Job 19;1-29
19 Ndien Job ọbọrọ onyụn̄ ọdọhọ ete:
2 “Adan̄a didie ke mbufo ẹdiyat ukpọn̄ mi esịt+Ẹdinyụn̄ ẹda ikọ ẹtụhọde mi?+
3 Mbufo ẹmesua ẹnọ mi utịm ikoduop emi;Bụt inyụn̄ inamke mbufo nte mbufo ẹsọn̄de ido ntem ye ami.+
4 Ndien, edieke edide akpanikọ ke mmanam ndudue,+Ndudue mi editak ye ami.
5 Edieke mbufo ẹkohorede idem ke iso mi,+Ẹnyụn̄ ẹwụtde ke esuene mi odot ye ami,+
6 Do, ẹfiọk ẹte ke Abasi omotụn mi usụn̄,Omonyụn̄ okụk mi esịn ke iyịre ata-ikọt esie.+
7 Sese! Ami mmofiori nte, ‘Afai!’ edi nnyeneke ibọrọ;+Mmeseme nyom un̄wam, edi unenikpe idụhe.+
8 Enye amada ibibene itiat esịri usụn̄ mi,+ ndien ami n̄kemeke ndibe;Enye onyụn̄ esịn ekịm ke usụn̄ mi.+
9 Enye omosio mi ubọn̄ ke idem efep,+Omonyụn̄ ayarade mi anyanya ke ibuot.
10 Enye ada ke kpukpru edem onụk mi ọduọk, ndien ami nsop;Enye onyụn̄ owụbede idotenyịn mi nte eto.
11 Iyatesịt esie asak mi ke idem,+Enye onyụn̄ aka iso ada mi nte asua esie.
12 Mme udịmekọn̄ esie ẹdiana kiet ẹbọp usụn̄ ẹbaha mi,+Mmọ ẹnyụn̄ ẹnam nna ẹkanade tent mi.
13 Enye enịm nditọete mi nsannsan ọkpọn̄ mi,+Mbon emi ẹdiọn̄ọde mi ẹmenyụn̄ ẹwọn̄ọde ẹkpọn̄ mi.
14 Nnyeneke aba mme n̄kpet n̄kpet ufan,+Ndien mbon oro ndiọn̄ọde ẹmefre mi,
15 Isenowo emi ẹdụn̄de ke ufọk mi;+ ye ifịn iban mi ẹbat mi nte esenowo;Ami nditie nte ata owo esenidụt ke enyịn mmọ.
16 Ami mmofiori n̄kot asan̄autom mi, edi enye iyereke.
Nda inua mi n̄kpe ubọk nyom mbọm.
17 Ibifịk mi edidi n̄kpọ itekesịt ọnọ n̄wan mi,+Ami mmonyụn̄ n̄kabade ndi n̄kpọ itekesịt nnọ nditọ emi ẹtode idịbi eka mi.
18 N̄ko nditọwọn̄ ẹmesịn mi;+Ndaha ke enyọn̄, ndien mmọ ẹtọn̄ọ nditịn̄ ikọ ndian mi.
19 Kpukpru mme n̄kpet n̄kpet ufan mi ẹmesua mi,+Mbon oro ami mmade ẹmenyụn̄ ẹwọn̄ọde ẹn̄wana ye ami.+
20 Ikpaidem mi ye obụkidem mi ẹfịmi ẹdiana mi ke ọkpọ,+Ndien ayak nsịn̄ ami n̄kpọbọhọke.
21 Ẹtua mi mbọm, O mbufo mme ufan mi, ẹtua mi mbọm,+Koro ubọk Abasi otụkde mi.+
22 Ntak emi mbufo ẹsụk ẹkọbọde mi nte Abasi ọkọbọde,+Nte iyụhọke mbufo nditụhọde obụkidem mi?
23 Ubaha nte ẹkpewetde ikọ mi ẹnịm!
Ubaha nte ẹkpewetde mmọ ẹsịn ke n̄wed!
24 Ubaha nte ẹkpedade eton̄wed+ ukwak ye n̄ket,Ẹkap enye ke itiat man odu ke nsinsi!
25 Ami mmetịm mfiọk nte ke andifak+ mi do ke uwem,Ye nte ke mma n̄kpa, enye ayadaha adada+ ke ntan.
26 Ndien ke mmọ ẹfọrọrede mi ikpaidem,—edidi ntem!
Kpa ye oro ikpaidem mi atahade ami nyokụt Abasi,
27 Emi ndikụtde ke idemmi,+Emi enyịn mi edikụtde, idịghe enyịn esenowo.
Mme ekpụt mi ẹmedop mi ke esịtidem.
28 Koro mbufo ẹdọhọde ẹte, ‘Nso inam nnyịn isụk ikọbọde+ enye?’Ke ini edide ami ndi ntak mfịna emi.
29 Mbufo ẹdịghe ke ntak akan̄kan̄,Koro akan̄kan̄+ an̄wanade ye mbon oro ẹnamde idiọk,Man mbufo ẹfiọk ẹte ke ebiereikpe odu.”+
