Job 17;1-16
17 “Spirit mi omobụn̄ọ,+ mme usen mi ẹmekụre;Udi ana ọnọ mi.+
2 Ke akpanikọ ẹmesak mi nsahi,+Enyịn mi onyụn̄ owụhọ ke edu nsọn̄ibuot mmọ.
3 Mbọk, yak ubiọn̄ mi odu ye afo.+Anie efen odu oro edinọde mi ubọk+ ke ubiọn̄?
4 Koro afo emedịp esịt mmọ ifiọk.+Ntak edi oro afo mûmenekede mmọ ke enyọn̄.
5 Enye ekeme ndidọhọ mme nsan̄a esie ẹda udeme mmọ,Edi enyịn nditọ esie ẹyekịm.+
6 Ndien enye anam mi n̄kabade ndi ufiet+ nnọ mme owo,Tutu ndikabade ndi owo emi ẹfiaride etap ke iso.+
7 Ndien mfụhọ esịn enyịn ekịm mi,+Kpukpru ndido idem mi ẹnyụn̄ ẹbiet mbukpọn̄.
8 Mmọ eke ẹnende ẹse emi ke n̄kpaidem,Owo eke mîduehe onyụn̄ ayat esịt aban̄a owo mfiakedem.
9 Edinen owo aka iso omụm usụn̄ esie akama,+Owo eke ubọk+ esie asanade onyụn̄ ọdọdiọn̄ okop odudu.+
10 Edi, kpukpru mbufo ẹmekeme ndifiak ntọn̄ọ. Ntre, mbọk, ẹka iso,Koro mmen̄kwe owo ọniọn̄ ndomokiet ke otu mbufo.+
11 Mme usen mi ẹmebe,+ ẹmebiat uduak mi ẹfep,+Kpa se esịt mi oyomde.
12 Mmọ ẹmen okoneyo ẹnịm ke uwemeyo;+‘Un̄wana emekpere ke ntak ekịm.’
13 Edieke mbetde, Udi* edidi ufọk mi;+Ami nyebri bed mi ke ekịm.+
14 Nyọdọhọ obube+ nte, ‘Afo edi ete mi!’Ndọhọ ndọn̄+ nte, ‘Afo edi eka mi ye eyeneka mi an̄wan!’
15 Ntre, enye ndien idotenyịn+ mi?
Idotenyịn mi—anie onyụn̄ okụt enye?
16 Mmọ ẹyesụhọde ke inuaotop Udi,*
Ke ini kpukpru nnyịn idisụhọrede ọtọkiet ke ntan.”+
