Jeremiah 47;1-7
47 Uyo Jehovah emi ekesịm prọfet Jeremiah aban̄a mbon Philistia+ mbemiso Pharaoh osobode Gaza.+
2 Ntem ke Jehovah ọdọhọ ete:
“Sese! Mmọn̄ ke oto edem edere+ ọdọk edi,+ omonyụn̄ akabade akwa ukwọ. Ndien enye ọyọtọ ofụk isọn̄ ye se iyọhọde ke esịt, obio ye mme andidụn̄ ke esịt.+ Ndien mme owo ẹyefiori, kpukpru mme andidụn̄ isọn̄ oro ẹyenyụn̄ ẹtuan̄a.+
3 Ke ini mme ete ẹkopde uyom ntịm ikpat nyara enan̄-mbakara+ esie, ye uyom mme chariot+ ekọn̄ esie, ye uyom mme wheel+ esie, mmọ idiwọn̄ọkede ise nditọ mmọ, koro ubọk ememde mmọ,
4 ke ntak emi usen oro edide ndisobo kpukpru mbon Philistia,+ nnyụn̄ nsịbe kpukpru mme andibọhọ emi ẹkenọde un̄wam+ mfep ke Tyre+ ye Sidon.+ Koro Jehovah ọmọn̄ osobo mbon Philistia,+ kpa nsụhọ mbon emi ẹtode isuo Caphtor.+
5 Gaza+ ọyọkwọhọ ibọ.+ Ẹmenam Ashkelon+ odu ke ndobo. O nsụhọ unaisọn̄ itịghede mmọ, adan̄a didie ke afo edikpi idemfo?+
6 “Aha, akan̄kan̄ Jehovah!+ Adan̄a didie ke afo editre ndidop nna? Fiak dụk efọk+ fo. Nyụn̄ dop na sụn̄.
7 “Enye ekeme didie ndidop nna ke ini Jehovah ọnọde enye ewụhọ? Enye ana ọnọ Ashkelon ye mbeninyan̄.+ Do ke enye enịm enye ọnọ.”
