Jeremiah 36;1-32
36 Edikem ke ọyọhọ isua inan̄ emi Jehoiakim+ eyen Josiah, edidem Judah akarade, uyo Jehovah emi esịm Jeremiah, ete:
2 “Da ikpan̄wed ke idemfo,+ nyụn̄ wet ke esịt esie kpukpru ikọ+ oro ami ntịn̄de nnọ fi mban̄a Israel ye Judah+ ye kpukpru mme idụt,+ ọtọn̄ọde ke usen oro n̄ketịn̄de ikọ nnọ fi, toto ke eyo Josiah, tutu esịm mfịn emi.+
3 M̀mê ufọk Judah ẹyekop kpukpru afanikọn̄ emi ami n̄kerede ndinam esịm mmọ,+ man mmọ owo kiet kiet ẹkpefiak edem ẹkpọn̄ idiọk usụn̄ mmọ,+ man ami n̄kponyụn̄ mfen ndudue mmọ ye idiọkn̄kpọ mmọ.”+
4 Ndien Jeremiah okot Baruch+ eyen Neriah man Baruch ekpewet ke ikpan̄wed+ kpukpru ikọ Jehovah oro otode inua Jeremiah emi Enye eketịn̄de ọnọ enye.
5 Ekem Jeremiah owụk Baruch, ete: “Ẹmekọbi mi ẹbaha. Ami n̄kemeke ndidụk ufọk Jehovah.+
6 Ndien afo dụk kokot ikpan̄wed oro afo ewetde ikọ Jehovah+ oro otode inua mi, uyo ọwọrọ, sịn ke utọn̄ mbon oro ẹdude ke ufọk Jehovah ke usen utreudia;+ nyụn̄ kot n̄ko, uyo ọwọrọ,+ sịn ke utọn̄ kpukpru mbon Judah oro ẹtode mme obio mmọ ẹdụk ẹdi.
7 Ndusụk, eben̄e oro mmọ ẹben̄ede ẹyom mfọn eyedi ke iso Jehovah,+ ndien mmọ ẹyefiak edem, owo mmọ kiet kiet ọkpọn̄ idiọk usụn̄ esie,+ koro iyatesịt ye ifụtesịt emi Jehovah ọdọhọde aban̄a mbon emi omokpon.”+
8 Ndien Baruch+ eyen Neriah anam nte ekemde ye kpukpru se prọfet Jeremiah okowụkde enye ete okot ikọ Jehovah ke n̄wed oro uyo ọwọrọ,+ ke ufọk Jehovah.+
9 Edikem ke ọyọhọ isua ition emi Jehoiakim+ eyen Josiah, edidem Judah akarade, ke ọyọhọ ọfiọn̄ usụkkiet,+ kpukpru owo ke Jerusalem ye kpukpru owo oro ẹketode mme obio Judah ẹdi Jerusalem ẹdori utreudia ke iso Jehovah.+
10 Ndien Baruch ọtọn̄ọ ndikot ikọ Jeremiah ke n̄wed oro uyo ọwọrọ, esịn ke utọn̄ kpukpru owo, ke ufọk Jehovah, ke ubet udia+ Gemariah+ eyen Shaphan+ kpa osion̄o-n̄wed,+ ke enyọn̄ enyọn̄ okụre, ke usụn̄ obufa inuaotop ufọk Jehovah.+
11 Ndien Micaiah eyen Gemariah eyen Shaphan+ okop kpukpru ikọ Jehovah emi ẹtode n̄wed oro.
12 Ntre enye osụhọde aka ufọk edidem, okodụk ubet udia ewetn̄wed, ndien, sese! kpukpru mbọn̄ do ẹtie, Elishama+ ewetn̄wed ye Delaiah+ eyen Shemaiah ye Elnathan+ eyen Achbor+ ye Gemariah+ eyen Shaphan+ ye Zedekiah eyen Hananiah ye kpukpru mbọn̄ eken.
13 Ndien Micaiah+ asian mmọ kpukpru ikọ oro enye okokopde ke ini Baruch okokotde n̄wed oro uyo ọwọrọ esịn ke utọn̄ mme owo.+
14 Ekem kpukpru mbọn̄ ẹdọn̄ Jehudi+ eyen Nethaniah eyen Shelemiah eyen Cushi ẹkedọhọ Baruch+ ẹte: “Ikpan̄wed oro afo okokotde uyo ọwọrọ esịn ke utọn̄ mme owo—kama enye ke ubọk fo di.” Ntre Baruch eyen Neriah akama ikpan̄wed oro ke ubọk esie odụk ebịne mmọ.+
15 Ekem mmọ ẹdọhọ enye ẹte: “Mbọk, sụhọde tetie nyụn̄ kot enye uyo ọwọrọ sịn ke utọn̄ nnyịn.” Ntre Baruch+ okot enye ke utọn̄ mmọ uyo ọwọrọ.
