Jeremiah 48;1-47
48 Ntem ke Jehovah mme udịm, Abasi Israel, ọdọhọ aban̄a Moab+ ete:+ “Mbọm Nebo,+ koro ẹmebụme enye! Ẹmenam Kiriathaim+ adia bụt, ẹmenyụn̄ ẹkan enye. Ẹmenam edikon̄ ebiet ubọhọ adia bụt onyụn̄ okop ndịk.+
2 Moab+ inyeneke itoro aba. Mmọ ẹmetie ke Heshbon+ ẹkere idiọk ẹban̄a enye ẹte: ‘Mbufo ẹdi nnyịn isịbe enye ifep man enye okûdi aba idụt.’+
“O Madmen, afo n̄ko dop uyo. Akan̄kan̄ ke asan̄a ebịne fi.
3 Uyo mfiori oto Horonaim,+ mbụme ye akwa n̄wụre.
4 Ẹmewụri Moab.+ N̄kpri nditọ esie ẹmenam ẹkop mfiori.
5 Koro owo ke atua eyet asan̄a ke usụn̄ emi ọdọkde aka Luhith+—ntuan̄a odu. Koro mfiori nnanenyịn emi aban̄ade n̄wụre+ oro mme owo ẹkopde odu ke usụn̄ emi otode Horonaim osụhọde.
6 “Ẹfen̄e; ẹnyan̄a ukpọn̄ mbufo,+ mbufo ẹnyụn̄ ẹkabade ẹtie nte eto juniper ke wilderness.+
7 Sia afo ọbuọtde idem ke mme utom fo ye ke mme n̄kpọuto fo, ẹyekan fi n̄ko.+ Ndien Chemosh+ ye mme oku esie ye mbọn̄ esie ẹyeka ntan̄mfep+ ke ukem ini.+
8 Ndien andibụme oyodụk kpukpru mme obio,+ ndien baba obio kiet idikemeke ndibọhọ.+ Ndien itịghede ayatak, ẹyenyụn̄ ẹsobo unaisọn̄, n̄kpọ emi ke Jehovah ọdọhọ.
9 “Mbufo ẹnọ Moab idiọn̄ọ usụn̄, koro ke ini enye owụrede, enye ọyọwọrọ;+ ndien mme obio esie ẹyekabade ẹdi n̄kpọ n̄kpaidem, baba owo kiet ididụn̄ke ke mmọ.+
10 “Ọdọdiọk ọnọ owo eke anamde utom Jehovah ye unana ntịn̄enyịn;+ onyụn̄ ọdọdiọk ọnọ owo eke omụmde akan̄kan̄ esie akama mbak ediduọk iyịp!
11 “Mbon Moab ẹdu ke ifụre toto ke uyen mmọ,+ mmọ ke ẹden̄i ẹdiọhọ nte ntak wine.+ Owo inyụn̄ in̄wan̄ake mmọ ke aban̄ kiet isịn ke aban̄ efen, mmọ inyụn̄ ikaha ntan̄mfep. Oro edi ntak emi mmọ ẹsụk ẹnyenede inem, utebe mmọ mînyụn̄ ikpụhọkede.
12 “‘Mmọdo, sese! mme usen ke ẹdi,’ uyo Jehovah edi emi, ‘nyonyụn̄ ndọn̄ mmọ eke ẹnyụkde aban̄ nnọ mmọ, mmọ ẹyenyụk mmọ;+ ndien mmọ ẹyen̄wan̄a mme aban̄ mmọ ẹnịm ukpọk, ẹyenyụn̄ ẹnuak ikpọ aban̄ mmọ mbai mbai.
