̄ fo.+ Kûnam nnyịn ikụt edikpu.
10 Ntem ke Jehovah ọdọhọ aban̄a mbon emi ete: “Mmọdo mmọ ẹma ndiyo;+ mmọ ikpemeke ukot mmọ.+ Ntre Jehovah inemke esịt ye mmọ.+ Enye eyeti ndudue mmọ ke emi onyụn̄ etịn̄ enyịn ese mme idiọkn̄kpọ mmọ.”+
11 Ndien Jehovah ọdọhọ mi ete: “Kûbọn̄ akam ke ibuot mbon emi uyom ufọn mmọ.+
12 Ke ini mmọ ẹtrede udia, ami n̄kopke eseme mmọ;+ ke ini mmọ ẹnyụn̄ ẹwade ofụri edifọp uwa ye uwa n̄kpasịp ami nnemke esịt mban̄a mmọ;+ koro ami mmọn̄ nda akan̄kan̄ ye akan̄ ye idiọk udọn̄ọ nnam mmọ ẹsịm utịt mmọ.”+
13 Ntem ami ndọhọ nte: “O Jehovah Akakan Ọbọn̄ Andikara! Sese mme prọfet ke ẹdọhọ mmọ ẹte, ‘Mbufo idikwe akan̄kan̄, akan̄ ndomokiet idinyụn̄ isịmke mbufo, edi ata emem ke ami ndinọ mbufo ke ebiet emi.’”+
14 Ndien Jehovah ọdọhọ mi ete: “Mme prọfet ẹtịn̄ nsunsu ntịn̄nnịm ikọ ke enyịn̄ mi.+ Ami ndọn̄ke mmọ nnyụn̄ n̄wụkke mmọ nnyụn̄ ntịn̄ke ikọ nnọ mmọ.+ Nsunsu n̄kukụt ye idiọn̄ ye n̄kpọ eke mînyeneke ufọn+ ye abian̄a esịt mmọ ke mmọ ẹda ẹtịn̄ ntịn̄nnịm ikọ ẹnọ mbufo.+
15 Mmọdo ntem ke Jehovah ọdọhọ aban̄a mme prọfet emi ẹtịn̄de ntịn̄nnịm ikọ ke enyịn̄ mi, edi emi mmen̄kọdọn̄ke mmọ, emi ẹnyụn̄ ẹdọhọde ẹte ke akan̄kan̄ ye akan̄ idisịmke isọn̄ emi, ‘Mme prọfet oro ẹyekpan̄a ke akan̄kan̄ ye akan̄.+
16 Ndien mme owo oro mmọ ẹtịn̄de ntịn̄nnịm ikọ ẹnọ ẹyekabade ẹdi mbon oro ẹtomode ẹduọn̄ọ ke mme efak Jerusalem ke ntak akan̄ ye akan̄kan̄, owo idinyụn̄ idụhe eke obụkde mmọ—mmọ, ye iban mmọ ye nditọiren mmọ ye nditọiban mmọ.+ Ndien ami nyan̄wan̄a afanikọn̄ mmọ mfụk mmọ.’+
17 “Ndien afo enyene ndisian mmọ ikọ emi ete, ‘Yak mmọn̄eyet ewet mi ke enyịn osụhọde ke okoneyo ye ke uwemeyo,+ mmọ ẹkûnyụn̄ ẹsat, koro eyenan̄wan* ikọt mi omobụn̄ọ ke akwa iduọ,+ ye unan oro anamde enye ọdọn̄ọ etieti.+
18 Edieke n̄wọrọde n̄ka in̄wan̄, sese, mbon oro ẹwotde ke akan̄kan̄!+ Edieke nnyụn̄ ndụkde ndi obio, sese, n̄ko, mme udọn̄ọ ẹtode akan̄!+ Koro prọfet ye oku ẹmesan̄a ẹkanade idụt oro mmọ mîfiọkke.’”+
19 Nte afo emesịn Judah ofụri ofụri,+ mîdịghe nte ukpọn̄ fo amasua Zion?+ Ntak emi afo amiade nnyịn, tutu usọbọ idụhe inọ nnyịn?+ Nnyịn ikodori enyịn ke emem, edi eti n̄kpọ idụhe; inyụn̄ idori enyịn ke ini ukọk unan, ndien, sese! akwa ndịk!+
20 O Jehovah, nnyịn imọfiọk idiọkido nnyịn, ndudue mme ete ete nnyịn,+ koro nnyịn imanam idiọkn̄kpọ idue fi.+
21 Kûsuene nnyịn ke ntak enyịn̄ fo;+ kûsịn ebekpo ubọn̄ fo ke ndek.+ Ti; kûbiat ediomi fo oro akanamde ye nnyịn.+
22 Nte odu ekededi ke otu ikpîkpu mbiet+ mme idụt emi ekemede ndinam edịm edep, mîdịghe nte ikpaenyọn̄ ekeme ndinọ edịm?+ Nte idịghe afo edi Enye, O Jehovah Abasi nnyịn?+ Ndien nnyịn idori enyịn ke afo, koro edi afo anam kpukpru n̄kpọ emi.+
Mme Ikọ Idakisọn̄
^ At. Ed., “eyenan̄wan emi mîfiọkke erenowo.”
