Job 18;1-21
18 Ndien Bildad eyen Shuah ọbọrọ onyụn̄ ọdọhọ ete:
2 “Edibịghi adan̄a didie mbufo ndida ikọ n̄kayak?
Akpana an̄wan̄a mbufo, nte ke ama ekem nnyịn iyetịn̄ ikọ.
3 Ntak emi ẹkpebatde nnyịn nte mme unam+Nnyịn inyụn̄ idide edidehe ke enyịn mbufo?
4 Enye awai ukpọn̄ esie n̄ken̄e n̄ken̄e ke iyatesịt esie.Nte ẹyekpọn̄ isọn̄ ke ntak fo,Mîdịghe nte akwa itiat ayadaha ọkpọn̄ itie esie?
5 Un̄wana mme idiọkowo n̄ko eyenịme+Edemeikan̄ esie idinyụn̄ iyamake.
6 Un̄wana ayakabade ekịm ke tent esie,+Utuenikan̄ esie oyonyụn̄ enịme ke esịt esie.
7 Okopodudu ikpatisan̄ esie ayakabade afaha.Item esie oyonyụn̄ emen enye ọduọk.+
8 Koro ikpat esie iditreke ndida enye n̄kodụk iyịre,Enye oyonyụn̄ asan̄a ke iyịre.+
9 Afia oyomụm enye ke nditịn̄ikpat;+Ekpọ+ ọsọn̄ọ omụm enye akama.
10 Ndien ẹdịp urụk emi ẹnịmde ẹnọ enye ke isọn̄,Ẹnyụn̄ ẹnịm afia ẹnọ enye ke usụn̄ esie.
11 Mbabuat n̄kpọndịk ẹkan enye ẹkụk ẹnyụn̄ ẹnam enye edịghe,+Ẹnyụn̄ ẹta ẹdiana enye ke ikpat.
12 Odudu okụre enye,Ndien afanikọn̄+ eben̄e idem ndinam enye ọsọk isan̄.
13 Enye ayata mbak ikpaidem esie;Enye emi edide akpan ọnọ n̄kpa ayata ubọk ye ukot esie.
14 Ẹyebiat se enye ọbuọtde idem ẹfep ke tent esie+Ẹyenyụn̄ ẹnam enye asan̄a aka ke ọtọ edidem ndịk.
15 Se mîdịghe esie oyodụn̄ ke tent esie;Ẹyesuan sulphur+ ke ebietidụn̄ esie.
16 Mme orụn̄ esie ẹyesat ke idak,+Mme n̄kọk esie ẹyenyụn̄ ẹyemede ke enyọn̄.
17 Ẹyetre ndisiak enyịn̄ esie ke isọn̄,+Enye idinyụn̄ inyeneke enyịn̄ ke efak.
18 Mmọ ẹyeberi enye ẹsio ke un̄wana ẹsịn ke ekịm,Ẹyenyụn̄ ẹbịn enye ẹsio ke isọn̄.
19 Enye idinyụn̄ inyeneke nditọ ye nditọ nditọ ke otu ikọt esie,+Owo idinyụn̄ ibọhọke isụhọ ke ebiet emi enye odụn̄de nte esen.
20 Ke eyo esie mbon Edem Usoputịn ẹyese n̄kpọ ke n̄kpaidem,Idem oyonyụn̄ enyek mbon Edem Usiahautịn.
21 N̄kukụre edi nte ke emi edi tent mme anamidiọk,Emi onyụn̄ edi itie owo eke mîfiọkke Abasi.”