13 Ndien bụt ayanam mbon Moab aban̄a Chemosh,+ kpa nte bụt anamde mbon ufọk Israel aban̄a Bethel emi mmọ ẹbuọtde idem.+
14 Mbufo ẹsan̄a didie ẹdọhọ ẹte: “Nnyịn idi n̄kpọsọn̄ owo+ ye mme okopodudu owo ke ekọn̄”?’
15 “‘Ẹmebụme Moab, owo omonyụn̄ ọdọk aka ndin̄wana ye mme obio esie.+ Ata nti n̄kparawa mmọ ẹmenyụn̄ ẹsụhọde ẹka man ẹkewot mmọ,’+ emi edi uyo Edidem, emi enyịn̄ esie edide Jehovah mme udịm.+
16 “Afanikọn̄ emi edisịmde mbon Moab ke asan̄a ekpere, nnanenyịn mmọ ke awara edi.+
17 Kpukpru mbon oro ẹkande mmọ ẹkụk ẹyekop mmọ mbọm, idem ye kpukpru mbon oro ẹfiọkde enyịn̄ mmọ.+ Mbufo ẹdọhọ ẹte, ‘Sese nte ẹbụn̄de eto odudu, kpa esan̄ uyai!’+
18 “O eyenan̄wan+ emi odụn̄de ke Dibon,+ sụhọde ke ubọn̄, tie ke nsatitọn̄; koro andibụme Moab ọmọdọk etiene fi. Enye oyosobo mme ebiet ukpeme fo.+
19 “O n̄wan emi odụn̄de ke Aroer,+ tuak da yep usụn̄. Bụp eren emi efehede ye n̄wan emi ọbọhọde efehe. Bụp ete, ‘Nso itịbe?’+
20 Ẹmenam Moab adia bụt, koro ẹmenam enye okop ndịk.+ Ẹfiori ẹnyụn̄ ẹtuan̄a. Mbufo ẹtịn̄ ke Arnon+ ẹte ke ẹmebụme Moab.
21 Ndien ubiereikpe emesịm obio unaisọn̄,+ esịm Holon ye Jahaz+ ye Mephaath,+
22 ye Dibon+ ye Nebo+ ye Beth-diblathaim,
23 ye Kiriathaim+ ye Beth-gamul ye Beth-meon+
24 ye Kerioth+ ye Bozrah,+ onyụn̄ esịm kpukpru mme obio ke isọn̄ Moab, mmọ oro ẹdude anyan usụn̄ ye mmọ oro ẹdude ẹkpere.
25 “‘Ẹmesịbe nnụk Moab ẹfep,+ ẹmenyụn̄ ẹbụn̄ enye ubọk,’+ uyo Jehovah edi emi.
26 ‘Mbufo ẹnam enye akpa mmịn,+ koro enye okohorede idem ke iso Jehovah;+ Moab omonyụn̄ ewere ke ikpọhi esie,+ ndien enye amakabade edi n̄kpọ nsahi.
27 “‘Ndien nte Israel ikakabakede idi n̄kpọ nsahi inọ fi?+ Mîdịghe ndi ẹma ẹkụt enye ke otu mme inọ?+ Koro afo ama enyen̄e idem adan̄a ediwak ini eke afo etịn̄de ikọ aban̄a enye.
28 “‘Mbufo mme andidụn̄ Moab, ẹwọrọ ẹkpọn̄ mme obio ẹkedụn̄ ke enyọn̄ akwa itiat,+ ẹnyụn̄ ẹkabade ẹbiet ibiom emi ọbọpde efọk esie ke inua ndudu.’”+
29 “Nnyịn imokop iban̄a ntan̄idem Moab+—enye eseri iseri etieti—ye n̄kohodeidem esie ye ntan̄idem esie ye iseri esie ye esịt iseri esie.”+
30 “‘Ami mmọfiọk ifụtesịt esie,’ uyo Jehovah edi emi, ‘ndien iditịbeke ntre; ikpîkpu ikọ esie+—mmọ idikam inamke ntre.+
31 Oro edi ntak emi ndifioride mban̄a Moab, nyonyụn̄ ntua mban̄a ofụri Moab.+ Koro owo eyeseme aban̄a mbon Kir-heres.+
32 “‘Nyatua fi, O vine Sibmah,+ n̄kan nte n̄katuade Jazer.+ Mme n̄kọk fo emi ẹsehede ẹmebe inyan̄. Mmọ ẹmebe inyan̄ ẹkesịm Jazer.+ Andibụme ọmọduọ ofụk+ mfri ndaeyo+ fo ye grape fo emi ẹtetde.
