Jeremiah 21;1-14
21 Ikọ+ emi okoto Jehovah esịm Jeremiah, ke ini Edidem Zedekiah+ ọkọdọn̄de Pashhur+ eyen Malchiah ye Zephaniah+ eyen Maaseiah, oku, utom ọnọ enye, ete:
2 “Mbọk bụp uyo Jehovah nọ nnyịn,+ koro Nebuchadrezzar edidem Babylon ke an̄wana ekọn̄ ye nnyịn.+ Ndusụk Jehovah ayanam ye nnyịn nte ekemde ye kpukpru mme utịbe utom esie, man enye afiak edem ọkpọn̄ nnyịn.”+
3 Ndien Jeremiah ọdọhọ mmọ ete: “Ntem ke mbufo ẹdidọhọ Zedekiah ẹte,
4 ‘Ntem ke Jehovah Abasi Israel ọdọhọ ete: “Sese ami mmọn̄ nnam n̄kpọekọn̄ emi ẹdude mbufo ke ubọk, emi mbufo ẹdade ẹn̄wana ye edidem Babylon,+ ye mbon Chaldea+ emi ẹkande mbufo ẹkụk ke edem ibibene, ẹkabade ẹn̄wana ye mbufo, ndien ami nyatan̄ mmọ mbon ke ufọt obio emi.+
5 Ndien ami nyada edinyanade ubọk ye ọkpọsọn̄ ubọk ye ikpahaesịt ye ifụtesịt ye akwa iyatesịt+ n̄n̄wana ye mbufo.+
6 Ndien ami nyamia mme andidụn̄ obio emi, owo ye unam. Mmọ ẹyekpan̄a ke ata idiọk udọn̄ọ.”’+
7 “‘“Ndien ke oro ebede,” uyo Jehovah edi emi, “ami nyayak Zedekiah edidem Judah ye mme asan̄autom esie ye ikọt esie ye mbon oro ẹsụhọde ke obio emi, oro ẹbọhọde idiọk udọn̄ọ, ye akan̄kan̄ ye akan̄, nsịn ke ubọk Nebuchadrezzar edidem Babylon, ye ke ubọk mme asua mmọ ye ke ubọk mbon oro ẹyomde ukpọn̄ mmọ, ndien enye oyowot mmọ ke iso akan̄kan̄.+ Enye idifụhọke iban̄a mmọ, idiwụtke mmọ mbọm, idinyụn̄ ituaha mmọ mbọm.”’+
8 “Ndien afo ọyọdọhọ mbon emi ete, ‘Ntem ke Jehovah ọdọhọ ete: “Sese ami mmenịm usụn̄ uwem ye usụn̄ n̄kpa ke iso mbufo.+
9 Owo oro odopde etie ke obio emi ayakpa ke akan̄kan̄ ye ke akan̄ ye ke idiọk udọn̄ọ;+ edi owo emi ọwọrọde etiene mbon Chaldea emi ẹkande mbufo ẹkụk oyodu uwem, ndien enye ayada ukpọn̄ esiemmọ enyene nte n̄kpọ mbụme.”’+
10 “‘“Koro mmowụk iso mi nse obio emi ke idiọk, nsehe ke eti,”+ uyo Jehovah edi emi. “Ẹyeyak enye ẹsịn ke ubọk edidem Babylon,+ enye oyonyụn̄ ọfọp enye ke ikan̄.”+
11 “‘Ndien amaedi mbufo mbonufọk edidem Judah, ẹkop ikọ Jehovah.+
12 O ufọk David,+ ntem ke Jehovah ọdọhọ ete: “Ẹkpe unenikpe+ kpukpru usenubọk,+ ẹnyụn̄ ẹnyan̄a owo emi ẹwode ẹsio ke ubọk owo utụk,+ mbak ifụtesịt mi edibụbede asak nte ikan̄+ onyụn̄ ata, ndien baba owo kiet eke enịmede enye idụhe ke ntak idiọk edinam mbufo.”’+
13 “‘Sese ami nyan̄wana ye afo, O n̄wan emi odụn̄de ke unaisọn̄ itịghede,+ O akwa itiat unaisọn̄,’ uyo Jehovah edi emi. ‘Amaedi mbufo emi ẹdọhọde ẹte: “Anie edidi edinam mfịna ye nnyịn? Anie edinyụn̄ odụk edi mme ebietidụn̄ nnyịn?”+
14 Ami n̄ko nyokot mbufo ẹdinam ibat+ nte ekemde ye mme edinam mbufo,’+ uyo Jehovah edi emi. ‘Ndien ami nyekịm ikan̄ ke akai esie,+ enye oyonyụn̄ ata kpukpru n̄kpọ oro ẹkande enye ẹkụk.’”+
