Job 16;1-22
16 Ndien Job ọbọrọ onyụn̄ ọdọhọ ete:
2 “Mmokop ediwak n̄kpọ eke ẹtiede ntem.Kpukpru mbufo ẹdi mfịna mfịna mbon ndọn̄esịt!+
3 Nte ikpîkpu ikọ esinyene utịt?+Mîdịghe nso iyat fi esịt, emi afo ọbọrọde?
4 Ami n̄ko n̄kpekeme nditịn̄ ikọ nte mbufo ẹtịn̄de.Edieke ukpọn̄ mbufo okpodude ke itie ukpọn̄ mi,Nte ami n̄kpan̄wan̄a ikọ mfụk mbufo,+Nte n̄kponyụn̄ mfụn̄ ibuot mban̄a mbufo?+
5 Ami n̄kpada ikọ inua mi nsọn̄ọ mbufo idem,+Ndọn̄esịt n̄kpọkinua mi okponyụn̄ osụk mbufo esịt—.
6 Edieke ntịn̄de ikọ, oro idisụkke ubiak mi,+Edieke nnyụn̄ ntrede ndinam ntre, didie ke oro osụk ubiak mi?
7 N̄kukụre edi nte, ke emi, enye anam mi n̄kpa mba;+Enye amanam kpukpru mbon oro ẹsopde idem ye ami ẹkpọn̄ mi.
8 Afo n̄ko omomụm mi. Enye amakabade edi ntiense,+Ndien ndiọkidem mi adaha ada afịna mi. Enye etie ntiense ke iso mi.
9 Iyatesịt esie awai mi n̄ken̄e n̄ken̄e, enye onyụn̄ enyene usua+ ke esịt aban̄a mi.Enye ata edet esie ese mi.+Asua mi eyet enyịn esie ese mi.+
10 Mmọ ẹn̄wan̄ade inua mmọ ndimen mi mmen,+Ẹda esuene ẹyịbi mi mfụk,Ẹsop idem ọtọkiet ke akwa udịm ẹban̄a mi.+
11 Abasi ayak mi esịn nditọwọn̄ ke ubọk,Enye onyụn̄ otop mi ibuot ibuot esịn mme idiọkowo ke ubọk.+
12 N̄kedi man ndu ke ifụre, edi enye enyen̄e mi;+Enye onyụn̄ omụm mi obotitọn̄ obụn̄,Ndien enye enịm mi nte iso en̄wan esie.
13 Mme otop utịgha+ esie ẹkan mi ẹkụk;Enye asiak ekpụt+ mi inyụn̄ ituaha mbọm;Enye an̄wan̄a efọk etidot mi ọduọk ke isọn̄.
14 Enye asiak mi ebe nte ediwak nsiaha ibibene;Enye efehe ebịne mi nte ọkpọsọn̄ owo.+
15 Ami mmekịm ọfọn̄ ntuan̄a+ nda mfụk ikpaidem,Mmonyụn̄ ntop nnụk mi nduọk ke ntan.+
16 Iso mi emeyịbe ọnọ eyet,+Ikpọkenyịn mi onyụn̄ ebre,+
17 Okposụkedi emi afai mîdụhe mi ke ekaubọk,Akam mi onyụn̄ edide edisana.+
18 O isọn̄, kûfụk iyịp mi!+Yak itie okûnyụn̄ odu ọnọ eseme mi!
19 N̄ko, ke emi, sese! enye emi etiede ntiense aban̄a mi odu ke heaven,Ntiense mi onyụn̄ odu ke edikon̄ ebiet.+
20 Mme ufan mi ẹtịn̄ ikọ ẹdian mi;+Enyịn mi onyụn̄ ataba idap ese Abasi.+
21 Ndien ẹnyene ndibiere ikpe ke ufọt owo ye Abasi,Ukem nte ke ufọt owo ye ekemmọ owo.+
22 Koro osụk kan̄a ibat ibat isua,Ndien ami nyodụk usụn̄ eke mmendifiakke aba ndi.+