33 Ndien ẹmen idara ye inemesịt ẹfep ke in̄wan̄ mfri ye ke isọn̄ Moab.+ Ndien mmanam wine etre ndidu ke mme obube unyịmi wine.+ Baba owo kiet ididịghike ye n̄kpo. N̄kpo oro ididịghe n̄kpo.’”+
34 “‘Mmọ ẹmenede uyo mmọ ẹfiori ke Heshbon+ tutu esịm Elealeh+ onyụn̄ ebe esịm Jahaz,+ ẹnyụn̄ ẹmenede uyo+ ẹfiori ke Zoar+ tutu esịm Horonaim,+ onyụn̄ ebe esịm Eglath-shelishiyah;+ koro ẹyebiat mmọn̄ Nimrim.+
35 Ndien ami nyanam owo eke emende uwa edi ndiwa ke edikon̄ ebiet ye owo eke anamde nsụn̄ikan̄ uwa ọwọrọ ọdọk ọnọ abasi esie,+ etre ndidu ke Moab,’ uyo Jehovah edi emi.
36 ‘Oro edi ntak emi esịt mi ediyomode uyom aban̄a Moab, nte ifiom;+ ndien amaedi mbon Kir-heres+ esịt mi oyoyomo uyom, nte ifiom. Oro edi ntak emi uwak inyene oro enye ọkọde ẹditakde.+
37 Koro kpukpru ibuot ẹkwọhọde ibọ,+ ẹmenyụn̄ ẹfat kpukpru ntan̄ebek.+ Nde emi ẹkpide ẹnyụn̄ ẹdu ke kpukpru ubọk,+ ẹnyụn̄ ẹkụne ọfọn̄ ntuan̄a ke isịn!’”+
38 “‘Ke kpukpru ọkọm Moab ye ke mme an̄wa obio esie—kpukpru mmọ—ntuan̄a odu;+ koro ami mmobom Moab kpa nte aban̄ eke mîdatke owo esịt,’+ uyo Jehovah edi emi.
39 ‘O sese nte idem enyekde enye! Mbufo ẹfiori! O sese nte Moab ọwọn̄ọrede edem! Bụt amanam enye.+ Moab omonyụn̄ akabade edi n̄kpọ nsahi ye n̄kpọ emi anamde idem enyek kpukpru mbon oro ẹkande enye ẹkụk.’”
40 “Koro ntem ke Jehovah ọdọhọ ete, ‘Sese! Kpa nte ntrukpom ofụkde n̄kpọ omụm,+ owo ayatat mba esie n̄ko ofụk Moab.+
41 Ẹyekan mme obio, ẹyenyụn̄ ẹbọ n̄kpọsọn̄ ebiet esie ke n̄kanubọk. Ndien ke usen oro, esịt n̄kpọsọn̄ owo Moab ayakabade etie nte esịt n̄wanndọ emi okopde ubiak uman.’”+
42 “‘Ndien ẹyesobo Moab ẹfep man enye okûdi aba idụt,+ koro enye okohorede idem ke iso Jehovah.+
43 Ndịk ye obube ye afia ẹna ẹnọ fi, O andidụn̄ Moab,’+ uyo Jehovah edi emi.
44 ‘Owo ekededi eke efehede ke ntak ndịk ọyọduọ odụk obube; afia oyonyụn̄ omụm owo ekededi eke ọwọrọde ke obube.’+
“‘Koro nyanam isua eke ẹdiwọn̄ọrede enyịn ẹse Moab esịm enye,’+ uyo Jehovah edi emi.
45 ‘Mmọ eke ẹfen̄ede ẹmetuak ẹda ke mfụt Heshbon, inyeneke odudu. Koro ikan̄ oyoto Heshbon+ ọwọrọ, edemeikan̄ oyonyụn̄ oto ufọt Sihon;+ enye oyonyụn̄ ata etak mban̄ Moab ye etịn̄ibuot nditọ ndutịme.’+
46 “‘Mbọm fo, O Moab!+ Mbon Chemosh+ ẹmetak. Koro ẹmetan̄ nditọiren fo ye nditọiban fo nte mbuotekọn̄.
47 Ndien nyatan̄ mbon Moab emi ẹkemụmde nte mbuotekọn̄ mbon ọtọkiet ke mme akpatre usen,’+ uyo Jehovah edi emi. ‘Ubiereikpe Moab etre mi.’”+
