Job 2;1-13
2 Edikem ke usen oro nditọ ata Abasi ẹdụkde ẹdida itie mmọ ke iso Jehovah, Satan n̄ko etiene odụk otu mmọ edida ke iso Jehovah.+
2 Ndien Jehovah obụp Satan ete: “Afo oto m̀mọ̀n̄ edi?” Ntem Satan ọbọrọ Jehovah ete: “Nto ndiyọrọ ke isọn̄ ye ndiyo ke esịt.”+
3 Ndien Jehovah obụp Satan ete: “Nte afo omokụt asan̄autom mi Job,+ ete ke idụhe owo eke ebietde enye ke isọn̄, enye inyeneke nduduọhọ, enen+ onyụn̄ abak Abasi+ onyụn̄ ọwọn̄ọde ọkpọn̄ idiọk?+ Ndien enye osụk omomụm nsọn̄ọnda+ esie akama, okposụkedi emi afo anamde+ mi mmen enye mmen ke unana ntak.”+
4 Edi Satan+ ọbọrọ Jehovah ete: “Ikpa ke ibuot ikpa, ye kpukpru se owo enyenede ke enye edinọ ke ibuot ukpọn̄ esie.+
5 Man ukpụhọde odu, mbọk, nyan ubọk fo tụk ọkpọ esie ye obụkidem esie nyụn̄ se m̀mê enye idisụn̄ike fi ke iso fo.”+
6 Ndien Jehovah ọbọrọ Satan ete: “Sese, enye esịne fi ke ubọk! Edi kpeme idemfo ye ukpọn̄ esie!”
7 Ntre Satan ọwọrọ ọkpọn̄ iso Jehovah+ ndien akada idiọk mbufụt+ etịm Job ọtọn̄ọde ke ekaikpat esie tutu esịm etịn̄ibuot.
8 Ndien enye ada ubak usiọn̄ akwat idem; enye onyụn̄ etie ke ntọn̄.+
9 Ekem n̄wan esie ọdọhọ enye ete: “Nte afo ke osụk omomụm nsọn̄ọnda fo akama?+ Sụn̄i Abasi nyụn̄ kpa!”
10 Edi enye ọbọrọ n̄wan esie ete: “Afo etịn̄ ikọ nte anana-ibuot+ an̄wan. Nte nnyịn idibọ sụk se ifọnde ito ata Abasi, ibọhọ se idiọkde n̄ko?”+ Ke kpukpru emi Job inamke idiọk ke n̄kpọkinua esie.+
11 Ndien mme ufan Job ita ẹkop kpukpru afanikọn̄ emi ẹsịmde enye, ndien mmọ kiet kiet ẹto ebiet mmọ ẹdi, Eliphaz owo Teman+ ye Bildad eyen Shuah+ ye Zophar owo Naamah.+ Ntre mmọ ẹdiomi+ ini ẹsop idem ọtọkiet man ẹka ẹkeseme enye ẹnyụn̄ ẹdọn̄ enye esịt.+
12 Ke ini mmọ ẹdade nsannsan ẹkụt enye mmọ idiọn̄ọke enye aba. Ndien mmọ ẹmenede uyo ẹtua eyet, mmọ kiet kiet ẹnyụn̄ ẹwak+ anana-ubọk kod mmọ ẹnyụn̄ ẹtop ntọn̄ ke enyọn̄ ẹduọk ke ibuot+ mmọ.
13 Ndien mmọ ẹtie+ ke isọn̄ ye enye uwemeyo itiaba ye okoneyo itiaba, baba owo kiet inyụn̄ itịn̄ke ikọ ye enye, koro mmọ ẹkụtde nte ubiak+ esie enen̄erede okpon.