16 Edikem ke ndondo oro mmọ ẹkopde kpukpru ikọ emi, mmọ ẹse kiet eken ye ndịk; ndien mmọ ẹdọhọ Baruch ẹte: “Nnyịn iditreke ndisian edidem kpukpru ikọ emi.”+
17 Ndien mmọ ẹbụp Baruch, ẹte: “Mbọk, sian nnyịn, Afo akasan̄a didie ewet kpukpru ikọ emi ẹtode inua esie?”+
18 Ekem Baruch ọdọhọ mmọ ete: “Enye akada inua esie etịn̄ kpukpru ikọ emi ọnọ mi, ami nnyụn̄ nda mmọn̄n̄wed n̄wet ke n̄wed.”+
19 Ke akpatre mbọn̄ ẹdọhọ Baruch ẹte: “Ka kedịbe, afo ye Jeremiah, mbak owo ndomokiet edifiọk ebiet emi mbufo ẹdude.”+
20 Ekem mmọ ẹdụk ẹbịne edidem ke okụre,+ ẹnyụn̄ ẹyak ikpan̄wed oro ẹnịm ke ubet udia+ Elishama+ ewetn̄wed; ndien mmọ ẹtọn̄ọ nditịn̄ kpukpru ikọ oro ke utọn̄ edidem.
21 Ntre edidem ọdọn̄ Jehudi+ akada ikpan̄wed oro edi. Ntem enye aka okosio enye ke ubet udia Elishama+ ewetn̄wed.+ Ndien Jehudi ọtọn̄ọ ndikot enye uyo ọwọrọ, ke utọn̄ edidem ye ke utọn̄ kpukpru mbọn̄ oro ẹdade ẹkpere edidem.
22 Ndien edidem eketie ke ufọk ini etuep,+ ke ọyọhọ ọfiọn̄ usụkkiet,+ eso ukan̄+ ke okonyụn̄ asak ke iso esie.
23 Edikem ke ndondo oro Jehudi okotde ikpehe ita m̀mê inan̄ ke ikpan̄wed oro, edidem ada ikwa ewetn̄wed ọtọn̄ọ ndisịbe enye ntop nsịn ke ikan̄ oro okodude ke eso ukan̄ tutu ofụri ikpan̄wed oro odụk ikan̄ oro okodude ke eso ukan̄.+
24 Ndien ndịk+ ikanamke mmọ; edidem ye kpukpru mme asan̄autom esie emi ẹkekopde kpukpru ikọ emi ikawaike ọfọn̄idem mmọ.+
25 Ndien Elnathan+ ye Delaiah+ ye Gemariah+ ẹkpe edidem ubọk ẹte okûfọp ikpan̄wed oro, edi enye ikopke uyo mmọ.+
26 N̄ko-n̄ko, edidem owụk Jerahmeel eyen edidem ye Seraiah eyen Azriel ye Shelemiah eyen Abdeel ete ẹmụm Baruch ewetn̄wed ye prọfet Jeremiah.+ Edi Jehovah edịp mmọ.+
27 Ndien uyo Jehovah ọtọn̄ọ ntak esịm Jeremiah, ke edidem ama ọkọfọp ikpan̄wed oro ye ikọ oro Baruch+ ekewetde oto inua Jeremiah,+ ete:
28 “Tọn̄ọ ntak da ikpan̄wed ke idemfo, ikpan̄wed efen, nyụn̄ wet ke enye kpukpru akpa ikọ oro ẹkedude ke akpa ikpan̄wed, emi Jehoiakim edidem Judah ọkọfọpde.+
29 Ndien afo enyene ndidọhọ mban̄a Jehoiakim edidem Judah, ete, ‘Ntem ke Jehovah ọdọhọ ete: “Afo ọmọfọp ikpan̄wed emi,+ onyụn̄ ọdọhọ ete, ‘Ntak emi afo ewetde ke esịt esie,+ ete: “Edidem Babylon iditreke ndidi, enye oyonyụn̄ osobo isọn̄ emi onyụn̄ anam owo ye unam ikọt ẹkụre ke esịt”?’+
30 Mmọdo ntem ke Jehovah ọdọhọ aban̄a Jehoiakim edidem Judah, ete, ‘Enye idinyeneke baba owo kiet emi editiede ke ebekpo David,+ ndien okpo esie eyedi n̄kpọ eke ẹtopde ẹnịm+ ẹnọ ufiop ke uwemeyo ye n̄kpọ eke ẹtopde ẹnịm ẹnọ tuep ke okoneyo.
31 Ndien ami nyokot enye+ ye nditọ esie ye mme asan̄autom esie ẹdinam ibat ẹban̄a ndudue mmọ,+ nyonyụn̄ nda kpukpru mme afanikọn̄ oro n̄kọdọhọde mban̄a mmọ ntiene mmọ ye mme andidụn̄ Jerusalem ye mbon Judah,+ mmọ ikonyụn̄ ikopke.’”’”+
32 Ndien Jeremiah ada ikpan̄wed efen ayak ọnọ Baruch eyen Neriah, ewetn̄wed,+ ndien enye ewet kpukpru ikọ n̄wed oro, emi otode inua+ Jeremiah oro Jehoiakim edidem Judah ọkọfọpde ke ikan̄;+ ẹma ẹnyụn̄ ẹwet ediwak ikọ efen emi ẹbietde mmọ emi ẹdian.
